|
صدر آصف علی زرداری کی یو اے ای کے وزیر خارجہ سے گفتگو |
|
|
|
صدر آصف علی زرداری کی یو اے ای کے وزیر خارجہ سے گفتگو
صدر مملکت کی بے نظیر بھٹو انکوائری کمیشن کےلئے اقوام متحدہ ٹرسٹ فنڈ کےلئے عطیہ پر یو اے ای حکومت کی تعریف اسلام آباد ۔ 4 جولائی (اے پی پی) صدر آصف علی زرداری نے کہا ہے کہ پاکستان متحدہ عرب امارات کے ساتھ اپنی دوستی اور برادرانہ تعلقات کو بہت اہمیت دیتا ہے جبکہ دوطرفہ سماجی و اقتصادی اور تجارتی تعلقات کو مزید فروغ دینے کی ضرورت ہے۔ انہوں نے یہ بات ہفتہ کو یو اے ای کے وزیر خارجہ شیخ عبداللہ بن زید النہیان سے ایوان صدر میں گفتگو کرتے ہوئے کہی۔ صدر مملکت نے نقل مکانی کرنے والے افراد کی امداد اور بحالی اور محترمہ بے نظیر بھٹو انکوائری کمیشن کےلئے اقوام متحدہ ٹرسٹ فنڈ کےلئے عطیہ پر یو اے ای کی حکومت کی تعریف کی |
|
وزیراعظم یوسف رضا گیلانی |
|
|
|
قانون کی حکمرانی اور عدلیہ کی آزادی کیلئے حکومت ہر ممکن تعاون کرے گی
شام کی عدالتوں کے قیام سے عدلیہ کی استعداد مزید بڑھے گی۔ وزیراعظم یوسف رضا گیلانی اسلام آباد ۔ 4 جولائی (اے پی پی) وزیراعظم سیّد یوسف رضا گیلانی نے نئی قومی جوڈیشل پالیسی کو سراہتے ہوئے کہا ہے کہ اس پالیسی کا مقصد بدعنوانی کے خاتمے اور فوری انصاف کو یقینی بنانے کیلئے عدلیہ کی تمام سطحوں پر زیر التواءمقدمات کو نمٹانا ہے۔ انہوں نے یہ بات ہفتہ کو جاری ہونے والے ایک بیان میں کہی ہے۔ مختصر وقت میں قومی جوڈیشل پالیسی کی تاریخی کامیابی پر تبصرہ کرتے ہوئے انہوں نے کہا کہ حکومت قانون کی حکمرانی قائم رکھنے اور عدلیہ کی آزادی کو یقینی بنانے کیلئے ہر ممکن تعاون کرے گی۔ |
|
|
وزیراعظم سید یوسف رضا گیلانی سے وفاقی وزراءسمیت ارکان |
|
|
|
وزیراعظم سید یوسف رضا گیلانی سے وفاقی وزراءسمیت ارکان پارلیمنٹ کے گروپ کی ملاقات اسلام آباد ۔ 4 جولائی (اے پی پی) وزیراعظم سید یوسف رضا گیلانی سے وفاقی وزرائے سمیت ارکان پارلیمنٹ کے گروپ نے ہفتہ کو یہاں ایوان وزیراعظم میں ملاقات کی۔ ملاقات کرنے والوں میں وزیر مواصلات ڈاکٹر ارباب عالمگیر خان،وزیر تجارت مخدوم امین فہیم، ڈپٹی چیئرمین سینٹ جان محمد جمالی ارکان قومی اسمبلی عاصمہ ارباب عالمگیر، خانزادہ خان اور میر چنگیز خان جمالی شامل تھے۔ انہوں نے وزیراعظم کو اپنے متعلقہ علاقوں سے متعلق امور کے بارے میں آگاہ کیا۔ |
|
|
وفاقی وزیر اطلاعات و نشریات قمر زمان کائرہ کا نیشنل پری |
|
|
|
وفاقی وزیر اطلاعات و نشریات قمر زمان کائرہ کا نیشنل پریس کلب میں بچوں کے حقوق کے تحفظ کیلئے بل کے حوالہ سے منعقدہ تقریب سے خطاب اسلام آباد ۔ 4 جولائی (اے پی پی) وفاقی وزیر اطلاعات و نشریات قمر زمان کائرہ نے کہا ہے کہ پاکستان پیپلز پارٹی کی حکومت نے ہمیشہ مزدوروں اور محکوموں کے حقوق کا تحفظ کیا ہے اور اب بچوں کے حقوق کو بھی ہماری حکومت یقینی بنائے گی، پارلیمنٹ سے بچوں کے حقوق کا بل پاس کرانے کیلئے میں بطور رکن اسمبلی بھی اپنا کردار ادا کروں گا، ہمیں تمام طبقوں کے حقوق کو یقینی بنانے کیلئے ہر طرح کی سیاسی اور جمہوری جدوجہد کرنا ہو گی۔ وہ ہفتہ کو نیشنل پریس کلب میں بچوں کے حقوق کے تحفظ کیلئے بل کے حوالہ سے منعقدہ تقریب سے خطاب کر رہے تھے |
|
|
سیکورٹی فورسز نے مالاکنڈ ڈویژن میں آپریشن کے دوران 7 دہ |
|
|
|
سیکورٹی فورسز نے مالاکنڈ ڈویژن میں آپریشن کے دوران 7 دہشت گرد گرفتار کر لئے، بھاری مقدار میں ہتھیار، گولہ بارود اور دیگر سامان برآمد، بدنام دہشت گرد شیر عالم نے خود کو سیکورٹی فورسز کے حوالے کر دیا راولپنڈی ۔ 4 جولائی (اے پی پی) سیکورٹی فورسز نے مالاکنڈ ڈویژن کے مختلف علاقوں میں دہشت گردوں کے خلاف جاری آپریشن کے دوران 7 دہشت گردوں کو گرفتار کر کے بھاری مقدار میں ہتھیار، گولہ بارود اور دیگر سامان برآمد کر لیا ہے جبکہ علاقے کے ایک بدنام دہشت گرد شیر عالم نے خود کو سیکورٹی فورسز کے حوالے کر دیا ہے۔ آئی ایس پی آر سے ہفتہ کو جاری بیان میں کہا گیا ہے کہ سیکورٹی فورسز نے شموزئی کے علاقے میں سرچ آپریشن کے دوران 50 سے 60 میٹر طویل سرنگیں برآمد کیں جہاں سے 15 رائفلیں، 3 پستول، 11 ایس ایم جی، 3 مارٹر گولے اور دیگر گولہ بارود کے علاوہ پولیس کی بلٹ پروف جیکٹیں برآمد کر لیں |
|
|
ترجمان دفتر خارجہ عبدالباسط کا انٹرویو |
|
|
|
غیر ملکی مداخلت کے ثبوت متعلقہ ممالک کو دیئے جائیں گے، پاک۔چین تعلقات میں کمی کا تاثر قطعی غلط ہے
ترجمان دفتر خارجہ عبدالباسط کا انٹرویو اسلام آباد ۔ 4 جولائی (اے پی پی) دفتر خارجہ کے ترجمان عبدالباسط نے کہا ہے کہ پاکستان کو غیر مستحکم کرنے کیلئے غیر ملکی مداخلت کے ثبوت بین الاقوامی پروٹوکول کے مطابق متعلقہ ممالک کو دیئے جائیں گے۔ ہفتہ کو ایک انٹرویو میں انہوں نے کہا کہ پاکستان میں بدامنی میں ملوث ممالک کے خلاف ٹھوس شواہد جمع کئے جا رہے ہیں تاہم انہوں نے کسی ملک کا نام لینے سے گریز کیا۔ ترجمان نے کہا کہ پاکستان ایک ذمہ دار ملک ہے اور ناقابل تردید ثبوت ملنے پر میڈیا میں لانے کی بجائے دوطرفہ طور پر متعلقہ ممالک کو دوطرفہ طور پر دیئے جائیں گے |
|
|
وزیراعظم سیّد یوسف رضا گیلانی کی وزارت پٹرولیم و قدرتی |
|
|
|
توانائی کی ضروریات پورا کرنے کیلئے مربوط منصوبے وضع کئے جائیں، تمام سطحوں پر شفافیت کو یقینی بنایا جائے
وزیراعظم سیّد یوسف رضا گیلانی کی وزارت پٹرولیم و قدرتی وسائل کو ہدایت اسلام آباد ۔ 4 جولائی (اے پی پی) وزیراعظم سیّد یوسف رضا گیلانی نے وزارت پٹرولیم و قدرتی وسائل کو ہدایت کی ہے کہ ملک کی آئندہ کی توانائی کی ضروریات کو پورا کرنے کیلئے تمام فریقوں کو اعتماد میں لیتے ہوئے توانائی کا مربوط منصوبہ وضع کرنے کیلئے فعال حکمت عملی اختیار کی جائے۔ وہ ہفتہ کو تیل، گیس اور ایل پی جی سمیت تمام ہائیڈرو کاربن وسائل کو ترقی دینے کے ذریعے توانائی کی سیکورٹی کے بارے میں منعقدہ اجلاس سے خطاب کر رہے تھے۔ وزیراعظم نے وزارت کو مزید ہدایت کی کہ حکومت کی گڈ گورننس کی پالیسی کے مطابق توانائی سے متعلق تمام منصوبوں پر عملدرآمد کے حوالہ سے تمام سطحوں پر شفافیت کو برقرار رکھا جائے۔ |
|
|
|
<< آغاز < پچھلا 1 2 3 4 5 6 7 8 9 10 اگلا > اختتام >>
|
| نتائج 1 - 11 از 6562 |
