Home
 

Today is,

Tuesday, 21 October 2014

 

Home | About Us | News | User Login | Jobs | Contact Us | Tender Notices
Untitled Document
Main Menu
Home
News
Blog
Links
Search
Contacts
Seniority List
News Section
National
World
Sport
Business
Forex
Weather
Articles & Features
Sport News
Shahbaz bestows Rs 2 lakh each on hockey team
LAHORE, Oct 21 (APP): Punjab Chief Minister Muhammad Shahbaz Sharif gave away cash award of Rs 200,000 each amongst the members and officials of the national hockey team for their brilliant performance in the recently concluded Asian Gmaes.
 
Quarter finals of Squash held
ISLAMABAD Oct 21 (APP): Quarter finals of Serena Hotels-Chief of Air Staff International Squash Championship were played here at Mushaf Squash Complex on Tuesday.
 
Hamza goes down to Vahedi in Qatar 6-Red Snooker semis
KARACHI, Oct 21 (APP)- Pakistan’s fast improving Hamza Akbar went down fighting 6-5 to Sohail Vahedi of Iran in the semifinals of inaugural Qatar Academy 6-Red Snooker Championship in Doha, according to a message received here on Tuesday.
 
Batting trio of Fazal, Majid, Saad put Karachi Dolphins on top in QAT
KARACHI, Oct 21 (APP): Batting trio of Fazal Subhan, Saad Ali and Majid Khan hit big half centuries to put Karachi Dolphins on top on day three of their 4-day Quaid-e-Azam Cricket Gold League match against Sui Northern Gas Pipelines Ltd (SNGPL) here at the National Stadium on Tuesday.
 
O’Keefe set to make debut against Pakistan in first Test
KARACHI, Oct 20 (APP): Steve O’Keefe has a good chance of making his debut in Dubai alongside the incumbent offspinner Nathan Lyon, said a report carried by cricket’s leading website on Monday.
 
Archive
Latest News
Govt committed to promote arts and culture: Marvi - CAA managers asked to further improve existing facilities for passen... - Gen. Raheel, Indonesian Army Chief discuss bilateral military relati... - People to determine legitimacy of election process: EU delegation - MoIT Visits Korea to represent Pakistan in ITU - Govt committed to socio-economic uplift of people in Gilgit- Baltist...
Sindhi News
> PDF Print E-mail

نئين پاڪستان جو نعرو هڻندڙ پهرين نئون خيبرپختونخواهه ٺاهين: وزيراعظم

اچ شريف 15 آڪٽوبر (اي پي پي) وزيراعظم محمد نواز شريف چيو آهي ته احتجاج ۽ ڌرڻن جي منفي سياست پاڪستان کي تمام گهڻو نقصان پهچايو آهي، ملڪ ان کي برداشت نه ٿو ڪري سگهي، نئين پاڪستان جو نعرو هڻندڙ پهرين خيبرپختونخواهه صوبي ۾ ترقي ۽ بهتري آڻي نئون خيبرپختونخواهه ٺاهين. هن اها ڳالهه ڪالهه اربع ڏينهن هتي احمد پور شرقيه تعلقي ۾ اچ شريف جي ڳوٺ بيٽ بختياري ۾ ٻوڏ متاثرين کي خطاب ڪندي چئي. وزيراعظم چيو ته ڌرڻن ۽ احتجاج جي سياست پاڪستان جو قيمتي وقت ضايع ڪيو آهي، اهڙي قسم جي سياست ڪندڙن تمام گهڻو افسوسناڪ ڪردار ادا ڪيو آهي، ان سان سيڙپڪاري کي تمام وڏو ڌچڪو لڳو آهي. وزيراعظم نئين پاڪستان ٺاهڻ جي دعويٰ ڪندڙن کي مخاطب ٿيندي چيو ته نئين خيبرپختونخواهه ٺاهڻ کانپوءِ نئين پاڪستان ٺاهڻ جي ڳالهه ڪن، خيبرپختونخواهه ۾ گذريل هڪ سال دوران حالتون جيتريون خراب ٿيون آهن ان جو صوبي جي تاريخ ۾ پهرين ڪو مثال نه ٿو ملي.

 

معذور ماڻهن جي سارسنڀال اسان جو اخلاقي ۽ مذهبي فرض آهي: وزيراعظم

اسلام آباد – 5 آڪٽوبر (اي پي پي)  وزيراعظم محمد نواز شريف چيو آهي ته معذور ماڻهن جي سارسنڀال ۽ کين روزمره جي زندگي جي سرگرمين ۾ حصو وٺڻ لاءِ سهولتون ۽ موقعا فراهم ڪرڻ اسان جو اخلاقي ۽ مذهبي فرض آهي، سرندي وارا ۽ رضاڪار تنظيمون معاشري جي ان ڪمزور طبقي جون مشڪلاتون ختم ڪرڻ ۾ مدد ڪن. هن اها ڳالهه اڇي لٺ جي عالمي ڏينهن جي موقعي تي پنهنجي پيغام ۾ چئي جيڪو اڄ اربع ڏينهن پاڪستان سميت سڄي دنيا ۾ ملهايو پيو وڃي. وزيراعظم چيو ته کيس اهو ڄاڻي خوشي ٿي آهي ته پاڪستان ايسوسيئيشن آف بلائينڊ سڄي ملڪ ۾ اڄ اڇي لٺ جو ڏينهن ملهائي رهي آهي جنهن جو مقصد انڌن يا گهٽ نظر رکندڙ ماڻهن جي ضرورتن تائين پهچ بابت شعور اجاگر ڪرڻ آهي.

 

بهتر حج انتطام حڪومت جي لاءِ اعزاز آهي: پرويز رشيد

اسلام آباد 15 آڪٽوبر (اي پي پي) اطلاعات ۽ نشريات جي وفاقي وزير سينيٽر پرويز رشيد چيو آهي ته بهتر حج انتطام حڪومت جي لاءِ اعزاز آهي. ڪالهه اربع ڏينهن هتي مذهبي معاملن جي وفاقي وزير سردار محمد يوسف سان گڏيل پريس ڪانفرنس کي خطاب ڪندي هن بهتر حج انتظامن جي تفصيلن کان آگاهه ڪيو، اطلاعات واري وفاقي وزير پرويز رشيد چيو ته حاجي سڳورن جي چونڊ شفافيت ۽ اهليت ۽ پهرين اچو پهرين وٺو جي بنياد تي ڪئي وئي ۽ ان سلسلي ۾ حڪومت پاران ڪا مداخلت نه هئي. اسان حج انتظامن جي سلسلي ۾ ڪميٽي جوڙي جيڪا مولا بخش چانڊيو، شگفته جماڻي ۽ حافظ عبدالڪريم تي ٻڌل هئي جنهن پنهنجا فرض محنت سان سرانجام ڏنا.

 

صدر پاران سينيٽ جو اجلاس جمعي تي پارليامينٽ هائوس ۾ طلب

اسلام آباد 15 آڪٽوبر (اي پي پي) صدر ممنون حسين سينيٽ جو اجلاس جمعي ڏينهن صبح جو ساڍي 10 وڳي پارليامينٽ هائوس ۾ طلب ڪيو آهي. سينيٽ سيڪريٽريٽ مطابق صدر آئين جي آرٽيڪل 54 (1) تحت حاصل اختيارن کي استعمال ۾ آڻيندي اجلاس طلب ڪيو آهي. اجلاس ۾ ايوان جي معمول جي ڪارروائي سميت اهم قومي معاملا بحث هيٺ آندا ويندا. هي سينيٽ جو 108 هون اجلاس هوندو.

 

صدر پاران قومي اسيمبلي جو اجلاس 20 آڪٽوبر تي طلب

اسلام آباد 15 آڪٽوبر (اي پي پي) صدر ممنون حسين قومي اسيمبلي جو اجلاس سومر 20 آڪٽوبر شام 4 وڳي پارليامينٽ هائوس ۾ طلب ڪري ورتو آهي. قومي اسيمبلي سيڪريٽريٽ جي ترجمان مطابق صدر قومي اسيمبلي جو اجلاس آئين جي آرٽيڪل 54 (2) تحت حاصل اختيارن کي استعمال ۾ آڻيندي طلب ڪيو آهي. اجلاس ۾ ايوان جي معمول جي ڪارروائي سميت اهم قومي معاملا بحث هيٺ آندا ويندا.

 

 

 
> PDF Print E-mail

وزيراعظم سان پنجاب جي گورنر جي ملاقات

اسلام آباد – 14 آڪٽوبر (اي پي پي) وزيراعظم محمد نواز شريف سان پنجاب جي گورنر چوڌري محمد سرور ڪالهه اڱاري ڏينهن هتي وزيراعظم هائوس ۾ ملاقات ڪئي. ملاقات دوران پنجاب بابت معاملن خاص طور تي صوبي ۾ وفاقي سرڪاري ادارن جي معاملن بابت خيالن جي ڏي وٺ ٿي.

 

پاڪستان عورتن کي بااختيار بڻائڻ تي يقين رکي ٿو: نيئر حسين بخاري

اسلام آباد – 14 آڪٽوبر (اي پي پي) سينيٽ چيئرمين سيد نيئر حسين بخاري چيو آهي ته پاڪستان عورتن کي بااختيار بڻائڻ ۽ برابر حق فراهم ڪرڻ تي يقين رکي ٿو. اهڙن خيالن جو اظهار هن گذريل ڏينهن جنيوا ۾ ٿيندڙ (آءِ پي يو) جي اجلاس کي خطاب ڪندي ڪيو. هن چيو ته عورتن سان معاشي ۽ سماجي ناانصافي علامتي مسئلو آهي جنهن کي سهڻي طريقي سان منهن ڏيڻ وقت جي اهم ضرورت آهي. دنيا جي اڌ آبادي عورتن تي ٻڌل آهي جنهن مان 35 سيڪڙو آبادي اڻبرابر حقن، تشدد، سماجي ناهمواري جو شڪار آهي.

 

قومي اسيمبلي سيڪريٽريٽ ملازمن جا سمورا مسئلا قاعدن، ضابطن موجب حل ڪيا ويندا: سردار اياز صادق

اسلام آباد – 14 آڪٽوبر (اي پي پي) قومي اسيمبلي جي اسپيڪر سردار اياز صادق اسيمبلي سيڪريٽريٽ جي نان گزيٽيڊ عملي کي خاطري ڪرائي آهي ته سندن سمورا مسئلا نه صرف باقاعدگي سان ٻڌا ويندا پر قاعدن، ضابطن ۽ طريقيڪار جي اندر رهندي انهن کي حل به ڪيو ويندو. جيڪڏهن ضرورت پئي ته ملازمن جي مفادن کي نظر ۾ رکندي قومي اسيمبلي جي قاعدن ۽ ضابطن ۾ ترميم به ڪئي ويندي.

 

پي ٽي آءِ جي ميمبرن جي استعيفائن جي تصديق لاءِ ڏنل ڊيڊ لائين اڄ ختم ٿي ويندي

اسلام آباد – 14 آڪٽوبر (اي پي پي) پاڪستان تحريڪ انصاف جي ميمبرن جي استعيفائن جي تصديق لاءِ قومي اسيمبلي جي اسپيڪر پاران ڏنل ڊيڊ لائين اڄ اربع ڏينهن ختم ٿي ويندي، قومي اسيمبلي سيڪريٽريٽ موجب  پي ٽي آءِ جي چيئرمين عمران خان ۽ مخدوم شاهه محمود قريشي سميت هيستائين ڪو به ميمبر اسپيڪر جي سامهون استعيفائن جي تصديق لاءِ پيش ناهي ٿيو.

 

چيف اليڪشن ڪمشنر جي مقرري ۾ دير جا سبب سپريم ڪورٽ ۾ پيش ڪيا ويندا: سيد خورشيد شاهه

اسلام آباد – 14 آڪٽوبر (اي پي پي) قومي اسيمبلي ۾ مخالف ڌر اڳواڻ سيد خورشيد احمد شاهه چيو آهي ته اسان عدليه جو انتهائي احترام ڪريون ٿا، هر قسم جي تعميل ڪنداسين، چيف اليڪشن ڪمشنر جي مقرري ۾ دير جا سبب سپريم ڪورٽ ۾ پيش ڪيا ويندا. ڪالهه اڱاري ڏينهن مخالف ڌر اڳواڻ جي ترجمان ڪليم ڊار موجب سيد خورشيد احمد شاهه چيو ته چونڊ سڌارا ڪميٽي جي ايجنڊا ۾ چيف اليڪشن ڪمشنر جي مقرري جي طريقيڪار جو به نئين سر جائزو وٺڻ شامل آهي.

 

 

 
> PDF Print E-mail

ڪشمير مسئلي جي ڪنهن به حل جي لاءِ گڏيل قومن جون قراردادون بنيادي حيثيت رکندڙ آهن: وزيراعظم

اسلام آباد 13 آڪٽوبر (اي پي پي) وزيراعظم محمد نواز شريف آمريڪي منڊين ۾ پاڪستاني مصنوعات جي لاءِ بهتر پهچ جي ضرورت تي زور ڏيندي چيو آهي ته پاڪ آمريڪا گڏيل واپار ۾ اضافو ڪرڻ پاڪستان جي ترجيح آهي، ڪشمير مسئلي جي ڪنهن به حل جي لاءِ گڏيل قومن جون قراردادون بنيادي حيثيت رکندڙ آهن، گڏيل قومون ان بابت پنهنجي قراردادن جي پاسداري کي يقيني بڻائي. هن اها ڳالهه آمريڪي سينيٽ جي آرمڊ سروسز ڪميٽي جي ميمبرن سينيٽر ٽم ڪين ۽ اينگس ڪنگ سان ڪالهه سومر ڏينهن وزيراعظم هائوس ۾ ملاقات دوران چئي. وزيراعظم ڀاشا ڊيم ۽ داسو ڊيم تي آمريڪي مدد کي ساراهيو. هن آمريڪي سينيٽرن کي ٻڌايو ته پاڪستان جي معاشي انگن اکرن ۾ بهتري آئي آهي. هن پاڪستاني مصنوعات جي آمريڪي منڊين ۾ بهتر پهچ جي ضرورت تي زور ڏنو.

 

وزيراعظم سان پنجاب سان تعلق رکندڙ قومي اسيمبلي ميمبرن جي ملاقات

اسلام آباد 13 آڪٽوبر (اي پي پي) وزيراعظم محمد نواز شريف سان پنجاب سان تعلق رکندڙ مختلف قومي اسيمبلي ميمبرن ڪالهه سومر ڏينهن وزيراعظم هائوس ۾ ملاقات ڪئي. ملاقات ڪندڙن ۾ ميان نجيب الدين اويسي، سردار ممتاز خان ٽمن، ملڪ شاڪر بشير اعواڻ، چوڌري اسدالرحمان، شيخ محمد اڪرم ۽ صاحبزاده فيض الحسن شامل هئا.

 

مسلم ليگ (ن) سدائين ڪشمير مسئلي تي اصولي ۽ پراڻو موقف اجاگر ڪيو آهي: پرويز رشيد

اسلام آباد 13 آڪٽوبر (اي پي پي) اطلاعات، نشريات ۽ قومي ورثي جي وفاقي وزير سينيٽر پرويز رشيد چيو آهي ته پاڪستان مسلم ليگ (ن) جي حڪومت سدائين ڪشمير مسئلي تي اصولي ۽ پراڻو موقف اجاگر ڪيو آهي. هن اها ڳالهه ڪالهه سومر ڏينهن هتي باغ پريس ڪلب آزاد ڪشمير جي وفد سان ملاقات دوران چئي. وفاقي وزير چيو ته مسلم ليگ (ن) جڏهن به اقتدار ۾ آئي آهي هن پراڻي اصولي موقف تي ڪڏهن به ٺاهه ناهي ڪيو، 93 – 1992ع، 99 – 1997ع ۾ به سندس اهو ئي  ويزن هو، اسان سمجهون ٿا ته اهو مسئلو ڪشميري عوام جي امنگن کي نظر ۾ رکندي گڏيل قومن جي قراردادن موجب حل ڪيو وڃي. سينيٽر پرويز رشيد چيو ته وزيراعظم عالمي برادري کي گڏيل قومن جي سلامتي ڪائونسل جي منظور ڪيل قراردادن تحت مسئلي جي حل لاءِ ڪشمير جي عوام سان ڪيل واعدن جي ياد ڏياري.

 

ڀارت، بنگلاديش سميت خطي جي سمورن ملڪن ۽ سڄي عالمي برادري سي پي اي جي صدارت پاڪستان کي ڏيڻ تي خوشي جو اظهار ڪيو آهي: سردار اياز صادق

اسلام آباد 13 آڪٽوبر (اي پي پي) قومي اسيمبلي جي اسپيڪر سردار اياز صادق چيو آهي ته آمريڪا، برطانيه ۽ ڪينيڊا ملڪ ۾ ڌرڻن جي صورتحال جي ڪري ايندڙ سال 61 هين دولت مشترڪه پارلياماني ايسوسيئيشن (سي پي اي) ڪانفرنس پاڪستان ۾ منعقد ٿيڻ جي مخالفت ڪئي آهي تنهن هوندي به ڀارت، بنگلاديش سميت خطي جي سمورن ملڪن ۽ سڄي عالمي برادري سي پي اي جي صدارت پاڪستان کي ڏيڻ تي خوشي جو اظهار ڪيو آهي جيڪو پاڪستان جي لاءِ وڏو اعزاز آهي، ملڪي تاريخ ۾ پهريون ڀيرو سي پي اي جو اجلاس ايندڙ سال سيٽپمبر يا آڪٽوبر ۾ اسلام آباد ۾ منقعد ٿيندو جنهن ۾ 500 کان وڌيڪ مهمان شرڪت ڪندا. ڪانفرنس جي ذريعي پاڪستان جو عالمي سطح تي اڀرندڙ منفي تاثر کي ختم ڪري دنيا کي ٻڌائينداسين ته جيڪو پاڪستان هو سمجهي رهيا آهن حقيقت ان جي ابتڙ آهي. سومر ڏينهن پارليامينٽ هائوس ۾ پريس ڪانفرنس کي خطاب ڪندي هن چيو ته ڪيمرون ۾ 60 هين دولت مشترڪه پارلياماني ايسوسيئيشن ڪانفرنس ۾ شرڪت پاڪستان جو ڪيس پيش ڪرڻ لاءِ اهم هئي. هي فورم 175 قومي ۽ صوبائي اسيمبلين تي مشتمل آهي. پاڪستان 1948ع ۾ ان جو ميمبر بڻيو هو، 1971ع کان 1989ع تائين اسان جي سي پي اي جي ميمبرشپ معطل رهي، ڀارت 4، سريلنڪا ۽ ملائيشا ان خطي ۾ ٻه ڪانفرنسون ڪرايون، ڪينيڊا، آسٽريليا ۽ برطانيه ايندڙ سال ڪانفرنس منعقد ڪرڻ جي دهشتگردي، ڌرڻن ۽ امن امان جي ڪري مخالفت ڪئي. تنهن هوندي به عالمي برادري کي هي باور ڪرائڻ ۾ ڪامياب رهيا ته ڌرڻا جمهوريت جي علامت آهن ان سلسلي ۾ اسان هر هڪ سان انفرادي طور تي ڳالهه ڪئي. هن چيو ته اسان کين ٻڌايو آهي ته دهشتگردي سان حڪومت سميت پوري قوم منهن ڏئي رهي آهي، امن امان جي صورتحال بهتر ٿي رهي آهي، ڌرڻا جمهوريت جي علامت آهن، اسان مڪمل هوم ورڪ کانپوءِ ووٽنگ جي تجويز ڏني، اسان ايشيائي ۽ آفريقي جهڙن ملڪن سان ڳالهه ڪئي هنن ايندڙ سال 61 هين ڪانفرنس ۾ اچڻ تي راضپو ظاهر ڪيو، آفريقي ملڪن جي ميمبرن اٿي بيهي پاڪستان جي حق ۾ نعرا هنيا ۽ خوشي جو اظهار ڪيو. دهشتگردي جي حوالي سان ڀارت ۽ ٻين ملڪن پاران جن سوالن جي اميد هئي اهي نه آيا، ايندڙ سال سيپٽمبر يا آڪٽوبر ۾ 61 هين ڪانفرنس اسلام آباد ۾ ٿيندي، ڪانفرنس ۾ 5 سئو مهمانن جي شرڪت جي اميد آهي، اسان چاهيون ٿا ته هي ماڻهو پاڪستان اچن ۽ اچي ڏسن جيڪو پاڪستان هو سمجهي رهيا آهن اهو حقيقت ۾ صحيح نه آهي. اها ئي ڳالهه بحرين جي اسپيڪر ڪئي هن جيڪو ٻڌو هو اهڙو پاڪستان نه آهي، اسان کيس ٻڌائينداسين ته اصل پاڪستان ڇا آهي. اسان سڀني ۾ گڏيل جمهوريت جو ماڊل مغربي طرز جو آهي، برطانيه ۾ جمهوريت جي عمر هڪ هزار سال کان وڌيڪ آهي، هن چيو ته ڪانفرنس ۾ اسان موثر قانونسازي، پارلياماني ڊپلوميسي ۽ اوورسائيٽ سميت ٻين معاملن ۾ هڪٻئي جي تجربن مان فائدو حاصل ڪنداسين. ان سان جمهوريت مستحڪم ٿيندي، 7 سالن ۾ پهريون ڀيرو پاڪستان کي هي ڪانفرنس منعقد ڪرائڻ جو اعزاز مليو آهي، ان تي 12 ڪروڙ خرچ ايندو. اسان جو پنهنجو هڪ کان ڏيڊ ڪروڙ خرچ ٿيندو. باقي خرچ سي پي اي جي فنڊن ۽ صوبائي اسيمبلين جي مدد سان پورو ڪيو ويندو. هڪ سوال جي جواب ۾ اسپيڪر چيو ته پاڪستان جو اميج پرڏيهي دنيا ۾ عالمي ميڊيا تمام گهڻو خراب ڪيو آهي جنهن جي ڪري ماڻهو هتي اچڻ کان لهرائين ٿا، ڪجهه قوتون پاڪستان کي ترقي جي منزل سان همڪنار ٿيندي نٿيون ڏسي سگهن، اهي نٿا چاهين ته ريڪوڊڪ جي ذخيرن کي استعمال ۾ آندو وڃي، اسان جا چين سان لاڳاپا بهتر ٿي ويندا، هن چيو ته ڌرڻن جي ڪري قومي اسيمبلي جو ڪم نٿو روڪي سگهجي، عالمي ميڊيا جو مقابلو ڪرڻ جي حوالي سان هڪ سوال جي جواب ۾ هن چيو ته جيڪڏهن اسان جو ميڊيا صرف منفي رخن جي بدران مثبت رخن کي به اجاگر ڪري ته ان سان به حالتون بهتر ٿي وينديون. اي پي پي/ع – ک/ر – م 17:01

 

ايشيائي پارليامينٽ کي مڪمل طور تي بااختيار لاءِ مضبوط ۽ گڏيل مفادن تي ٻڌل حصيداري جي ضرورت آهي: سينيٽ چيئرمين

جنيوا 13 آڪٽوبر (اي پي پي) سينيٽ چيئرمين ۽ ايشيائي پارلياماني اسيمبلي جي صدر سيد نيئر حسين بخاري ايشيائي پارليامينٽ کي مڪمل طور تي بااختيار ۽ فعال بڻائڻ جي لاءِ مضبوط ۽ گڏيل مفادن تي ٻڌل حصيداري تي زور ڀريندي چيو آهي ته ان فورم وسيلي ايشيا ۾ گڏيل تعاون ۽ پائيدار ترقي لاءِ وڌيڪ موقعا پيدا ڪري سگهجن ٿا.

 

قومي اسيمبلي جي اسپيڪر پاران پي ٽي آءِ جي جلسي ۾ فوت ٿيندڙ 7 ڄڻن جي گهرڀاتين سان تعزيت جو اظهار

اسلام آباد 13 آڪٽوبر (اي پي پي) قومي اسيمبلي جي اسپيڪر سردار اياز صادق ملتان ۾ پي ٽي آءِ جي جلسي ۾ فوت ٿيندڙ 7 ماڻهن جي گهرڀاتين سان دلي تعزيت ۽ همدردي جو اظهار ڪيو آهي. ڪالهه سومر ڏينهن پارليامينٽ هائوس ۾ پريس ڪانفرنس کانپوءِ هن ملتان جلسي ۾ فوت ٿيندڙ 7 قيمتي ماڻهن جي جانين جي ضايع ٿيڻ تي انتهائي افسوسناڪ ڳالهه آهي.

 

 
> PDF Print E-mail

صدر سان چيف آف نيول اسٽاف ايڊمرل جي ملاقات

اسلام آباد 10 آڪٽوبر (اي پي پي) صدر ممنون حسين سان ڪالهه جمعي ڏينهن چيف آف نيول اسٽاف ايڊمرل محمد  ذڪاءُ الله (هلال امتياز) ملٽري ايوان صدر ۾ ملاقات ڪئي. صدر بحريه جي سربراهه کي نئين ذميوارين سنڀالڻ تي مبارڪباد ڏني ۽ اميد ظاهر ڪئي ته پاڪستان جي بحريه سندس قائداڻي صلاحيتن مان ڀرپور فائدو حاصل ڪندي.

 

فوج بهادري سان وڙهي ۽ سڄي اتر وزيرستان کي دهشتگردن کان پاڪ ڪيو: وزيراعظم

اسلام آباد 10 آڪٽوبر (اي پي پي) وزيراعظم محمد نواز شريف آپريشن “ضرب عضب” کي ڪاميابي سان انجام ڏيڻ ۽ علائقي کي دهشتگردن کان پاڪ ڪرڻ تي پاڪ فوج کي خراج تحسين پيش ڪيو آهي. ڪالهه جمعي ڏينهن وزيراعظم هائوس ۾ قومي سلامتي ڪميٽي جي اجلاس جي صدارت ڪندي هن اجلاس ۾ شرڪت ڪندڙن سان هڪ ڏينهن اڳ ميران شاهه جي دوري جو ذڪر ڪيو جنهن کي ڪامياب ضرب عضب آپريشن کانپوءِ دهشتگردن کان ڪليئر ڪيو ويو آهي. وزيراعظم پنهنجي شروعاتي لفظن ۾ چيو ته اجلاس جي ٻه نقاطي ايجنڊا ۾ لائين آف ڪنٽرول تي ڇڪتاڻ ۽ آپريشن ضرب عضب بابت بريفنگ شامل آهي.

 

وزيراعظم پاران ملاله يوسف زئي کي امن جو نوبل انعام ملڻ تي مبارڪون

اسلام آباد 10 آڪٽوبر (اي پي پي) وزيراعظم محمد نواز شريف ملاله يوسف زئي کي امن جو نوبل انعام ملڻ تي دلي مبارڪباد ڏني آهي.

 

ڀارت جي ٿاڻيداري ۽ ڪنهن به قسم جي اجاره داري قبول نه آهي: چوڌري نثار

اسلام آباد 10 آڪٽوبر (اي پي پي) وفاقي گهرو وزير چوڌري نثار علي خان چيو آهي ته ڀارت جي ٿاڻيداري ۽ ڪنهن به قسم جي اجاره داري قبول نه آهي، امن تي يقين رکون ٿا پر ڪنهن به قسم جي خطري ۽ دراندازي جو مقابلو ڪرڻ جي ڀرپور صلاحيت رکون ٿا ۽ ان جو پوري طاقت سان جواب ڏنو ويندو. هو ڪالهه جمعي ڏينهن هتي وزيراعظم هائوس ۾ قومي سلامتي ڪميٽي جي اجلاس کانپوءِ صحافين کي بريفنگ ڏئي رهيو هو. ان موقعي تي اطلاعات، نشريات ۽ قومي ورثي جو وفاقي وزير سينيٽر پرويز رشيد پڻ موجود هو. گهرو وزير چيو ته قومي سلامتي ڪميٽي جي اجلاس ۾ لائين آف ڪنٽرول ۽ ورڪنگ بائونڊري تي ڀارت جي اشتعال انگيز گولاباري ۽ فاٽا ۾ ملٽري آپريشنز بحث هيٺ آيا ۽ وڌيڪ ڌيان ايل او سي ۽ ورڪنگ بائونڊري تي ڀارتي گولاباري تي رهيو. هن چيو ته پاڪستان اڳ ۾ به ۽ اڄ به امن ۽ ڳالهين کي ملڪن جي وچ ۾ لاڳاپن جو اصل رستو سمجهي ٿو. پاڪستاني حڪومت گذريل عرصي دوران ان سلسلي ۾ ڪيترائي اهم قدم کنيا.

 

صدر پاران ملالا يوسفزئي کي امن جو نوبل انعام حاصل ڪرڻ تي مبارڪون

اسلام آباد 10 آڪٽوبر (اي پي پي) صدر ممنون حسين ملالا يوسفزئي کي امن جو نوبل انعام حاصل ڪرڻ تي مبارڪباد ڏيندي ڇوڪرين جي تعليم جي مقصد لاءِ سندس جدوجهد کي ساراهيو آهي. ڪالهه جمعي ڏينهن پنهنجي مبارڪباد واري پيغام ۾ صدر چيو ته هي ايوارڊ پاڪستان جي لاءِ هڪ اعزاز آهي، هن چيو ته امن جو نوبل انعام ملالا يوسفزئي جي بهادري ۽ تعليم حاصل ڪرڻ جي پنهنجي حق لاءِ عزم کي خراج تحسين آهي. اي پي پي/ع – ک/ر – م 17:13

 

پرويز رشيد پاران ملالا يوسفزئي کي امن جو نوبل انعام حاصل ڪرڻ تي مبارڪون

اسلام آباد 10 آڪٽوبر (اي پي پي) اطلاعات ۽ نشريات جي وفاقي وزير سينيٽر پرويز رشيد ملالا يوسفزئي کي امن جو نوبل انعام حاصل ڪرڻ تي مبارڪباد ڏني آهي.

 

پاڪستان پاران ڀارت جي لائين آف ڪنٽرول تي سيزفائر جي خلاف ورزي ڪرڻ تي افسوس جو اظهار

اسلام آباد 10 آڪٽوبر (اي پي پي) قومي سلامتي ڪميٽي ڪنهن به جارحيت جي خلاف ملڪ جي تحفظ ۽ علائقائي سلامتي جي دفاع لاءِ هٿياربند فوج جي صلاحيت تي ڀرپور اعتماد جو اطهار ڪندي چيو آهي ته پاڪستان ۽ ڀارت هڪ ٻئي جي صلاحيتن کان آگاهه آهن جنگ ڪو آپشن نه آهي، ڇڪتاڻ کي فوري طور تي ختم ڪرڻ ٻنهي ملڪن جي قيادت جي گڏيل ذميواري آهي. قومي سلامتي ڪميٽي جو اجلاس ڪالهه جمعي ڏينهن هتي وزيراعظم محمد نواز شريف جي صدارت ۾ ٿيو جنهن ۾ گهرو معاملن ۽ اطلاعات وارن وزيرن، وزيراعظم جي قومي سلامتي بابت صلاحڪار، جوائنٽ چيفس آف اسٽاف ڪميٽي جي چيئرمين، پاڪستان آرمي، نيوي ۽ ايئرفورس جي سربراهن ۽ ٻين سينيئر سول ۽ عسڪري عملدارن شرڪت ڪئي، جاري پڌرنامي موجب اجلاس ۾ لائين آف ڪنٽرول ۽ ورڪنگ بائونڊري تي ڀارتي فورسز پاران اشتعال انگيز فائرنگ سبب پيدا ٿيل صورتحال تي غور ڪيو ويو، ڪميٽي ان ڳالهه تي گهري ڳڻتي جو اظهار ڪيو ته ڀارتي فوج پاران سيز فائر جي مسلسل خلاف ورزي اسان جي بي باڪ سپاهين سميت بيگناهه ماڻهن جي قيمتي جانين جو زيان ۽ زخمي ٿيڻ جو سبب بڻي آهي.

 

پاڪستان آئنده سال جي لاءِ دولت مشترڪه پارليماني اسيمبلي جي صدارت جي لاءِ چونڊجي ويو

اسلام آباد 10 آڪٽوبر (اي پي پي) پاڪستان کي آئنده سال جي لاءِ دولت مشترڪه پارليماني اسيمبلي جي صدارت جي لاءِ چونڊيو ويو آهي. قومي اسيمبلي سيڪريٽريٽ پاران جاري بيان ۾ چيو ويو آهي ته ڪيمرون ۾ منعقد 60 هين دولت مشترڪه ڪانفرنس جي پڄاڻي واري اجلاس جي دوران 53 ملڪن سان تعلق رکندڙ 200 پارليامينٽرين پاڪستان کي 61 هين اجلاس جي ميزباني جي لاءِ چونڊيو آهي.

 

 
> PDF Print E-mail

وزيراعظم پاران وفاقي ادارن کي خدمتن جي فراهمي کي بهتر بڻائڻ جي هدايت

اسلام آباد – 09 آڪٽوبر (اي پي پي) وزيراعظم محمد نواز شريف سمورن وفاقي ادارن کي هدايت ڪئي آهي ته خدمتن جي فراهمي کي بهتر بڻائڻ، بدعنواني جي خاتمي ۽ سرڪاري ادارن تي شهرين جو اعتماد ۽ رابطو وڌائڻ جي لاءِ شهرين جي راءِ جي نگراني جي پروگرام (سي ايف ڊبليو پي) تي عملدرآمد ڪيو وڃي. سي ايف ڊبليو پي هڪ جديد پروگرام آهي، جنهن تي سڀ کان پهرين پنجاب ۾ عملدرآمد شروع ڪيو ويو، هي هڪ فعال حڪمت عملي تي ٻڌل پروگرام آهي جنهن جو مقصد مختلف خدمتن جي فراهمي مان فائدو حاصل ڪندڙن جي وچ ۾ هڪ ٺوس رابطو قائم ڪرڻ آهي، خدمتن جي معيار بابت وفاقي ادارن کي آگاهه ڪيو ويندو، ڪابينا ڊويزن کي وفاقي ادارن جي اندر ان نظام تي عملدرآمد جي نگراني ڪرڻ ۽ وزيراعظم آفيس کي باقاعدگي سان ان حوالي سان اڳڀرائي کان آگاهه ڪرڻ جي هدايت ڪئي وئي آهي.

 

وزيراعظم پاران ڪامياب ضرب آپريشن تي پاڪ فوج کي خراج تحسين

ميران شاهه – 09 آڪٽوبر (اي پي پي) وزيراعظم محمد نواز شريف پاڪستان جي بهتر مستقبل ۽ ان کي هڪ محفوظ ۽ پرامن ملڪ بڻائڻ جي لاءِ دهشتگردي جي خلاف ڪامياب ضرب عضب آپريشن تي پاڪ فوج کي زبردست خراج تحسين پيش ڪيو آهي. هن ڪالهه خميس ڏينهن اتر وزيرستان ۾ جاري ضرب عضب آپريشن تي اڳڀرائي بابت بريفنگ ۾ شرڪت کانپوءِ آفيسرن ۽ جوانن کي خطاب ڪيو. پنهنجي خطاب ۾ وزيراعظم علائقي کي دهشتگردن کان پاڪ ڪرڻ جي لاءِ پاڪستان جي هٿياربند فوج جي ڪوششن کي ساراهيندي چيو ته هي هڪ مشڪل جنگ آهي جيئن ته دشمن سامهون اچي نه پر لڪي وار ڪري ٿو. هن چيو ته الله جي فضل ۽ عوام جي دعائن سان دهشتگردي جي خلاف جنگ کٽي رهيا آهيون.

 

حڪومت پاڪ فوج سان گڏجي اتر وزيرستان ۾ متاثر ٿيندڙ علائقن جي تعمير جو مرحلو جلد شروع ڪندي: وزيراعظم

بڪا خيل – 09 آڪٽوبر (اي پي پي) وزيراعظم محمد نواز شريف چيو آهي ته حڪومت پاڪ فوج سان گڏجي جاري آپريشن ضرب عضب جي نتيجي ۾ اتر وزيرستان ۾ متاثر ٿيندڙ علائقن جي تعمير جو مرحلو جلد شروع ڪندي. ڪالهه خميس ڏينهن هتي لڏپلاڻ ڪندڙ ماڻهن (آءِ ڊي پيز) جي ڪيمپ ۾ متاثرين کي خطاب ڪندي وزيراعظم چيو ته لڏپلاڻ ڪندڙن پاڪستان جي لاءِ پنهنجو گهر ڇڏيو ۽ دهشتگردي جي خاتمي لاءِ قرباني ڏني. هن چيو ته حڪومت متاثرين جي باعزت گهرن ڏانهن واپسي تائين انهن جي سارسنڀال ڪندي رهندي ۽ متاثر علائقن جي نوجوانن کي هنر سيکاري پنهنجي پيرن تي بيهارينداسين.

 

 

 
More...
<< Start < Prev 1 2 3 4 5 6 7 8 9 10 Next > End >>

Results 10 - 18 of 7416

     

Budget 2014-2015
Federal Budget
Highlights 2014-2015
Punjab Budget
Sindh Budget
KPK Budget
Balochistan Budget
A.J.K Budget
Gilgit Baltistan Budget
Elections 2013
Elections 2013 News
Code of Conduct
Code of Conduct
Manifestos of Parties
Manifestos of Political Parties
Independence Day News
Independence Day News
Economic Survey
Economic Survey 2013-2014
Presidential address to the joint sitting of parliament
Presidential address to the joint sitting of parliament
Parlimentary Proceedings
National Assembly
Senate