Home
 

Today is,

Friday, 26 December 2014

 

Home | About Us | News | User Login | Jobs | Contact Us | Tender Notices
Untitled Document
Main Menu
Home
News
Blog
Links
Search
Contacts
News Section
National
World
Sport
Business
Forex
Weather
Articles & Features
Sport News
Kamran, Samiís unbeaten tons enables NBP to fight back in Quaid Trophy final
KARACHI, Dec 25 (APP): Brilliant Kamran Akmal and Sami Aslam smashed contrasting unbeaten centuries as National Bank of Pakistan (NBP) staged a fight-back against Sui Northern Gas Pipelines Ltd (SNGPL) on the penultimate day of their 5-day Quaid-e-Azam Cricket Trophy Gold League final here at the National Stadium on Thursday.
 
PCB chief for quick functioning of PCB Academy, repair of NSK
KARACHI, Dec 24 (APP): Pakistan Cricket Board (PCB) chief Shaharyar Khan was not happy with condition of country’s premier Test centre - National Stadium Karachi (NSK) and wanted quick completion of PCB Academy here.
 
Rizwanís double, Khurramís ton put SNGPL on top in Quaid Trophy final
KARACHI, Dec 24 (APP): Dazzling Muhammad Rizwan blasted a maiden double hundred and Khurram Shahzad smashed an attacking hundred as Sui Northern Gas Pipelines Ltd (SNGPL) tightened their grip in their Quaid-e-Azam Cricket Trophy Gold League final against National Bank of Pakistan (NBP) on Wednesday.
 
Pentangular cricket tournament to begin from Dec 31
MULTAN, Dec 24 (APP): Multanites would enjoy quality cricket after a long time with the commencement of 10-day long pentangular cricket tournament featuring national cricket players at the picturesque Multan Cricket Stadium from December 31.
 
International skier Karim calls on President SFP
PESHAWAR, Dec 24 (APP): International skier Muhammad Karim Wednesday called on Air Marshal Sohail Gul Khan, Vice Chief of the Air Staff Pakistan Air Force, who is also President Ski Federation of Pakistan, (SFP)in his office at Islamabad, says a press release of the Ski Federation of Pakistan.
 
Archive
Latest News
UN Secretary General phones PM to condole Peshawar incident - COAS lauds national political leadershipís unwavering resolve agains... - JI welcomes formation of speedy trial courts: Sirajul Haq - Nation celebrates Quaid-e-Azamís birth anniversary - ANP pays tribute to PM for national harmony against terrorism: Iftik... - Xmas celebrated with simplicity
Pashto News
> PDF Print E-mail

د تېر وخت د غلطو پالېسو نتيجو سره مخ يو٬ د ترهه ګرۍ خاتمې له افغانستان سره رابطې زياتول ضروري دي٬ په دې لړ كښې به نوې ټېكنالوجي هم كارول وي۔ په سېنېټ كښې د مخالفې ډلې مشر سناتور اعتزاز احسن د پېښور په پېښه د بحث په مهال څرګندونې

اسلام آباد 23 دسمبر (اے پی پی) په سېنېټ كښې د مخالفې ډلې مشر سناتور اعتزاز احسن وئيلي دي چې د تېر وخت د غلطو پالېسو نتيجو سره مخ يو٬ د ترهه ګرۍ خاتمې له افغانستان سره رابطې زياتول ضروري دي٬ په دې لړ كښې به نوې ټېكنالوجي هم كارول وي٬ د پېښور په پېښه كښې د ماشومانو او بې ګناه استاذانو وژنه ظلم دے٬ د دې وحشي كارروايو چې څومره غندنه وشي كمه ده۔ وزيراعظم دې د ترهه ګرۍ په ضد جنګ او د حكمت عملۍ په معامله قوم په اعتماد كښې واخلي۔ د نهې په ورځ د سېنېټ په غونډه كښې د پېښور په پېښه بحث كښې برخه اخستلو سره د مخالفې ډلې مشر ووئيل چې په پېښور كښې د ماشومانو او بې ګناه استاذانو وژنه لوے ظلم دے۔ ده ووئيل چې په يو مذهب كښې هم داسې اقدام كوونكو لپاره ځاې نشته٬ دا يوه وحشي كاروائي ده چې څومره غندنه ئې وشي كمه ده۔ ده ووئيل چې ترهه ګرو د سري لنكا په لوبډله بريد وكړو٬ د پوليو په ډلو ئې بريدونه وكړل٬ كوه پيما ئې ووژل او مقصد د دوي پاكستان په نړيواله كچه بدنامول دي۔ ده ووئيل چې نن د تېر وخت د غلطو پالېسو نتيجې راوځي٬ د افغان جنګ په مهال چې د كومو خلقو په مېنځ كښې وسله ويشل شوې وه نن هغوي زمونږ د سر درد جوړ شوي دي۔ ده ووئيل چې د كورنيو چارو وزير درست وائي چې په 90 فيصده مدرسو كښې هېڅ مسئله نشته٬ د لس فيصده مسئله ده۔

د امن په خاطر به د كوم مصلحت نه غېر پالېسۍ جوړول وي٬ فاټا ته به د تعليم او روغتيا اسانيې وركول وي۔ عباس خان آفريدي

اسلام آباد 23 دسمبر (اے پی پی)د ټېكسټائل انډسټرۍ وفاقي وزير عباس خان آفريدي وئيلي دي چې هره ورځ د ترهه ګرۍ پېښې رامنځ ته كېږي٬ كه په تېر وخت كښې دې پلو پام شوې و نو نن به حالات دې ځائ ته نه رسېدل٬ د امن په خاطر به د كوم مصلحت نه غېر پالېسې جوړول وي او فاټا ته به د تعليم او روغتيا اسانيې وركول وي۔ د نهې په ورځ د سېنېټ په غونډه كښې د پېښور په پېښه بحث كښې برخه اخستلو سره ده ووئيل چې هره ورځ د ترهه ګرۍ پېښې رامنځ ته كېږي٬ كه په تېر وخت كښې دې پلو پام شوے و نو نن به حالات دې ځائ ته نه رسېدل٬ كه په تېر وخت كښې مونږ د ترهه ګرۍ په ضد راپاسېدلي وې نو نن به د ترهه ګرو نوم او نشان هم نه و۔ بايد مونږ رېښتيا ووايو۔ ده ووئيل چې ترهه ګر ړانده دي٬ د بې ګناه خلقو وينې تويوي۔ ده ووئيل چې په فاټا كښې بې روزګاري ده٬ يو كروړ آبادي بنيادي اسانيې نه لري٬ دې طرف ته د پام كولو ضرورت دے۔ ده ووئيل چې كه مونږ خپلې ذمه وارۍ پوره كړې وې نو نن به دومره وينه نه توئېدله۔ ده ووئيل چې كه قبائيلي اولس په اعتماد كښې واخستل شي نو په دوه مياشتو كښې ترهه ګري ختم كېدے شي۔

د پي بي سي ډائرېكټر جنرل ثمينه پروېز به د دسمبر په 31 نېټه ريټائرډ شي

لاهور 23 دسمبر (اے پی پی)د پاكستان براډكاسټنګ كارپورېشن ﴿ د پي بي سي﴾ ډائرېكټر جنرل ثمينه پروېز به د دسمبر په 31 نېټه ريټائرډ شي۔ د هغې په ځائ نوې ډائرېكټر جنرل په ځائ كولو له تياري شروع كړې شوې۔ د ثمينه پروېز په اعزاز كښې به الوداعي دستوره هم كولې شي۔

په سعودي كښې د پاكستان په سفارت كښې د پېښور پېښې شهيدانو لپاره تعزيتي كتاب كېښودل شو

رياض 23 دسمبر (اے پی پی) په سعودي كښې د پاكستان په سفارت كښې د پېښور پېښې شهيدانو لپاره تعزيتي كتاب كېښودل شو۔ د عرب نيوز له مخې په سعودي عرب كښې مېشته د بېلا بېلو هېوادونو سفيرانو٬ استازو او په لويه شمېره پاكستانيانو د سفارت دوره وكړه او په تعزيتي كتاب كښې ئې غم جنو كورنيو سره غمرازي ښكاره كړه۔

په اسټراليا كښې د ترهه ګرۍ د بريد امكان كېدے شي۔ وزيراعظم ټوني اېبټ

سډني 23 دسمبر (اے پی پی)د اسټراليا وزيراعظم ټوني اېبټ وئيلي دي چې د سډني د محاصره د پېښې څخه وروسته اوس په اسټراليا كښې د ترهه ګرې د بريد امكان كېدے شي۔ د مېډيا له مخې وزيراعظم ټوني اېبټ د امنيتي ادارو په بريفنګ كښې د ترهه ګرې د بريد په ا ړه خبرې وكړې۔ وزيراعظم خبردارې وركړو چې په دې پړاؤ كښې د ترهه ګرې د بريد امكان دے۔

د مذهبي چارو وفاقي وزارت د قامي سيرت كنفرنس تيارۍ شروع كړې

اسلام آباد 23 دسمبر (اے پی پی) د مذهبي چارو وفاقي وزارت د قامي سيرت كنفرنس تيارۍ شروع كړې۔ د نهې په ورځ په دې لړ كښې د مذهبي چارو وفاقي سېكتر سهېل عامر په مشرۍ كښې يوه غونډه وشوه چې پكښې د اړوند ادارو چارواكو ګډون وكړو۔ په غونډه كښې د مذهبي چارو سېكتر د سيرت كنفرنس په انتظاماتو د اطمينان څرګندونه وكړه۔ كنفرنس به د ربيع الاول په 12 مه نېټه په 4مه جنورې په اسلام آباد كښې كېږي۔ سږ كال د دې كنفرنس موضوع د سيرت النبي په رڼا كښې د مېډيا كردار او ذمه واري ده۔

عوامي نېشنل ګوند ته په ترهه ګرۍ كښې تر ټولو لوي زيان رسېدلې٬ د ښه او بد د تميز نه غېر به د ترهه ګرو خاتمه كول وي۔ علما كرام دې د امن په خاطر خپل كردار ترسره كړي٬د موبائل جعلي سمونه دې بند كړې شي۔ سناتور شاهي سيد

اسلام آباد 23 دسمبر (اے پی پی) د عوامي نېشنل ګوند سناتور شاهي سيد وئيلي دي چې عوامي نېشنل ګوند ته په ترهه ګرۍ كښې تر ټولو لوي زيان رسېدلې٬ د ښه او بد د تميز نه غېر به د ترهه ګرو خاتمه كول وي۔ علما كرام دې د امن په خاطر خپل كردار ترسره كړي٬د موبائل جعلي سمونه دې بند كړې شي۔د نهې په ورځ د سېنېټ په غونډه كښې د پېښور په پېښه د بحث په مهال ده ووئيل چې په ترهه ګرۍ د عوامي نېشنل ګوند د 800 نه تر 900 پورې كاركنان شهيدان شوي دي او مونږ ته تر ټولو لوي زيان رسېدلې دے۔ ده ووئيل چې د افغانستان جنګ زمونږ نه وو خو نن د ترهه ګرۍ په ضد جنګ زمونږ جنګ دے۔ ده ووئيل چې د اے اېن پي مشرانو به چې په تېر وخت كښې څه وئيل نن هغه ثابتېږي۔

د كوئټه په بېلا بېلو سيمو كښې د امنيتي ځواكونو د لټون عملياتو په مهال 60 افغان وګړي ونيول شول

كوئټه 23 دسمبر (اے پی پی) د بلوچستان د سرښار كوئټه په بېلا بېلو سيمو كښې د امنيتي ځواكونو د لټون عملياتو په مهال 60 افغان وګړي نيول شوي دي۔ د پوليسو له مخې د كوئټه د سرياب سيمې پشمول امنيتي ځواكونو په بېلا بېلو سيمو كښې د لټون عملياتو په مهال 60 افغان وګړي نيولو سره پوليسو ته سپارلي دي او پوليسو په دې لړ كښې نورې پلټنې پېل كړېدي۔

په ډېره بګټي كښې نامعلومو وسله والو د ګاز 8 انچه لائن په چاودنه والوزولو

ډېره بګټي 23 دسمبر (اے پی پی) په ډېره بګټي كښې نامعلومو وسله والو د ګاز 8 انچه لائن په چاودنه الوزولې دې او په نتيجه كښې ئې كوهي نمبر 15م ته د ګاز رسنه بند شوې ده۔ امنيتي ځواكونه په اطلاع فوري راورسېدل او سيمه محاصره كولو سره ئې پلټنې پېل كړې۔

 
> PDF Print E-mail

اولس ته د روغتيا اسانۍ وركولو له د حكومت په هڅو كښې د نجي څانګې كردار ډېر مهم دے۔ اولس مشر ممنون حسېن

اسلام آباد ۔ 23 دسمبر (اے پی پی) اولس مشر ممنون حسېن وئيلي چې اولس ته د روغتيا اسانۍ وركولو له د حكومت په هڅو كښې د نجي څانګې كردار ډېر مهم دے۔ د نهې په ورځ  د شفا فاؤنډېشن چيئرمېن ډاكټر محمد عطاﺀ سره ملاقات كښې اولس مشر اولس ته د روغتيا معياري  اسانۍ وركولو لپاره د حكومت د عزم پخلے وكړو۔ ده په تھیلیسمیا د قابو موندلو او اولس كښې په دې اړه د شعور بېدارولو په حاجت زور راوړو۔ ده ډاكټر محمد عطاﺀ ته ووئيل چې په تھیلیسمیا قابو موندلو له وړاندېزونه وړاندې كړي۔

پاکستان الجزائرسره ټولو څانګو كښې دوه اړخيزه اړيكې پراخه كولو كښې خوښي لري۔ اولس مشر ممنون حسېن

اسلام آباد ۔ 23 دسمبر (اے پی پی) اولس مشر ممنون حسېن وئيلي پاكستان الجزائرسره ټولو څانګو كښې او په خاص توګه د تجارت په څانګه كښې دوه اړخيزه اړيكې لا پراخه كولو كښې خوښي لري۔ د دې خيالاتو څرګندونه اولس مشر د نهې په ورځ ايوان صدر كښې د الجزائر وظيفه ترسره كوؤنكي سفير ډاكټر احمد بن فلس سره خبرو كښې وكړه۔ اولس مشر ووئيل د دوه اړخيزه تجارت حجم دوه اړخيزه اړيكو سره مطابقت نه لري۔ ده ووئيل پاكستان يو تاجر خوښې هېواد دے او غېر ملكي سرمايه كارو ته د سرمايه كارۍ غوره موقعې وركوي۔ پاکستان به ټېلی کام انجینئرنګ او برېښنا پېدا كوؤنكې څانګه كښې د الجزائر سرمايه كارۍ ته هركلې وائي۔ اولس مشر د الجزائر وظيفه ترسره كوؤنكي سفير سره د دوه اړخيزه اړيكو ذكر كولو سره ووئيل پاكستان الجزائر سره خپلې اړيكې ډېرې مهمې ګڼي او دا د سيمه ايزو او نړيوالو چارو په اړه په يو ډول دريځ اډانه دي۔ اولس مشر په دې مهال دوه اړخيزه اړيكې لا قوي كولو له د ډاكټر احمد بن فلس د خذماتو ستائنه وكړه او د ده ښه سباؤن لپاره ئې د نېكو هيلو څرګندونه وكړه۔ ډاكټر احمد بن فلس  د سفير په حېث پاكستان كښې د خپلې مودې په مهال په مرسته كولو د اولس مشر او پاكستان حكومت مننه وكړه۔

پاکستان ته د آئي اېم اېف يو ارب 5 كروړه ډالرو قسط ترلاسه شو- د زر مبادله پنګې 15 ارب ډالر څخه زياتې شوې

اسلام آباد ۔ 23 دسمبر (اے پی پی) پاکستان ته د آئي اېم اېف 3 كلن توسيعي فنډ اسانۍ ترمخه د يو ارب 5 كروړه ډالرو قسط ترلاسه شوے۔ د سټېټ بانك ترمخه د آئي اېم اېف دا فنډز تېره اونۍ كښې د بشپړ شوې پاكستاني اقتصادي كاركردګۍ څلورمې او پنځمې جائزې څخه وروستو جاري كړې شوې۔ د خزانې وفاقي وزير اسحاق ډار ووئيل د دې قسط ترلاسه كېدو سره د زرمبادله پنګې 15 ارب ډالر څخه زياتې شوې دي۔ ده تېره ورځ وزيراعظم ته د بريفېنګ وركولو په مهال ووئيل د زرمبادله په مجموعي پنګو كښې 10 ارب ډالر سټېټ بانك پاكستان سره او باقي كمرشل بانكونو سره دي۔ وزیراعظم د خزانې وزير د اقتصادي ډلې په نګرانۍ كښې د پېل شويو اقتصادي پالېسيو ستائنه وكړه۔ ده هېواد كښې په غوره اقتصادي پالېسيو د خزانې وزير او دده ډلې ته مباركي وركړه۔

پاکستان قطبي وزيرستان ايجنسۍ كښې د امريكائي ډرون بريد غندنه كړې

اسلام آباد ۔ 23 دسمبر (اے پی پی) پاکستان د قطبي وزيرستان ايجنسۍ تركان سيمه كښې د امريكائي ډرون بريد غندنه كړې۔ د خارجه دفتر وياند لخوا جاري كړې شوي بيان كښې وئيلي شوي چې د پاكستان اصولي موقف دا دے چې داسې بريد زمونږ د خپلواكۍ او سيمه ايزې سلامتيا خلاف ورزي ده كوم چې بايد په سمدستي توګه بند كړے شي۔ وياند ووئيل پاكستان قطبي وزيرستان كښې د ترهه ګرو په ضد پرېكړه كوؤنكې كاروائي كوي۔

د سېنټ غونډه به (نن) هم جاري وي

اسلام آباد ۔ 23 دسمبر (اے پی پی) د سېنټ غونډه تر (نن) شورؤ ورځې ځنډولې شوې۔ د نهې په ورځ د سېنټ غونډې په مهال د پېښور په پېښه بحث وكړے شو او د سټېټ بانك لخوا يو راپور هم ايوان ته وړاندے كړے شو۔ د پېښور په پېښه به بحث (نن) د شورؤ په ورځ هم روان ساتلے شي۔

 
> PDF Print E-mail

 

په پېښور٬ كوئټه او واهګه كښې د ترهه ګرو ظلمونه نه شو هېرولې٬ د هر يو وګړي د ځان او مال د تحفظ نه زيات بل يو مقصد/كاز هم مهم نه دے

وزيراعظم د انتهاخوښې او د ترهه ګرې د مسئلې خاتمې له خپل ټول مصروفيات منسوخ كړل

اسلام آباد 23 دسمبر (اے پی پی) وزيراعظم محمد نواز شريف د انتهاخوښې او د ترهه ګرې مسئلې خاتمې او هېواد د دې لعنت خڅه پاكولو له د نهې په ورځ خپل ټول مصروفيات منسوخ كړل۔ د وزيراعظم هاؤس ذريعو له مخې وزيراعظم به په دې لړ كښې ټوله ورځ د كابينې غړو او عسكري چارواكو سره مهمې غونډې كوي۔ وزيراعظم به د معاملې حل لټولو او د اوسنيو قوانينو خامې لرې كولو له خپلې قانوني ډلې سره ناسته كوي۔ وزيراعظم به د ترهه ګرې د مسئلې او د دې د بنيادي اسبابو ختمولو جاج اخلي۔ وزيراعظم وئيلي دي چې په پېښور٬ كوئټه او واهګه كښې د ترهه ګرو ظلمونه نه شو هېرولې۔ ده ووئيل چې د هېواد د هر يو وګړي به د مذهب٬ نسل او ذات نه پرته تحفظ كولې شي۔ ده ووئيل چې د پاكستان د هر يو وګړي د ځان او مال د تحفظ نه زيات بل يو مقصد/كاز هم مهم نه دے۔﴿م ع/م ع 1515﴾

***** رقم 06****

د ترهه ګرې په ضد جنګ كښې حكومت د علماؤ بشپړ ملاتړ لري۔ عبدالقادربلوچ

اسلام آباد 23 دسمبر (اے پی پی) د سرحدي چارو وفاقي وزير عبدالقادر بلوچ وئيلي دي چې د ترهه ګرې په ضد جنګ كښې حكومت د علماؤ او مذهبي پوهانو بشپړ ملاتړ لري۔ پي ټي وي سره په خبرو كښې وفاقي وزير ووئيل چې مذهبي ګوندونو د ترهه ګرې په سختو ټكو غندنه كړې او دې سره سره ئې د بشپړه مرستې باور هم راكړې۔ وفاقي وزير ووئيل چې 70 فيصده طالبانو د كومې مدرسې څخه كله هم زده كړې نه دي كړې او نه پكښې د زياترو مدرسو سره كوم تعلق شته۔ ده ووئيل چې كه د ترهه ګرې په وده كښې د كومې مدرسې كردار په ګوته شو نو په ضد به ئې سخته كاروائي كولې شي۔ وفاقي وزير ووئيل چې اسلام د امن دين دے او زمونږ په دين كښې د كوم بې ګناه كس د وژلو اجازه نشته۔ ده ووئيل چې د ترهه ګرې په اړه په خبرتيا كښې د مېډيا مهم كردار دے او مونږ د دې كردار ستائنه كوو۔ وفاقي وزير ووئيل چې زمونږ ګوند د ترهه ګرې ختمولو اقدامات كوي٬ مونږ په كال 2009م كښې د سوات په عملياتو كښې بشپړ ملاتړ كړې و۔ ده ووئيل چې اوس وخت راغلې چې په ګډه د ترهه ګرې ناسور ختم كړې شي چې دغسې په هېواد كښې امن راشي۔ ﴿م ع/م ع 1515﴾

***** رقم 07****

پنجاب حكومت د 23 اربه روپو په لګښت د اولس د خېر ښېګړې 386 پروژې ترسره كړېدي۔ د ډېره غازي خان كمشنر

اسلام آباد 23 دسمبر (اے پی پی) پنجاب حكومت د 23 اربه روپو په لګښت د اولس د خېر ښېګړې 386 پروژې ترسره كړېدي۔ راډيو پاكستان سره په خبرو كښې د ډېره غازي خان كمشنر ووئيل چې دا پرمختيائي پروژې په ډېره غازي خان ٬ مظفر ګړھ ٬ ليه او راجن پور كښې ترسره كړې شوې دي۔ ده ووئيل چې په دې پروژو كښې د سړكونو جوړول او د اوبو سكيمونه هم شامل دي۔ ﴿م ع/م ع 1515﴾

***** رقم 08****

د هند په شمالي ايالت اترپردېش كښې د سخت ساړه له امله 31 تنه مړه شول

لكھنوؤ 23 دسمبر (اے پی پی) د هند په شمالي ايالت اترپردېش كښې د سخت ساړه له امله 31 تنه مړه شوي دي۔ د يوې هندې ورځپاڼې راپور له مخې د سخت ساړه او لړې له امله د ريل ګاډو په تګ راتګ او د الوتكو په پروازونو هم آغېز شوې۔ د راپور له مخې د تېرو 24 ساعتونو په مهال په دې ايالت كښې د سخت ساړه له امله 31 تنه مړه شوي دي٬ د دې ايالت په زياتره سيمو كښې د تودوخې درجه منفي ته ټيټه شوې ده۔ ﴿م ع/م ع 1515﴾

***** رقم 09****

د وسلې د تجارت نړيواله لوظنامه به د ﴿نن﴾ نه عملي كېږي

ملګري ملتونه 23 دسمبر (اے پی پی) د وسلې د تجارت نړيواله لوظنامه به ﴿نن﴾ د شورو د ورځې نه عملي كېږي۔ وسله خرڅونكې تر ټولو لوي هېواد امريكې كه هرڅو دا لوظنامه لاسليك كړې خو لا تر اوسه ئې توثيق كړې نه ده۔ فرانس ٬ برتانيه او المان د نړې هغه لوي وسله خرڅوونكي هېوادونه دي كومو چې دا لوظنامه توثيق كړې ده او وئيلي ئې دي چې دا لوظنامه به عملي كوي۔ د رپورټ له مخې د دې لوظنامې عملي كېدو سره به د بشري حقونو څخه په سرغړونكو او امرانو وسله خرڅول غېر قانوني وي۔ تر اوسه د نړې 130 هېوادونو دا لوظنامه لاسليك كړې او 60 هېوادونو توثيق كړې هم ده۔ ﴿م ع/م ع 1515﴾

 

 

 

په مېنځنې افريقائي جمهوريه كښې د وسله والو ډلو په نښته كښې 20 تنه ووژل شول

بنګوئي 23 دسمبر (اے پی پی) په مېنځنې افريقائي جمهوريه كښې د وسله والو ډلو په نښته كښې 20 تنه مړه او په سلګونو ژوبل شوي دي۔ د سركاري چارواكو له مخې دا نښته د جمعې په ورځ هغه مهال پېل شوې وه كله چې د عېسايانو ډلې انټي بالا د مسلمانانو د سليكا اتحاد په ياغيانو بريدونه وكړل۔ د چارواكو له مخې په دې تازه نښته كښې 20 تنه مړه او په سلګونو ژوبل شوي دي۔

***** رقم 02****

په سوريه كښې د امنيتي ځواكونو په عملياتو كښې 20 وسله وال ووژل شول

دمشق 23 دسمبر (اے پی پی) په سوريه كښې د امنيتي ځواكونو په عملياتو كښې 20 وسله وال وژل شوي دي۔ د سوريې د بشري حقونو يوې ډلې سېرين ابزروېټري له مخې د سوريې په ختيزه سيمه كښې دا جنګيالي هغه مهال ووژل شول كله چې دوي د فضائيه په يوه اډه بريد وكړو او په ځوابي علماتو كښې ووژل شول۔ د سوريې چارواكو له مخې په وژل شويو كسانو كښې د 19 تعلق سوريه او د يو تعلق مراكش سره و۔ په دې پېښه كښې د سوريې دوه اهلكار هم وژل شوي دي۔

***** رقم 03****

په مصر كښې امنيتي ځواكونو سره په نښته كښې 5 وسله وال ووژل شول

قاهره 23 دسمبر (اے پی پی) په مصر كښې امنيتي ځواكونو سره په  نښته كښې 5 وسله وال وژل شوي دي۔ د مصر د كورنيو چارو د وزارت لخوا جاري شوي بيان له مخې په شرقيه ولايت كښې په يو فارم هاؤس امنيتي ځواكونو هغه مهال چاپه ووهله كله چې ترهه ګر د بمونو په جوړولو بوخت وو۔ د ذريعو له مخې ترهه ګرو په امنيتي ځواكونو ډزې وكړې او په ځوابي ډزو كښې 6 وسله وال ووژل شول۔ د امنيتي ځواكونو وياند له مخې په دې پېښه كښې يو امنيتي اهلكار ژوبل شوې۔ ده ووئيل چې د فارم هاؤس څخه ځانمرګي واسكټونه٬ وسله او چاودېدونكي توكي هم ترلاسه شويدي۔

***** رقم 04****

په افريقائي هېوادونو كښې د اېبولا وائرس له امله د مړو كسانو شمېره 7373 ته رسېدلې۔ د روغتيا نړيواله اداره

سراليون 23 دسمبر (اے پی پی)د روغتيا نړيوالې ادارې وئيلي دي چې په افريقائي هېوادونو كښې د اېبولا وائرس له امله د مړو كسانو شمېره 7373 ته رسېدلې۔ د مېډيا له مخې د ګل تر ورځ پورې په سراليون كښې د اېبولا د وائرس تر ټولو زيات 8759 كېسونه رامنځ  ته شويدي چرته چې د دې ناروغې له امله د مړو كسانو شمېره 2477 او په لائبېريا كښې 3346 ته رسېدلې۔ د روغتيا نړيوالې ادارې وئيلي دي چې د افرېقې په دريو هېوادونو كښې د دې ناروغې د كېسونو شمېره 19031 ته رسېدلې۔

 
> PDF Print E-mail

د سېنټ غونډه تر (نن) سهار 10 نيمو بجو وځنډولې شوه

اسلام آباد ۔ 22 دسمبر (اے پی پی) د سېنټ غونډه تر (نن) نهې ورځ سهار 10 نيمو بجو وځنډولې شوه ۔ د ګل په ورځ د سېنټ غونډه كښې د پېښو آرمي پبلك سكول په پېښه بحث وكړے شو او په دې  مهال بېلو پارلماني لارښودو او د سېنټ غړو په دې  چاره دخيالاتو څرګندونه وكړه۔ بحث به (نن) د نهې په  ورځ هم جاري  وي۔

هېواد څخه د ترهه ګرۍ او طالبانو نوغې به ويستل وي۔ د پېښور پېښه كښې د بې ګناه كوچنيانو وژل يو وحشيانه فعل دے ۔ پير امين الحسات

اسلام آباد ۔ 22 دسمبر (اے پی پی) د  مذهبي چارو دوهم وزير پير امين الحسنات وئيلي دي هېواد څخه د ترهه ګرۍ او طالبانو نوغې به ويستل وي۔ دا مهال قام ټول  يو موټے دے۔ د پېښور پېښه كښې د بې ګناه كوچنيانو وژل يو وحشيانه فعل دے۔ ده د ګل په ورځ د پارلېمان مخې ته ميډيا سره  خبرې كولې۔ ده ووئيل د ترهه ګرۍ ختمولو له به د اېكشن كمېټۍ په ټولو سفارشاتو عمل كولې شي۔ ده ووئيل وزیراعظم محمد نواز شریف په اېكشن كمېټۍ باور لري۔ ده ووئيل هېواد څخه به  ترهه ګري ختمه شي او دلته به  امن راشي۔ ده ووئيل تعليمي ادارې محفوظ جوړولو له به ټولې وسيلې كارولې شي۔

سېنټ كښې د سناتور ډاكټر خالد محمود سومرو وژنې په اړه تعزيتي قرارداد په  يوه خله منظور كړے شو۔

اسلام آباد ۔ 22 دسمبر (اے پی پی) سېنټ كښې د سناتور ډاكټر خالد محمود سومرو وژنې په اړه تعزيتي قرارداد په  يوه خله منظور كړے شوے۔ د ګل په ورځ سېنټ كښې سناتور ډاكټر قيوم سومرو تعزيتي قرارداد وړاندې كولو سره ووئيل دا ايوان په ډاكټر خالد محمود د ترسره شوي بريد او د ده د وژنې پېښې په سختو ټكو كښې غندنه  كوي۔ او د هغه كورنۍ سره د خواخوږۍ څرګندونه كوي۔ ده دعا وكړه چې لوئے څښتن دے ارواښاد له د خپلو رحم په پلو كښې ځائې او غمجنې كورنۍ له د زغم توفيق وركړي۔ 

 
> PDF Print E-mail

د پاکستان او تاجکستان ترمينځه سترې لارې ٬ رېلوېز او د ګاز ټرانمېشن لائنز د دواړو هېوادونو اقتصادي ګټې له ضروري دي۔ د اوبو او برېښنا وفاقي وزير خواجه محمد آصف د تاجكستان پلاوي سره ملاقات كښې خبرې

اسلام آباد ۔ 22 دسمبر (اے پی پی) د اوبو او برېښنا وفاقي وزير خواجه محمد آصف وئيلي دي د پاکستان او تاجکستان ترمينځه سترې لارې ٬ رېلوېز او د ګاز ټرانمېشن لائنز د دواړو هېوادونو اقتصادي ګټې له ضروري دي۔ دا خبره وفاقي وزير ګل په ورځ د تاجكستان پلاوي سره ملاقات كښې خبرو كښې وكړه۔ پلاوي كښې د تاجكستان دوهم وزير نور محمد اخمدوف او تاجک سفیر جونوف شیرالی او نور مشران چارواكي هم شامل وو۔  وفاقی وزیر ووئيل دواړه هېوادونه بايد خپل منځ كښې په خاص توګه د سترو لارو او د رېل دلارې يو بل سره د تړون جاج واخلي چې ورسره به په كم خرڅ مال وړلو راوړلو كښې اسانۍ ترلاسه شي۔ ده ووئيل د دې منصوبو جاج به د ګډې وزارتي كمېشن غونډه كښې هم اخستلے شي كومه چې راتلونكي كال كښې كيږي۔ تاجک وزیر خپلو خبرو كښې ووئيل زمونږ هېواد كوېت څخه د پاكستان د لارې د تېلو ترسيل كښې خوښي لري۔ ده ووئيل خپل منځ كښې سترو لارو جوړولو او د رېل د لارې تړون سره به اقتصادي هلې ځلې زياتې شي او ورسره به دوه اړخيزې اړېكې هم لا مستحكم شي۔ ده ووئيل تاجكستان پاكستان څخه  90 فيصد چيني او 50 فيصد سره درآمد كوي۔

د خزانې وفاقي وزير په هدايت د اقتصادي چارو ډويژن د سېوري لاندې د نېشنل وركنګ وېمنز ډے په مهال دستوره

اسلام آباد ۔ 22 دسمبر (اے پی پی) د خزانې وفاقي وزير اسحاق ډار په هدايت د اقتصادي چارو ډويژن د سېوري لاندې د نېشنل وركنګ وېمنز ډے په مهال يوه دستوه اوشوه۔  وفاقی وزیر خپل پېغام كښې ووئيل زه د هېواد او قام په پرمختګ كښې د مېرمنو د هڅو ستائنه كوم۔ د نړۍ په ټولو ټولنو كښې د مېرمنو كردار لا زيات اهم شوے۔ ده ووئيل زمونږ حكومت هڅې كوي چې مېرمنو ته په ټولو څانګو كښې يو ډول موقعې وركړي۔ وفاقي وزير ووئيل د وزيراعظم زلمو لپاره قرضه سكيم او قرض حسنه سكيم كښې هم مېرمنو له يو ډول موقعې اېښودلې شوې دي۔

وزیراعظم داسې نجكاري پالېسي غواړي چې ورسره هېواد پرمختګ او ملازمينو سره هم خېر ښېګړه وكړې شي۔  د نجكارۍ كمېسيون چيئرمېن محمد زبېر د كرېډېټ سوئسي د سوري لاندې استقباليه كښې د مېلمه په حېث خطاب

اسلام آباد ۔ 22 دسمبر (اے پی پی) د نجكارۍ كمېسيون دوهم وزير محمد زبېر وئيلي دي  وزیراعظم داسې نجكاري پالېسي غواړي چې ورسره هېواد پرمختګ او ملازمينو سره هم خېر ښېګړه وكړې شي۔ د دې خيالاتو څرګندونه ده د كرېډېټ سوئسي د سوري لاندې استقباليه كښې د مېلمه په حېث خطاب كښې وكړه۔ ده ووئيل حكومت د بېلو كارپورېشنونو نجكارۍ لپاره مالياتي مشيران ټاكلي دي۔ دا ادارې زيان سره  مخ دي۔ ده ووئيل د كارمندانو خېر ښېګړه او د هېواد خوشحالي زمونږ مقصد دے كوم له چې حكومت  كار كوي او ډېر زر به د نجكارۍ د لارې دا مقصد ترلاسه  كړې شي۔

 
More...
<< Start < Prev 1 2 3 4 5 6 7 8 9 10 Next > End >>

Results 10 - 18 of 20617

kashmir black day

Budget 2014-2015
Federal Budget
Highlights 2014-2015
Punjab Budget
Sindh Budget
KPK Budget
Balochistan Budget
A.J.K Budget
Gilgit Baltistan Budget
Elections 2013
Elections 2013 News
Code of Conduct
Code of Conduct
Manifestos of Parties
Manifestos of Political Parties
Independence Day News
Independence Day News
Economic Survey
Economic Survey 2013-2014
Presidential address to the joint sitting of parliament
Presidential address to the joint sitting of parliament
Parlimentary Proceedings
National Assembly
Senate