Home
 

Today is,

Monday, 31 August 2015

 

Home | About Us | News | User Login | Jobs | Employees | Contact Us | Tender Notices
Untitled Document
Main Menu
Home
News
Blog
Links
Search
Contacts
News Section
National
World
Sport
Business
Forex
Cultural
Weather
Articles & Features
Sport News
Ajmal ready to make a come back in national T-20 tournament ISLAMABAD, Aug 31 (APP): Pakista
ISLAMABAD, Aug 31 (APP): Pakistan's top spinner Saeed Ajmal has said that he was all ready to bowl for Pakistan once again in the National Twenty20 Championship next month.
 
National T20 at Rawalpindi from Tuesday
RAWALPINDI, Aug 30 (APP): Pakistan Cricket Board (PCB) on Sunday launched the Cool & Cool presents Haier Q8 Twenty-20 Cup 2015-16 at the Pindi Cricket Stadium here.
 
Tennis coaching camp concludes
ISLAMABAD, Aug 30 (APP): Asian Tennis Federation had sent a qualified Tennis coach Axe Mansaman of Thailand to impart coaching and modern games techniques to some 22 junior players in the camp at POF Wah tennis courts.
 
Pakistan to participate in Asian Women Netball
ISLAMABAD, Aug 30 (APP): Pakistan will be participating in the Asian Women Netball Championship to be staged in Hong Kong from December 12.
 
Pakistan to chip in Asian Baseball Championship
ISLAMABAD, Aug 30 (APP): Pakistan will be participating in the Asian Baseball Championship to be staged in Taiwan from September 16.
 
Archive
Latest News
Finance Minister chairs 5th meeting of Committee on ITTMS - Reforms key to country\'s progress: Ahsan Iqbal - Pakistan economy witnessing a turnaround: PM - Sartaj urges international community to devise strategy against viol... - Pakistan upgrades Jinnah Computer Center in Colombo - New PMDC legislation to improve medical education: Saira Afzal ...
Pashto News
> PDF Print E-mail

 د سناتور اسحاق ډار مولانا فضل الرحمن سره تېلېفوني خبرې

د اېم كيو اېم مشرتابه سره په ملاقات سلا 

اسلام آباد ۔ 23 اګست (اے پی پی)  د خزانې وفاقي وزير سناتور محمد اسحاق ډار د جمعيت علمائے اسلام (ف) مشر لارښود مولانا فضل الرحمن سره د تېلېفوني خبرو په مهال د اېم كيو اېم مشرتابه سره د استعفاګانو په مسئله د خيالاتو څرګندونه وكړه۔ د اتوار په ورځ شويو دې تېلېفوني خبرو كښې په مجموعي سياسي صورتحال هم خبرې وشوې او دغسې (نن) د ګل په ورځ د اېم كيو اېم مشرتابه سره ملاقات كولو ته هم دواړه لارښود سلا شول دغسې چې دا مسئله حل كړې شي۔

سناتور اسحاق ډار سره خپل افغان همڅنګ عقليل حكيمي تېلېفوني تماس ونيولو

اسلام آباد ۔ 23 اګست (اے پی پی) د خزانې وفاقي وزير سناتور محمد اسحاق ډار سره خپل افغان همڅنګ عقليل حكيمي د اتوار په ورځ تېلېفوني خبرې وكړې۔ دواړو وزيرانو د دوه اړخيزه اقتصادي مرستې لا پراخه كولو په لار كښې په پېښو بېلو مسئلو د خيالاتو څرګندونه وكړه۔ دوي د خبرو په مهال د روان كاله په آخري درې مياشتو كښې د پاكستان او افغانستان د شريك اقتصادي كمېشن راروانې غونډې كېدو په  اړه هم د خيالاتو څرګندونه وكړه۔

 
> PDF Print E-mail

ډي جي خان – ترافيكي پېښه  - د يوې كورنۍ 5 كسانو په شمول 6 تنه مړه –

 3 ژوبل

ډي جی خان ۔23 اګست (اے پی پی) کراچۍ څخه ډېره غازي خان ته د راتلونكي تند رفتاره يوې ركشې سره ټكر كېدو په نتيجه كښې ركشه كښې د يوې كورنۍ 5 كسانو په شمول 6 مړه او درې نور ژوبل شول۔ پېښې څخه وروستو ځائي كسانو ډرائيور نيولو سره ووهلو او د ده بس ته ئې اور ولګولو۔ د ریسکیو1122  ترمخه کراچۍ څخه بس(JV-Sindh-7635) ډېرہ غازی خان ته راروان ؤ۔ كله چې دا بس ډی جی خان ګرډ اسټېشن ته نزدې شو نو مخالف اړخ څخه راتلونكې يوه ركشه د دې مخې ته راغله۔ كومه چې بس ځان سره په راكښلو تر لرې يوړله۔ د دې پېښې په نتيجه كښې 6 كسان مړه كومو كښې چې د يوې كورنۍ 5 كسان شامل دي او درې نور ژوبل شول۔ پېښې څخه وروستو د سيمې كسانو د بس ډرائيور نيولو سره ووهلو او دده په ګاډي ئې اور بل كړو۔ ژوبل شوي كسان ډي اېچ كيو روغتون ته رسول شوي ديِ په مړو كسانو كښې منور ٬ د ده كورودانې ٬ درې لونړا او يوه بله مېرمن شكيله شامل ده۔

برطانيه – د ايئر شو پېښه - 7 تنه مړه – پائيلوټ ژوبل

لندن ۔ 23 اګست (اے پی پی) د برطانوی ایئر فورس تنظیم رائل ایئر فورس اېسوسی اېشن ایئر فیسټول په مهال يوه جنګي الوتكه پېښې  سره مخ كېدو سره په ګاډو دپاسه پرېوته چې په نتيجه كښې ئې 7 تنه مړه او پائيلوټ سخت ژوبل شو۔ د ابلاغ ذريعو راپور ترمخه دا پېښه هغه مهال رامخې ته شوه كله چې د برطانيې په سوئيلي ختيزه سيمه كښې هاكر هنټر ملټري جېټ الوتكه د كرتب ښودلو په مهال په يو مصروف لار راپرېوته۔ د ځائي طبی ذريعو ترمخه د پېښې په نتيجه كښې 7 تنه مړه شوي دي او پائيلوټ سخت ژوبل شوے۔ نور 14 كسان طبي اسانيو څخه وروستو فارغ كړې شوي دي۔

صومالیه – د الشباب بريد كښې 14 عسكر ووژل شول

موغا دیشو ۔ 23 اګست (اے پی پی) د صوماليې په سوئيلي برخه كښې د شدت خوښي تنظيم الشباب په يو بريد كښې 14 عسكر وژلي شوي او 20 نور ژوبل شوي دي۔ د جرمن ابلاغ ذريعو  ترمخه عسكريت خوښي سوئيلي سيمې كېسمايو كښې د يو پوهنتون ودانۍ ته ننوتل چرته چې د افريقا يونين امن مشن كښې شامل د صوماليه او كينيا عسكر موجود وو۔ شدت خوښو يو مني بس كوم چې چاؤدېدونكو توكو څخه ډك ؤ اول ودانۍ څخه بهر والوزولو او بيا ئې په ودانۍ كښې په موجود عسكرو بريد وكړو چې په نتيجه كښې ئې 14 عسكر مړه او 20 نورو ژوبل شول۔

د افغان امنيتي ځواكونو د هېواد په بېلو برخو كښې د پوځي كاروايو په مهال د 100 څخه زياتو عسكريت خوښو وژلو ادعا ۔

د كاروايو په مهال د 15 افغان عسكرو وژل كېدو تصديق

كابل كښې يوه ورځ وړاندې شوې بمي چاؤدنه كښې د درې امريكائي سوېلين كنټرېكټرانو د وژل كېدو تصديق

کابل ۔ 23 اګست (اے پی پی) افغان امنيتي ځواك د هېواد په بېلو برخو كښې د فوځي كاروايو په مهال 100 څخه د زياتو عسكريت خوښو د وژلو ادعا كړې۔ په دې مهال د 15 افغان عسكرو وژل كېدو تصديق شوے۔ كابل كښې يوه ورځ وړاندې شوې بمي چاؤدنه كښې د درې امريكائي سوېلين كنټرېكټرانو د وژل كېدو تصديق هم شوے۔ كابل كښې د افغان دفاع وزارت لخوا جاري كړې شوي بيان كښې وئيلي شوي دي چې تېرو 48 ساغتونو كښې د هېواد په بېلو برخو كښې د شويو فوځي كاروايو په نتيجه كښې 100 څخه زيات عسكريت خوښي وژل شوي دي۔ د بيان ترمخه په دې عملياتو كښې 15 افغان عسكرو هم د خپل ژوند څخه لاس وينځلې دې۔ دا كاروائۍ په  ننګر هار، لغمان، پکتیا، تخار، فاریاب، بغلان، پکتیکا، اورزګان، قندھار، بادغیس، سرائے پل، دائی کنډی، هلمند او کابل كښې شوي دي۔ كابل كښې د ناټو لخوا جاري شوي بيان كښې وئيلي شوي دي چې يوه ورځ وړاندې په يوه غېر ملكي فوځي قاقله د بريد په نتيجه كښې درې امريكائي كنټرېكټر وژل شوي دي۔ د ترهه ګرۍ په دې كاروائۍ كښې تر دې دمه د 14 كسانو د وژل كېدو تصديق شوے۔ د افغان میډیا ترمخه د سوئيلي صوبې هلمند موسی قلعه ضلعې ګورنر په دې خبره اندېښنه ښكاره كړې چې طالبان د ضلعې مركز ته نزدې شوي دي۔ ضلعي ګورنر محمد شريف خان ووئيل چې طالبان پلازمينې څخه د دوه كلوميټره په مسافت دي۔ ۔ ده په افغان حكومت زور راوړو چې په صورتحال قابو موندلو له ګامونه پورته كړي۔

 

 

 

 
> PDF Print E-mail

 

 

د خزانې وفاقي وزير اسحاق ډار سره د وزيراعظم د هوابازۍ سلاكار شجاعت عظيم او د اېوي اېشن سېكتر محمد علي ګرديزي وليدل

د ټرېول او كارګو په شمول نور سروسز نړيوال معيار سره د سمولو په اړه ئې وفاقي وزير د اېوي اېشن نوې پالېسۍ څخه خبر كړو۔ 

اسلام آباد ۔ 22 اګست (اے پی پی) د خزانې وفاقي وزير سناتور اسحاق ډار ته د پي آئي ای لخوا كارګو او مسافرو ته د سفر  غوره اسانۍ وركولو له د پورته كړې شويو ګامونو په اړه بريفېنګ وركړے شو۔ د خالي په ورځ  وفاقي وزير اسحاق ډار سره د وزيراعظم د هوابازۍ سلاكار شجاعت عظيم او د اېوي اېشن سېكتر محمد علي ګرديزي وليدل۔ دوئي وفاقي وزير د ټرېول او كارګو په شمول نور سروسز نړيوال معيار سره د سمولو په اړه د اېوي اېشن نوې پالېسۍ څخه خبر كړو۔ د هوابازۍ سلاكار وفاقي وزير ته د پي آئي اے د موجوده الوتكو او د سفر معيار لا ښه كولو له د لا جهازونو اخستلو په اړه ووئيل۔  وفاقي وزير د شجاعت عظيم او د ده د ډلې د هوابازۍ څانګې ښه كولو له پورته كړې ګامونه وستائل۔ وفاقي وزير ووئيل حكومت غواړي چې پي آئي ای بحال كړې شي۔ په دې مهال د اېوي اېشن او خزانې وزارت اعلی چارواكي هم موجود وو۔

 

 

 

 

وفاقي حكومت به د نوې تجارتي پالېسيو د لارې كاروباري ورورولۍ ته ريليف پېكج وركړي۔ وفاقي وزير خرم دستګير خان

ګوجرانوالہ/اسلام آباد ۔ 22 اګست (اے پی پی) د تجارت وفاقي وزير خرم دستګير خان وئيلي دي وفاقي حكومت به د نوې تجارتي پالېسيو د لارې كاروباري ورورولۍ ته ريليف پېكج وركړي۔ د خالي په ورځ  د يونائټډ بزنس ګروپ او ګوجرانواله چېمبر آف كامرس ته وركړې شوې د غرمې مېلمستيا دستورې ته خطاب كښې ده ووئيل د وزیراعظم محمد نواز شریف په خاص هدايت د هېواد په بېلو سيمو كښی پاور پلانټونه لګولې شي دغسې چې سوداګره ورورولي د برېښنا زيات شوے حاجت په بېړني بنياد ترسره كړي۔ ده ووئيل د تېرې جنورۍ څخه تر دې دمه د افراط زر شرح 2.5 فیصد كم شوې او دا د وفاقي حكومت د غوره اقتصادي پالېسيو نتيجه ده۔ ده ووئيل د چين لخوا 46 ارب ډالر سرمايه كارۍ كښې زياتره سرمايه كاري د توان په څانګه كښې كيږي دغسې چې اقتصادي هلې ځلې زياتې كړې شي۔ وفاقي وزير ووئيل نوې تجارتي پالېسيو كښې به د سارك چېمبر دوهم صدر او د يونائټډ بزنس ګروپ چيئرمېن افتخار علي ملك او د وفاق هائے صنعت وتجارت په شمول ټولو شراكتدارو سره مشوره كولې شي۔ په دې مهال د سارك چېمبر دوهم صدر افتخار ع لي ملك ووئيل ټوله كاروباري ورورولي د وزيراعظم محمد نواز شريف په مشرۍ كښې د مسلم ليګ (ن) ټاكلي شوي حكومت څخه زياتې هيلې لري۔ ده ووئيل د وزيراعظم په مشرۍ كښې د منصوبه بندۍ كمېشن په مشاورتي غونډه كښې  نجي څانګې ته د 50 څخه زياتو منصوبو په اړه بريفېنګ وركړے شوے۔

 

 

 

 

د قامي سلامتيا سلاكارو په كچه دوه اړخيزه خبرو له نوې ډيلي ته تللو له اوس هم چمتو يو

د پاكستان لخوا درې نكاتي مجوزه ايجنډا د اوفا اعلاميې ترمخه ده۔

د هند لخوا حريت لارښودو سره د ملاقات نه كولو نوې شرط لګولے شوے۔ سيمه كښې امن او استحكام يوازې د كشمير مسئلې حل سره ممكن دے۔ پاكستان څخه چې كله كوم لارښود د هند دوره كوي نو كشميري لارښودو سره ملاقات يو پخوانے روايت دے۔ ټول پاكستانې قام او سياسي مشرتابه د كشميري اولس د خپلواكۍ بنيادي حق  بشپړ اخلاقي ٬ سياسي او سفارتي ملاتړ كوي

قامي سلامتيا او خارجه چارو لپاره د وزيراعظم سلاكار سرتاج عزيز خبري كنفرنس

اسلام آباد ۔ 22 اګست (اے پی پی) قامي سلامتيا او خارجه چارو لپاره د وزيراعظم سلاكار سرتاج عزيز وئيلي دي سلاكارو په كچه دوه اړخيزه خبرو له نوې ډيلي ته تللو له اوس هم چمتو يو۔ د پاكستان لخوا درې نكاتي مجوزه ايجنډا د اوفا اعلاميې ترمخه ده۔ د هند لخوا حريت لارښودو سره د ملاقات نه كولو نوې شرط لګولے شوے۔ سيمه كښې امن او استحكام يوازې د كشمير مسئلې حل سره ممكن دے۔ پاكستان څخه چې كله كوم لارښود د هند دوره كوي نو كشميري لارښودو سره ملاقات يو پخوانے روايت دے۔ ټول پاكستانې قام او سياسي مشرتابه د كشميري اولس د خپلواكۍ بنيادي حق  بشپړ اخلاقي ٬ سياسي او سفارتي ملاتړ كوي ۔ د راﺀ پاكستان كښې د ترهه ګرۍ وده كښې د ككړ كېدو ثبوت پېش كولو موقع كه په 24 اګست ترلاسه نه شوه نو راروانه مياشت كښې به نيويارك كښې دا ثبوت دووال ته وړاندې كوم دغه څخه وروستو به دا دستاويزي ثبوت د ملګرو ملتونو عمومي سېكتر ته وړاندې كولې شي۔ د خالي په ورځ خارجه دفتر كښې خارجه سېكتر اعزاز احمد چوهدري سره خبري كنفرنس ته خپل خطاب كښې سرتاج عزيز ووئيل د پاكستان لخوا د خارجه سلاكار په كچه مذاكراتو لپاره درې نكاتي ايجنډا جوړه كړې شوې وه كومه كښې چې ترهه ٬ مذهبي سياحت او د لائن آف كنټرول  او وركنګ باونډرۍ صورتحال او كشمير سركريك او سياچن په شمول په نورو مسئلو خبرو اترو له تګلار وضع كول شامل و۔ده ووئيل د دواړو هېوادونو ترمينځھ د كشمير مسئله ډېره مهمه ده۔ د هند لخوا دا خبره د حېرانتيا ده چې فوجي اسټېبلشمنټ د كشمير مسئله مذاكراتي عمل كښې شاملول غواړي۔  ده ووئيل نه يوازې د پاكستان حكومت به بلكې ټول پاكستانې اولس د كشميريانو د خپلواكۍ حق سياسي ٬ سفارتي او اخلاقي ملاتړ كوي۔ د يوې پوښتنې په ځواب ده ووئيل نوي دهلي كښې د كېدونكو مذاكراتو څخه د كوم برېك تھرو هيله نه وه بلې كشيدګۍ كمېدو كښې مرسته كېدې شوه بلكه دا هيله هم لرلې كېده چې دوه اړخيزه اړيكې به ښې شي۔ ده ووئيل هند بايد د اوفا اعلاميې خيال وساتي كومه كښې چې دواړو هېوادونو دا منلې وه چې د مسئلو حل له به خپل كردار ترسره كوؤ۔ د يوې بلې پوښتنې په ځواب ده ووئيل د 20  كالو څخه دا روايت پاتے شوے چې د پاكستاني خارجه وزير د دهلي دورې په مهال كشميري لارښودو سره ملاقات كيږي۔ د پاكستان حكومت او ټول پاكستانې اولس به د كشميريانو د خپلواكۍ حق سياسي ٬ سفارتي او اخلاقي حمايت جاري ساتي۔ كه كشمير د مذاكراتو په ايجنډا دے نو بيا كشميري لارښودو سره په ملاقات اعتراض ولے دے۔ كه كشمير مهمه مسئله نه ده نو بيا دغلته د لكھونو په شمېر د هند پوځ موجودګي څه جواز لري۔ ده ووئيل د مذاكراتو مركزي نقطه د كشمير مسئلې په شمول نورې مهمې مسئلې دي۔ سرتاج عزيز ووئيل په سركاري توګه د هند لخوا د مذاكراتو منسوخ كېدو په اړه مونږ ته خبر راكړې شوې نه دے۔ ده ووئيل پاكستان به د كشمير د خپلواكۍ حق څخه چرې لاس په سر نه شي۔ ده ووئيل هند ته به ډېر زر احساس وشي چې د خپلو شرطونو په بنياد د كشمير مسئلې ته پام نه كولو سره وړاندې تګ كېدې نه شي۔ سرتاج عزيز ووئيل پاكستان هند سره غېر مشروط مذاكرات غواړي۔ د حريت لارښودو نيول او نظر بند كول د بنيادي بشري حقونو خلاف ورزي ده۔ نړۍ ته معلومه ده چې د پاكستان او هند ترمينځھ لويه مسئله د كشمير ده۔ ده  د پاكستان او هند ترمينځه مذاكرات ځنډ سره مخ كېدل  د افسوس وړ عمل ګرځولو نړيوالې ورورولۍ ته خواست وكړو چې هغه دې د هند د دې رو يې نوټس واخلي۔ ده ووئيل پاكستان كښې ترهه ګرۍ كښې د هندي خفيه ايجنسۍ د ككړ كېدو ثبوتونه مو ملګرو ملتونو ته وركړي دي۔ په دې مهال خارجه سېكتر اعزاز چوهدري ووئيل د هند لخوا د لائن آف كنټرول پرله پسې خلاف ورزي روانه ده او په دوه مياشتو كښې د 100 څخه زيات ځله د هند لخوا د ډز بندۍ خلاف ورزي شوې۔

باجوړ ايجنسۍ كښې ريموټ كنټرول بمي چاؤدنه – د قبائلي لارښود په شمول درې تنه مړه

 باجوړ ایجنسی۔22 اګست (اے پی پی) د باجوړ ایجنسۍ اتمانخېل تحصيل په ارنګ سيمه كښې د ريموټ كنټرول بمي چاؤدنې په نتيجه كښې د يو قبائلي لارښود په شمول درې تنه مړه او دوه نور ژوبل شوي دي۔ دې پېښه كښې ګاډې بېخي ختم شوې۔ د ځائي كسانو او انتظاميې چارواكو ترمخه دا پېښه د خالي په سهار 8  بجې ارنګ سيمه كښې هغه مهال رامخې ته شوه كله چې ځائي قبائلي لارښود ملك دوا خان خپلوانو سره ګاډي كښې روان ؤ۔ د عيني شاهدينو ترمخه د ملك دوا خان ګاډے چې كله يو كچه لارې ته ورسېد نو د لارې په غاړه اېښودلې شوې بم وچاؤدلو چې په نتيجه كښې ئې د ملك دوا خان په شمول درې كسان مړه او دوه نور ژوبل شول۔ پېښې څخه سمدستي وروستو د انتظاميې چارواكو ژوبل كسان ايجنسي هېډكوارټر ته او د حق رسېدليو كسانو مړي ئې خپلو كورونو ته ورسول۔ د باجوړ ایجنسۍ انتظامیې د پولیټکل ایجنټ محمد یحییٰ اخون زادہ په خاص هدايت د پېښې پلټنې پېل كړې۔

 

 

 

 

وفاقي حكومت تحصيل اوګي ته د ګاز رسنې له 1 ارب 88 كروړه روپۍ جاري كړې۔ کېپټن (ر) صفدر

مانسهرہ۔ 22 اګست (اے پی پی) د قامي اسمبلۍ غړي كېپټن (ر) صفدر وئيلي چې وفاقي حكومت اوګۍ ته د ګاز رسنې له د 1 سل 88 كروړه روپو فنډ جاري كړې۔ په دې به ډېر زر كار پېل شي۔ اوګی یونیورسټی کېمپس له هم د 55 كروړ روپو فنډ منظور كړې شوې۔ دغسې د  55 کروړ روپو په لګښت به د اوګۍ دربند روډ جوړول كار هم پېل شي۔ د مسلم ليګ (ن) تحصيل اوګۍ عمومي سېكتر محمد رفيق سواتي سره خبرو كښې كېپټن صفدر ووئيل د ټول ټاكنو په مهال اولس سره كړې وعدې به پاللې شي۔ او اوسنې حكومت په جدي توګه د اولس مسئلې حل كوي۔

هند څخه د مثبت رد عمل هيله نه لرو۔ كشمير په مذاكراتي عمل كښې د نه شاملولو هندي شرط پاكستان ته قبول نه دے۔ پاكستان كله هم كشمير څخه لاس په سر كېدې نه شي۔ پخوانے سفير مسعود خان

اسلام آباد ۔ 22 اګست (اے پی پی) د پاكستان پخواني سفير مسعود خان وئيلي دي هند څخه د مثبت رد عمل هيله نه لرو۔ كشمير په مذاكراتي عمل كښې د نه شاملولو هندي شرط پاكستان ته قبول نه دے۔ پاكستان كله هم كشمير څخه لاس په سر كېدې نه شي۔ د امريكې په شمول په ټوله نړيواله ورورولۍ كښې دا غږ پورته كيږي چې هند دې د كشمير مسئله حل كړي۔ د خالي په ورځ خپل يو بيان كښې ده ووئيل د هند د مذاكراتو ختمولو ګام سم نه دے۔ دې سره به د سيمې امن ته زيان ورسي۔ ملګرو ملتونو هم وئيلي چې دواړه هېوادونه بايد خپل منځ كښې اختلافات  د خبرو اترو د لارې ختم كړي۔ پاكستان ټول عمري مذاكراتو ته چمتو پاتے شوے۔ ده ووئيل پاكستان يو اصولي دريځ لري ولې هند څخه د مثبت رد عمل هيله لرلې كېدې نه شي۔ هند د يوې منصوبې ترمخه خبرو اترو څخه د تېښتې لار خپلوي۔ د كشمير مسئله او ترهه ګرۍ كښې د را ككړ كېدو خبرو ته هند مخامخ كېدې نه شي۔ ده ووئيل هند په زور د كشمير اولس غږ غلے كړے دے او پاكستان كښې استحكام د منځه وړولو له هند د ترهه ګرو ملاتړ كوي۔

نائجيريا كښې د مائن چاؤدنې پېښه – دوه عسكر ووژل شول

ابوجا ۔ 22 اګست (اے پی پی) د نائجیریا په قطبي لوئديزه سيمه كښې د مائن چاؤدنې پېښې په نتيجه كشې دوه عسكر وژلې شوې او دوه نور ژوبل شوي دي۔ د چارواكو ترمخه دا پېښه هغه سيمه كښې رامخې ته شوه كومه چې د بوكو حرم تنظيم مركز ګڼلې شي۔ د دې چاؤدنې په نتيجه كښې دوه عسكر مړه او دوه نور ژوبل شول۔

سوئيلي افغانستان كښې بمي چاؤدنه – 8 تنه مړه يو شمېر نور ژوبل

کابل ۔ 22 اګست (اے پی پی) سوئيلي افغانستان كښې د بمي چاؤدنې پېښې به نتيجه كښې 8 تنه مړه او يو شمېر نور ژوبل شوي دي۔ د افغان ميډيا ترمخه ارزګان ضلع كښې د ځائي پوليس قومندان كورته نزدې د اېښودلې شوي بم چاؤدنې پېښې په نتيجه كښې 8 تنه مړه او يو شمېر نور ژوبل شول۔ د ذريعو له مخې وژل شويو كسانو كښې د ځائي پوليس قومندان دوه ځامن هم شامل دي۔ بلخوا تر دې دمه كوم تنظيم د دې پېښې ذمه واري په خپل سر اخستې نه ده۔

سعودی عربستان كښې د چورلكې پرېوتو پېښه – 2 پائيلوټان مړه

ریاض ۔ 22 اګست (اے پی پی) د سعودی عربستان يوه اپاچی چورلكه جيزان سيمه كښې رانسكورېدو سره ويجاړه شوه چې په نتيجه كښې ئې 2 پائيلوټان مړه شول۔ د سعودي ورځپاڼې ترمخه په يمن كښې د حوثي ياغيانو په ضد د عملياتو كونكي جوائنټ فورس هېډكوارټر څخه جاري شوي بيان كښې وئيلې شوي دي چې دواړو پائيلوټانو د هېواد د پولو ساتنې له روانو عملياتو كښې د خپلو ځانونو قرباني وركړه۔ د بيان ترمخه د چورلكې پرېوتو پېښې اسباب معلومولو له پلټنې روانې دي۔

کوئټه ، په سرياب روډ د نامعلومه وسله والو په ډزو د قانون نافذ كوؤنكې ادارې يو اهلكار ووژل شو

کوئټه ۔22 اګست ( اے پی پی ) د كوئټې په سرياب روډ سيمه كښې د نامعلومه وسله والو لخوا د ډزو په نتيجه كښې د قانون نافذ كوؤنكې ادارې يو اهلكار وژلې شوې۔ د پوليس ترمخه د خالي په ورځ د كوئټې سرياب سيمه كښې د نامعلومه وسله والو په ډزو د قانون نافذ كوونكے ادارې يو اهلكار وژلے شوے او ملزمان موقعې څخه تښتېدلې دي۔ پوليس او امنيتي ځواكونو مړې سي اېم اېچ ته منتقل كړو او سيمه محاصره كولو سره ئې پېښه كښې د ككړو كسانو په اړه پلټنې پېل كړې۔  

 

 
> PDF Print E-mail

پاكستان د كشمير په شمول د ټولو مسئلو حل د خبرو اترو  د لارې غواړي۔ د 20  كالو څخه دا روايت پاتے شوے چې د پاكستاني خارجه وزير د دهلي دورې په مهال كشميري لارښودو سره ملاقات كيږي۔ د پاكستان حكومت او ټول پاكستانې اولس به د كشميريانو د خپلواكۍ حق سياسي ٬ سفارتي او اخلاقي حمايت جاري ساتي۔ كه كشمير د مذاكراتو په ايجنډا دے نو بيا كشميري لارښودو سره په ملاقات اعتراض ولے دے۔ نړيواله ورورولي بايد د هند د رويې نوټس واخلي۔ سرتاج عزيز

قامي سلامتيا او خارجه چارو لپاره د وزيراعظم سلاكار سرتاج عزيز خارجه سېكتر سره په په ګډه خبري كنفرنس

اسلام آباد ۔ 22 اګست (اے پی پی) قامي سلامتيا او خارجه چارو لپاره د وزيراعظم سلاكار سرتاج عزيز وئيلي دي  پاكستان د كشمير په شمول د ټولو مسئلو حل د خبرو اترو  د لارې غواړي۔ د 20  كالو څخه دا روايت پاتے شوے چې د پاكستاني خارجه وزير د دهلي دورې په مهال كشميري لارښودو سره ملاقات كيږي۔ د پاكستان حكومت او ټول پاكستانې اولس به د كشميريانو د خپلواكۍ حق سياسي ٬ سفارتي او اخلاقي حمايت جاري ساتي۔ كه كشمير د مذاكراتو په ايجنډا دے نو بيا كشميري لارښودو سره په ملاقات اعتراض ولے دے۔ نړيواله ورورولي بايد د هند د رويې نوټس واخلي۔د خالي په ورځ خارجه دفتر كښې خارجه سېكتر اعزاز احمد چوهدري سره خبري كنفرنس ته خپل خطاب كښې سرتاج عزيز ووئيل د پاكستان لخوا د خارجه سلاكار په كچه مذاكراتو لپاره درې نكاتي ايجنډا جوړه كړې شوې وه كومه كښې چې ترهه ٬ مذهبي سياحت او د لائن آف كنټرول  او وركنګ باونډرۍ صورتحال او كشمير سركريك او سياچن په شمول په نورو مسئلو خبرو اترو له تګلار وضع كول شامل و۔ده ووئيل د دواړو هېوادونو ترمينځھ د كشمير مسئله ډېره مهمه ده۔ د هند لخوا دا خبره د حېرانتيا ده چې فوجي اسټېبلشمنټ د كشمير مسئله مذاكراتي عمل كښې شاملول غواړي۔  ده ووئيل نه يوازې د پاكستان حكومت به بلكې ټول پاكستانې اولس د كشميريانو د خپلواكۍ حق سياسي ٬ سفارتي او اخلاقي ملاتړ كوي۔ د يوې پوښتنې په ځواب ده ووئيل نوي دهلي كښې د كېدونكو مذاكراتو څخه د كوم برېك تھرو هيله نه وه بلې كشيدګۍ كمېدو كښې مرسته كېدې شوه بلكه دا هيله هم لرلې كېده چې دوه اړخيزه اړيكې به ښې شي۔ ده ووئيل هند بايد د اوفا اعلاميې خيال وساتي كومه كښې چې دواړو هېوادونو دا منلې وه چې د مسئلو حل له به خپل كردار ترسره كوؤ۔ د يوې بلې پوښتنې په ځواب ده ووئيل د 20  كالو څخه دا روايت پاتے شوے چې د پاكستاني خارجه وزير د دهلي دورې په مهال كشميري لارښودو سره ملاقات كيږي۔ د پاكستان حكومت او ټول پاكستانې اولس به د كشميريانو د خپلواكۍ حق سياسي ٬ سفارتي او اخلاقي حمايت جاري ساتي۔ كه كشمير د مذاكراتو په ايجنډا دے نو بيا كشميري لارښودو سره په ملاقات اعتراض ولے دے۔ كه كشمير مهمه مسئله نه ده نو بيا دغلته د لكھونو په شمېر د هند پوځ موجودګي څه جواز لري۔ ده ووئيل د مذاكراتو مركزي نقطه د كشمير مسئلې په شمول نورې مهمې مسئلې دي۔ سرتاج عزيز ووئيل په سركاري توګه د هند لخوا د مذاكراتو منسوخ كېدو په اړه مونږ ته خبر راكړې شوې نه دے۔ ده ووئيل پاكستان به د كشمير د خپلواكۍ حق څخه چرې لاس په سر نه شي۔ ده ووئيل هند ته به ډېر زر احساس وشي چې د خپلو شرطونو په بنياد د كشمير مسئلې ته پام نه كولو سره وړاندې تګ كېدې نه شي۔ سرتاج عزيز ووئيل پاكستان هند سره غېر مشروط مذاكرات غواړي۔ د حريت لارښودو نيول او نظر بند كول د بنيادي بشري حقونو خلاف ورزي ده۔ نړۍ ته معلومه ده چې د پاكستان او هند ترمينځھ لويه مسئله د كشمير ده۔ ده  د پاكستان او هند ترمينځه مذاكرات ځنډ سره مخ كېدل  د افسوس وړ عمل ګرځولو نړيوالې ورورولۍ ته خواست وكړو چې هغه دې د هند د دې رو يې نوټس واخلي۔ ده ووئيل پاكستان كښې ترهه ګرۍ كښې د هندي خفيه ايجنسۍ د ككړ كېدو ثبوتونه مو ملګرو ملتونو ته وركړي دي۔ په دې مهال خارجه سېكتر اعزاز چوهدري ووئيل د هند لخوا د لائن آف كنټرول پرله پسې خلاف ورزي روانه ده او په دوه مياشتو كښې د 100 څخه زيات ځله د هند لخوا د ډز بندۍ خلاف ورزي شوې۔

حاجيانو صاحبانو ته غوره اسانۍ وركولو له كوټلي ګامونه پورته كړې شوې دي۔ د مذهبي چارو وفاقي وزير

بالاکوټ۔ 22 اګست (اے پی پی) د مذهبي چارو وفاقي وزير سردار محمد يوسف وئيلي دي چې حاجيانو صاحبانو  ته د حج په موقع غوره اسانۍ وركولو له كوټلي ګامونه پورته كړې شوي دي۔ وفاقي حكومت اولس ته پېښې مسئلې حل كولو له ټولې ممكنه وسيلې كاروي۔ د تحصیل بالاکوټ اولس مسئلې په ترجيحي بنيادونو حل كولې شي۔ وفاقي وزير تېره ورځ د تحصيل بالاكوټ كھولياں دروېش كلي لنډې دورې په مهال د سيمې مشرانو سره خبرې اترې كولې۔ د صوبائي اسمبلۍ غړے مياں ضياﺀ الرحمن هم ده سره ؤ۔ په دې مهال وفاقي وزير کھولیاں دروبش ته د برېښنا رسنې له د 10 لكھه روپو ګرانټ اعلان وكړو۔ سردار محمد یوسف ووئيل هېواد كښې د روانې ترهه ګرۍ سره هم د حكومت حوصلې لوړې دي او ترهه ګر به په خپلو ناوړو ارادو كښې كاميابېدو ته پرېښودلې نه شي۔

 

 
> PDF Print E-mail

د وزیراعظم نوازشریف په مشرۍ كښې د لوړې كچې غونډه ۔

 صوبه كښې د نېشنل اېكشن پلان په اړه بريفېنګ

پنجاب حكومت ته صوبه كښې په نېشنل اېكشن فلان په صحيح معنو كښې په فوري توګه د عملدرآمد باوري كولو هدايت

په نېشنل اېكشن پلان د عملدرآمد اثر بايد ټوله صوبه كښې په نظر راشي۔ وزیراعظم محمد نوازشریف

لاهور ۔22اګست (اے پی پی)وزیراعظم محمد نوازشریف پنجاب حكومت ته په صوبه كښې په نېنشل اېكشن پلان په صحيح معنو كښې په فوري توګه د عملدرآمد باوري كولو هدايت كولو سره وئيلي دي چې په نېشنل اېكشن پلان د عملدرآمد اثر بايد په ټوله صوبه كښې په نظر راشي۔ وزيراعظ د خالي په ورځ جاتي امراﺀ رائيونډ كښې د يوې لوړې كچې غونډې مشري كوله كومه كښې چې پنجاب صوبه كښې په نېشنل اېكشن پلان د عملدرآمد په اړه پورته كړې شويو ګامونو جاج واخستلے شو۔ غونډه كښې د پنجاب اعلی وزير محمد شهبازشریف ٬ د قانون صوبائي وزير رانا ثناءاللہ او د قامي اسمبلۍ غړي حمزه شهباز شريف په شمول نورو اعلی چارواكو ګډون وكړو۔ غونډه كښې وزيراعظم ته په نېشنل اېكش پلان د عمل درآمد په لړ كښې د پورته كړې شويو ګامونو په اړه بشپړ بريفېنګ وركړے شو۔ په دې مهال وزيراعظم پنجاب حكومت ته هدايت وكړ په نېشنل اېكش پلان دې په صوبه كښې په صحيح معنو كښې عمل درآمد وكړے شي او د دے عملدرآمد اثر بايد په ټوله صوبه كښې په نظر راشي۔

 

د امریکې اولس مشر باراك اوباما به راروانه اوونۍ جنوبی ریاست لوزیانه ته ځي

واشنګټن 22 اګست (اے پی پی) د امريكې اولس مشر باراك اوباما به راروانه اوونۍ د سمندری طوفان ” کترینه “ له امله د تباہ شوې جنوبی ریاست لوزیانه ته ځي ۔ د امریکې میډیا له مخې اولس مشر اوباما به په دې مهال د لوزیانه نیو اورلینز ښار كښې د تيرو لسو كلونو راهسې روان پرمختيائي كارونو جاج اخلي۔ دا خبره دې ښكاره وي چې د سمندری طوفان کترینه له امله ښار ته تقریباً 135 اربه ډالره زيان رسېدلې وو۔ د زياتو بارانونو او تيزو هواګانو په نتيجه كښې تقریباً 1800 كسان مړه او ګڼ بې كوره شوي وو۔

یمن كښې د 5 مياشتو په مهال 400 ماشومان مړه شوې،یونیسېف

نوې ډيلې 22 اګست (اے پی پی) یمن كښې د روانو نښتو په مهال په تيرو 5 مياشتو كښې 400 ماشومان مړه شوې۔ د برتانيې راډيو له مخې د ملګرو ملتونو ادارې یونیسېف خپل راپور كښې وئيلي د بيلو وسله والو ډلو د اړخه هم په دومره شمېره ماشومان بهرتي كړې شوي۔ راپور تر مخه د نښتو بندېدو ښكالو په نظر نه راځي۔ د یمن په اړه د یونیسېف دا وړومبې خبردارے دے۔ یونیسېف راپور له مخې نزدې يو کروړ ماشومان په سمدستي توګه په بشرې بنیادونو مرستې ته اړتيا لري۔راپور كښې دا هم ووئيلې شوې د یمن تر ټولو زياتو ځپليو سيمو كښې 5 لکھ امېدوارو مېرمنو له طبی اسانۍ هم نه وركړې كېږي۔ چې له امله ئې دغه مېرمنې ستونزو سره مخ كېږي

د یونان حکومت د 14 سيمه ايزو هوائی مېدانونو انتظام د المان کمپنۍ ته د سپارلو منظوی وركړه

ایتھنز 22 اګست (اے پی پی) د یونان حکومت د 14 سيمه ايزو هوائی مېدانونو انتظام د المان کمپنۍ فراپورټ ته د سپارلو منظوی وركړې۔ د اروپائې میډیا له مخې د دې لوظنامې مالیت يو ارب یورو څخه زيات دے۔ تېرو 5 كلونو راهسې د ستونزو ښكار هېواد یونان كښې دا تر ټولو لويه نجکاری ده۔ د وزیراعظم الېکسس سپراس حکومت د ډير سوچ نه پس د هوائي مېدانونو د حقونو خرڅولو پرېكړه كړې۔ دا خبره دې ښكاره وي د فراپورټ زېر انتظام راتلونكې زياتره هوائی مېدانونه د سېلګرۍ په اړه مشهورو سيمو كښې دي۔

روس به تر ستمبر ایران ته د جوهری اېندھن نوې کھیپ وركړي

ماسکو 22 اګست (اے پی پی) روس به تر ستمبر د ایران بو ښار له د جوھری بجلی ګھر وړومبي يونټ ری ایکټر له د جوهری اېندھن نوې کھیپ وركړې۔ د روس جوهری ادارې روس آټوم پرېس سروس وئيلي د ډلو د اړخه په لاس ليك شوې لوظنامې ترمخه ایران له داېندھن د روس نوووسیبیرسک ښار كښې جوړ كړے شوے ۔

د قزاخستان دوهم وزیر اعظم به په 23 اګست چین ته په 5 ورځنۍ  دوره ځي

بیجنګ 22 اګست (اے پی پی) د قزاخستان دوهم وزیر اعظم بقیب جان ساګنتا یوف به د 23 اګست څخه د چین 5 ورځنۍ دوره كوي۔ د چین د خارجه چارو وزارت وياند هوا چن ینګ ووئيل د قزاخستان دوهم وزيراعظم به د خپلې دورې په مهال د چین او قزاخستان ترمينځه د مرستې کمېټۍ 7مې غونډې شريك صدارت کوي۔ هغه دا دوره د وزیر اعظم په بلنه كوي۔ دا خبره دې ښكاره وي چې د چین او قزاخستان ترمينځه ياده شوې کمېټی 2004ء كښې جوړه شوې وه كومه چې د دواړه هيوادونو ترمينځه د تجارت ، ټرانسپورټ او سائنس او ټیکنالوجی څانګو كښې دوه اړخيزه اړيكو ته وده وركوې

سلامتی کونسل به د سوريه شخړې حل له د خبرو اترو نوې دور پېل كوي

ملګري ملتونه 22 اګست (اے پی پی) د ملګرو ملتونو سلامتی کونسل سلامتی کونسل به د سوريه شخړې حل له د خبرو اترو يو نوې دور پېل كوي۔ سوريه لپاره د ملګرو ملتونو خاص استازې سټېفن ډی مستورا له مخې د 2 كلونو په مهال په وړومبي ځل د سلامتی کونسل ټول غړي د سوريه په اړه كوم سیاسی اعلامیې ته سلا شوي۔ ټولو 15 غړو د دے مستورا دا تجویز په متفقه توګه منظور کړې دے۔ په دې دستاوېز كښې شخړيزو ډلو په سمدستي توګه د جنګ بندولو او د دې مسئلې سیاسی حل راوېستلو په حاجت زور راوړې۔  په دې تجویز كښې د عبوری حکومت جوړولو خبره هم شوې ده

 

 

 

 

 
More...
<< Start < Prev 1 2 3 4 5 6 7 8 9 10 Next > End >>

Results 46 - 54 of 21809
defenceday.jpg
weather-news.png
China News
News About China
Cultural News
Cultural News

 

Budget 2015-2016
Federal Budget
Budget Highlights
Punjab Budget
Sindh Budget
KPK Budget
Balochistan Budget
A.J.K Budget
Gilgit Baltistan
Grievance Commissioner Wafaqi Mohtasib
Grievance Commissioner Wafaqi Mohtasib
Elections 2013
Elections 2013 News
Code of Conduct
Code of Conduct
Manifestos of Parties
Manifestos of Political Parties
Economic Survey
Economic Survey 2014-2015
Presidential address to the joint sitting of parliament
Presidential address to the joint sitting of parliament
Parlimentary Proceedings
National Assembly
Senate