Home/صفحہ اول
Friday, 27 March 2015
تازہ خبریں
آپ کی رائے
آپ کو اے پی پی کی ویب سائڈ کیسی لگی۔۔۔!
 
وزیراعظم محمد نواز شریف کی زیرصدارت اعلیٰ سطح کا اجلاس پرنٹ کریں ای-میل
وزیراعظم محمد نواز شریف کی زیرصدارت اعلیٰ سطح کا اجلاس،مشرق وسطیٰ میں ہونے والی حالیہ تبدیلیوں کا جائزہ لیا گیا،سعودی عرب اور خلیج تعاون کونسل کے دیگر ممالک کے ساتھ انتہائی قریبی اور برادرانہ تعلقات ہیں،پاکستان ان کی سلامتی کو بہت اہمیت دیتا ہے،نواز شریف ،سعودی عرب کی علاقائی سالمیت کو درپیش کسی بھی خطرے کا پاکستان کی طرف سے بھرپور جواب دیاجائے گا،اجلاس میں فیصلہ
 
اسلام آباد ۔ 26 مارچ (اے پی پی) وزیراعظم محمد نواز شریف کی زیرصدارت بدھ کو اعلیٰ سطح کے اجلاس میں مشرق وسطیٰ میں ہونے والی حالیہ تبدیلیوں کا جائزہ لیا گیا۔ وزیراعظم نے کہا کہ پاکستان کے سعودی عرب اور خلیج تعاون کونسل کے دیگر ممالک کے ساتھ انتہائی قریبی اور برادرانہ تعلقات ہیں اور پاکستان ان کی سلامتی کو بہت اہمیت دیتا ہے۔ اجلاس میں کہا گیا کہ سعودی عرب کی علاقائی سالمیت کو درپیش کسی بھی خطرے کا پاکستان کی طرف سے بھرپور جواب دیاجائے گا۔ اجلاس میں فیصلہ کیا گیا کہ (آج) 27مارچ کو صورتحال کا جائزہ لینے کے لئے وزیر دفاع اور وزیراعظم کے مشیر برائے قومی سلامتی پر مشتمل ایک وفد سعودی عرب کا دورہ کرے گا، مسلح افواج کے اعلیٰ نمائندے بھی وفد میں شامل ہوں گے۔
 
وزیراعظم کا گورنر ہاﺅس پشاور میں ورکرز کنونشن سے خطاب پرنٹ کریں ای-میل
وزیراعظم محمد نواز شریف کا گورنر ہاﺅس پشاور میں مسلم لیگ (ن) کے پی کے ورکرز کنونشن سے خطاب
 
پشاور۔26 مارچ (اے پی پی )وزیراعظم محمد محمدنوازشریف نے کہا ہے کہ پاکستان مسلم لیگ(ن) جھوٹے وعدے کرنے پر یقین نہیں رکھتی بلکہ ملک بھر کے عوام کی زندگیوں میں حقیقی طور پر مثبت تبدیلی لانے کے لئے پرعزم انداز میں کوشاںہے ۔ نیا پاکستان بنانے کا نعرہ لگانے والوں نے کیا نیا کے پی بنایا ؟ ہم نیا خےبرپختونخوا نہیں بلکہ بہترین خیبرپختونخوا بنائیں گے، ملک سے دہشت گردی کے ہمیشہ کے لئے خاتمے کیلئے دہشت گردوں پر ہاتھ ڈالاہے،گلے کاٹنے والوں کو کیفرکردار تک پہنچائینگے‘ دہشت گردی کیخلاف جنگ کو کامیابی سے ہمکنار کرکے دم لینگے‘ انہوں نے ان خیالات کااظہار جمعرات کو یہاںگورنرہاﺅس میں مسلم لیگ (ن) خیبرپختونخو ا کے ورکرز کنونشن سے خطاب کرتے ہوئے کیا۔
 
صدر مملکت کی اہل علم و دانش کے اعزاز میں منعقدہ نشست کے پرنٹ کریں ای-میل
تعلیم، تحقیق اور جمہوریت کو ہماری اساس ہونا چاہیے۔ قومی استحکام کےلئے ان کی ترویج ضروری ہے۔ ادیب و دانشور معاشرے میں برداشت پیدا کرنے کے لیے اپنا کردار ادا کریں
صدر مملکت ممنون حسین کی یوم پاکستان کے سلسلے میں اہل علم و دانش کے اعزاز میں منعقدہ نشست کے دوران گفتگو
 
اسلام آباد ۔ 26 مارچ (اے پی پی) صدر مملکت ممنون حسین نے کہا ہے کہ تعلیم، تحقیق اور جمہوریت کو ہماری اساس ہونا چاہیے۔ قومی استحکام کے لیے ان کی ترویج ضروری ہے۔ ادیب و دانشور معاشرے میں برداشت پیدا کرنے کے لیے اپنا کردار ادا کریں۔صدر مملکت ممنون حسین نے یہ بات جمعرات کو یوم پاکستان کے سلسلے میں اہل علم و دانش کے اعزاز میں ایوان صدر میں منعقدہ نشست کے دوران گفتگو کرتے ہوئے کہی۔صدر مملکت نے کہا کہ میرا یقین ہے کہ پاکستانی دانشوروں کے دل و دماغ میں ملک و قوم کا درد اور مشکلات پر غور و خوص اور فکر کا جذبہ موجود ہے اور یہ امر انتہائی حوصلہ افزا ہے کہ ملک کے دانشور طبقے کی سوچ مثبت اور تعمیری ہے۔ 
 
وزیراعظم وزیر خزانہ اور ان کی ٹیم کو مبارکباد پرنٹ کریں ای-میل
وزیراعظم نواز شریف کی موڈیز کی طرف سے پاکستان کے فارن کرنسی سرکاری بانڈ کی ریٹنگ کو مستحکم سے مثبت قرار دیئے جانے پر قوم، وزیر خزانہ اور ان کی ٹیم کو مبارکباد
 
اسلام آباد ۔ 26 مارچ (اے پی پی) وزیراعظم نواز شریف نے معاشی درجہ بندی کے عالمی ادارہ موڈیز کی طرف سے پاکستان کے فارن کرنسی سرکاری بانڈ کی ریٹنگ کو مستحکم سے مثبت قرار دیئے جانے پر پوری قوم، وزیر خزانہ اسحاق ڈار اور ان کی ٹیم کو مبارکباد دی ہے۔ اپنے ایک بیان میں انہوں نے کہا کہ یہ کامیابی گزشتہ 20 ماہ کے دوران حکومتی پالیسیوں پر موثر عمل درآمد کے باعث حاصل ہوئی۔ انہوں نے کہا کہ قوم آنے والے دنوں میں مزید اچھی خبریں سنے گی۔ موڈیز کی انوسٹرز سروس نے پاکستان کی فارن کرنسی، سرکاری بانڈ کی ریٹنگ کو مستحکم سے مثبت قرار دیا ہے۔ موڈیز کی طرف سے پاکستان کی فارن کرنسی ریٹنگ کو بہتر قرار دیا جانا زرمبادلہ کے ذخائر کے استحکام، مالیاتی استحکام کے لئے جاری کوششوں اور آئی ایم ایف کے تحت ڈھانچہ جاتی اصلاحات کے حصول میں حکومت کی پیشرفت پر مبنی ہے
 
وزیراعظم کی ارکان قومی اسمبلی سے بات چیت پرنٹ کریں ای-میل
مسلم لیگ (ن) کی حکومت اتفاق رائے کی سیاست اور برداشت پر یقین رکھتی ہے ، تمام سیاسی جماعتوں کو اہم قومی امور پر اعتماد میں لے رہے ہیں، وزیراعظم محمد نواز شریف کی خیبر پختونخوا سے تعلق رکھنے والے پاکستان مسلم لیگ (ن) کے سینیٹرز، ارکان قومی و صوبائی اسمبلی اور عہدیداروں سے ملاقات کے دوران بات چیت
 
پشاور ۔ 26 مارچ (اے پی پی) وزیراعظم محمد نواز شریف نے کہا ہے کہ پاکستان مسلم لیگ (ن) کی حکومت اتفاق رائے کی سیاست اور برداشت پر یقین رکھتی ہے اور تمام سیاسی جماعتوں کو تمام اہم قومی امور پر اعتماد میں لے رہی ہے۔ جمعرات کو یہاں گورنر ہاﺅس میں خیبر پختونخوا سے تعلق رکھنے والے پاکستان مسلم لیگ (ن) کے سینیٹرز، ارکان قومی و صوبائی اسمبلی اور عہدیداروں سے ملاقات کے دوران بات چیت کرتے ہوئے وزیراعظم نے کہا کہ حکومت ملک میں توانائی کی قلت پر قابو پانے کے لئے ہر ممکن اقدامات اٹھا رہی ہے اور وہ دن دور نہیں جب قوم اس حوالے سے اچھی خبر سنے گی۔ 
 
خزانہ کا ایف پی وزیرسی سی آئی میں اظہار خیال پرنٹ کریں ای-میل
بعض سیاسی جماعتوں کی خواہش پر امن کیلئے مذاکرات کو موقع دیا، ملک میں آپریشن ضرب عضب کامیابی سے جاری ہے، ضرب عضب میں بڑی کامیابیاں ملی ہیں، ان کامیابیوں پر فوج کو خراج تحسین پیش کرتے ہیں، دہشت گردی کے خلاف فوج نے بے مثال قربانیاں دی ہیں، ہم نے ملکی ترقی اور کراچی کے معاملے پر پہلے سمجھوتہ کیا ہے اور نہ ہی کریں گے
وفاقی وزیر خزانہ کا ایف پی سی سی آئی میں تاجروں و صنعتکاروں کے سوالات پر اظہار خیال
کراچی ۔26 مارچ (اے پی پی) وفاقی وزیر خزانہ اسحاق ڈار نے کہا ہے کہ بعض سیاسی جماعتوں کی خواہش پر امن کیلئے مذاکرات کو موقع دیا، ملک میں آپریشن ضرب عضب کامیابی سے جار ی ہے اور اس میں بڑی کامیابیاں ملی ہیں، ان کامیابیوں پر فوج کو خراج تحسین پیش کرتے ہیں، دہشت گردی کے خلاف فوج نے بے مثال قربانیاں دی ہیں، 
 
وفاقی وزیر پٹرولیم شاہد خاقان عباسی کا ایک انٹرویومیں پرنٹ کریں ای-میل
ایل این جی کو توانائی بحران کے حل سمیت مختلف ضروریات کو پورا کرنے کیلئے استعمال کیا جائے گا ، توانائی کی ضروریات پوری کرنے کیلئے قطر اور ایران سمیت دیگر ممالک سے گیس درآمد کی جائے گی، بلدیاتی انتخابات 2015ء جبکہ عام انتخابات 2018ءمیں ہونگے ، مسلم لیگ (ن) اصولوں کی سیاست پر سمجھوتہ نہیں کرتی، ہم انتخابات میں عوام سے کیے گئے وعدے پورا کرنے کی کوشش کر رہے ہیں، حکومت اپنی مدت پوری ہونے سے پہلے ملک سے لوڈشیڈنگ اور دہشتگردی کی لعنت کا مکمل خاتمہ کر دے گی
وفاقی وزیر پٹرولیم شاہد خاقان عباسی کا ایک انٹرویومیں اظہار خیال
 
اسلام آباد ۔ 26 مارچ (اے پی پی) وفاقی وزیر پٹرولیم شاہد خاقان عباسی نے کہا ہے کہ ایل این جی کو توانائی بحران کے حل سمیت مختلف ضروریات کو پورا کرنے کیلئے استعمال کیا جائے گا اور ایشیا کی سب سے سستی ایل این جی پاکستان پہنچے گی۔ توانائی کی ضروریات پوری کرنے کیلئے قطر اور ایران سمیت دیگر ممالک سے گیس درآمد کی جائے گی۔ بلدیاتی انتخابات 2015ء جبکہ عام انتخابات 2018ءمیں ہونگے، پاکستان مسلم لیگ (ن) اصولوں کی سیاست پر سمجھوتہ نہیں کرتی، ہم نے انتخابات میں عوام سے جو وعدے کئے تھے انکو پورا کرنے کی کوشش کر رہے ہیں، حکومت اپنی مدت پوری ہونے سے پہلے ملک سے لوڈشیڈنگ اور دہشتگردی کی لعنت کا خاتمہ کر دے گی ۔ ایک انٹرویو میں انہوں نے کہا کہ ایل این جی ٹرمینل 11 ماہ کی ریکارڈ مدت میں قائم کیا گیا ہے جسے پاکستانی کمپنی نے تعمیر کیا ہے انہوں نے بتایا کہ معمول کے مطابق اس ٹرمینل کے قیام اور کام شروع کرنے میں 3 سے 4 سال کا عرصہ لگتا ہے لیکن یہ پاکستان مسلم لیگ (ن) کی حکومت کا طرہ امتیاز ہے کہ اس نے ملک کے پہلے ٹرمینل کے قیام کو محض11 ماہ کی قلیل مد ت میں ممکن بنایا۔ ٹرمینل کی بولی کیلئے قانونی طریقہ کار کو اختیار کیا گیا ہے۔
 
<< آغاز < پچھلا 1 2 3 4 5 6 7 8 9 10 اگلا > اختتام >>

نتائج 1 - 11 از 26056
Main Menu
Home/صفحہ اول
خبریں
روزنامہ
لینکس
سلاب کی خبریں
 
Urdu Support
Urdu support for browser
Login Form





کیا آپ اپنا پاس ورڈ بھول گئے ہیں؟
Archive
© 2015 Associated Press of Pakistan
Joomla! is Free Software released under the GNU/GPL License.
Print Inspector crack
Quality Time crack