|
صدر زرداری سےوجاہت علی مفتی کی ملاقات |
|
|
|
صدر آصف علی زرداری سے زمبابوے کیلئے پاکستان کے نئے سفیر آصف خان
اور یوکرائن کیلئے نامزد سفیر میجر جنرل (ر) وجاہت علی مفتی کی ملاقات
اسلام آباد ۔ 24مئی (اے پی پی) صدرمملکت آصف علی زرداری سے زمبابوے کیلئے پاکستان کے نئے سفیر آصف خان اور یوکرائن کیلئے نامزد سفیر میجر جنرل (ر) وجاہت علی مفتی نے جمعہ کو ایوان صدر میں ملاقات کی اور اپنی نئی ذمہ داریوں کے حوالہ سے تبادلہ خیال کیا۔صدر نے انہیں نئی ذمہ داریوں پر مبارکباد دیتے ہوئے ہدایت کی کہ وہ اپنی تعیناتی کے ملک اور پاکستان کے درمیان سفارتی، سیاسی، تجارتی اور معاشی تعلقات کے مزید استحکام پر توجہ مرکوز کریں۔ انہوں نے ملک کے معاشی مفادات کے مزید فروغ کے لئے پاکستان کے تمام سفارت کاروں کو معاشی سفارت کاری کی پیروی کرنے پر بھی زور دیا۔
|
|
صدرمملکت سے جاپان کے سفیر کی ملاقات |
|
|
|
صدرمملکت سے پاکستان میں جاپان کے سفیر کی ملاقات کی، دونوں ممالک کے درمیان تجارتی و سرمایہ کاری تعلقات پر تبادلہ خیال
اسلام آباد ۔ 24مئی (اے پی پی) صدرمملکت آصف علی زرداری سے پاکستان میں جاپان کے سفیر ہیروشی اوئی نے جمعہ کو ایوان صدر میں ملاقات کی۔ ملاقات کے دوران پاک جاپان تعلقات بالخصوص دونوں ممالک کے درمیان تجارتی و سرمایہ کاری تعلقات پر تبادلہ خیال کیاگیا۔
|
|
|
پشاور خودکش دھماکہ،3 افرادجاں بحق،5 زخمی |
|
|
|
پشاور،پجگی روڈ پرمدرسے کے قریب خودکش دھماکہ،3 افرادجاں بحق،5 زخمی
دھماکے میں افغان مذہبی رہنماحاجی ہدایت اللہ کونشانہ بنانے کی کوشش کی گئی تاہم وہ محفوظ رہے
پشاور ۔24 مئی (اے پی پی )پجگی روڈپشاورمیں واقع مدرسہ جامعہ العلوم اسلامیہ کے گیٹ پر خودکش دھماکے کے نتیجے میںتین افراد جاں بحق اور پانچ زخمی ہوگئے دھماکہ میں افغان مذہبی رہنماحاجی حیات اللہ کی گاڑی کونشانہ بنایاگیاتاہم وہ محفوظ رہے جاں بحق ہونےوالوں میں حیات اللہ کے ساتھی،ڈرائیور اورمحافظ شامل ہیں ڈپٹی کمشنر جاوید مروت نے خودکش دھماکے کی تصدیق کرتے ہوئے بتایاکہ دھماکہ مدرسہ جامعہ العلوم اسلامیہ میں ہو اہے جہاں خودکش حملہ آورنے مدرسے کے گیٹ پر کھڑی افغان مذہبی رہنما حاجی حیات اللہ کی گاڑی کونشانہ بنایا تاہم وہ دھماکے میں محفوظ رہے دھماکے میں حیات اللہ کے ساتھی ،ڈرائیور اورمحافظ موقع پر جاں بحق ہوگئے
|
|
|
صدر آصف علی زرداری کی خودکش حملہ کی مذمت |
|
|
|
صدر آصف علی زرداری کی فقیر آباد پشاور میں مدرسہ کے قریب خودکش حملہ کی مذمت
اسلام آباد ۔ 24مئی (اے پی پی) صدر مملکت آصف علی زرداری نے فقیر آباد پشاور میں ایک مدرسہ کے قریب خودکش حملہ کی پرزور مذمت کی ہے جس کے نتیجہ میں قیمتی جانوں کا ضیاع ہوا اور کئی افراد زخمی ہوئے۔ سوگوار خاندانوں کے نام اپنے پیغام میں صدر نے دعا کی کہ اللہ تعالی مرحومین کو اپنے جوار رحمت میں جگہ دے اور سوگوار خاندانوں کو یہ صدمہ برداشت کرنے کا حوصلہ دے۔صدر نے متعلقہ حکام کو ہدایت کی کہ زخمیوں کو ہرممکنہ طبی سہولتیں فراہمی کی جائیں۔
|
|
|
ترجمان دفتر خارجہ |
|
|
|
پاکستان کے ساتھ اہم دوطرفہ تعلقات پھر سے استوار کرنے کیلئے کوششیں
جاری رکھنے کے صدر اوباما کے عزم کا خیرمقدم کرتے ہیں۔ ترجمان دفتر خارجہ
اسلام آباد ۔ 24مئی (اے پی پی) پاکستان نے امریکی صدر باراک اوباما کے اس اعتراف کا خیرمقدم کیا ہے کہ صرف طاقت سے دنیا کو محفوظ نہیں بنایا جاسکتا۔ دفتر خارجہ کے ترجمان نے جمعہ کو اپنے بیان میں امریکی صدر کے نیشنل ڈیفنس یونیورسٹی سے خطاب پر تبصرہ کرتے ہوئے کہا کہ یہ پاکستان کا دیرینہ موقف رہا ہے کہ انتہا پسندی اور دہشت گردی کا سبب بنے والے بنیادی اسباب کو دور کرنے کیلئے جامع حکمت عملی درکار ہے۔ ترجمان نے کہا کہ دہشت گردی کے خلاف لڑائی میں فرنٹ لائن ملک کی حیثیت سے پاکستانی فوجیوں نے تکالیف اٹھائیں اور قربانیاں دی ہیں۔ انہوں نے صدر اوباما کی طرف سے پاکستان میں خاص طور پر اس کے قانون نافذ کرنے والے حکام کی قربانیوں کے اعتراف کو سراہا۔
|
|
|
۔نگران وزیراعظم میکی وزیراعظم آزاد کشمیرسے گفتگو |
|
|
|
پاکستان کشمیری عوام کی اخلاقی اور سفارتی حمایت جاری رکھے گا۔نگران وزیراعظم جسٹس (ر) میر ہزار خان کھوسو کی وزیراعظم آزاد کشمیر چوہدری عبدالمجید سے گفتگو
اسلام آباد ۔ 24مئی (اے پی پی) نگران وزیراعظم جسٹس (ر) میر ہزار خان کھوسو نے کہا ہے کہ پاکستان کشمیری عوام کی اخلاقی اور سفارتی حمایت جاری رکھے گا۔ انہوں نے یہ بات وزیراعظم آزاد کشمیر چوہدری عبدالمجید سے جمعہ کو ایوان وزیراعظم میں گفتگو کرتے ہوئے کہی۔وزیراعظم نے اس امر کا اعادہ کیا کہ پاکستان کشمیر کے بنیادی مسئلہ سمیت تمام تصفیہ طلب مسائل کے حل کیلئے بھارت کے ساتھ جامع بات چیت کے ذریعہ تعمیری رابطوںکیلئے تیار ہے۔چوہدری عبدالمجید نے وزیراعظم کو آزاد کشمیر میں جاری ترقیاتی منصوبوں کے بارے میں آگاہ کیا اور آزاد کشمیر کی اقتصادی و سماجی ترقی میں پاکستان کی حکومت کی فراہم کردہ معاونت کی تعریف کی۔
|
|
|
نگران وزیراعظم کی عارف نظامی سے بات چیت |
|
|
|
آزاد میڈیا ملک میں جمہوری عمل کا تحفظ اور حوصلہ افزائی کرتا رہے گا
نگران وزیراعظم میر ہزار خان کھوسو کی اطلاعات و نشریات کے نگران وزیر عارف نظامی سے بات چیت
اسلام آباد ۔ 24مئی (اے پی پی) نگران وزیراعظم میر ہزار خان کھوسو نے عام انتخابات کے متعلق لوگوں میں شعور پیدا کرنے میں میڈیا کے کردار کی تعریف کی ہے جس کی بدولت انتخابات کے روز ٹرن آﺅٹ زیادہ رہا۔ وہ جمعہ کو وزیراعظم ہاﺅس میں اطلاعات و نشریات کے نگران وزیر عارف نظامی سے بات چیت کر رہے تھے۔ وزیراعظم نے اس یقین کا اظہا کیا کہ آزاد میڈیا ملک میں جمہوری عمل کا تحفظ اور حوصلہ افزائی کرتا رہے گا۔وزیر اطلاعات نے صحافیوں کی فلاح و بہبود کیلئے وزارت کے مختلف اقدامات کے بارے میں وزیراعظم کو آگاہ کیا ۔
|
|
|
|
<< آغاز < پچھلا 1 2 3 4 5 6 7 8 9 10 اگلا > اختتام >>
|
| نتائج 1 - 11 از 15023 |
