|
صدر آصف علي
زرداري سمنڊ پار پاڪستانين کي ووٽ جي سهولت ڏيڻ جي لاءِ چونڊ قانون (ترميمي)
آرڊيننس 2013ع تي صحيحون ڪري ڇڏيون
اسلام
آباد - 09 مئي (اي پي پي) صدر آصف علي زرداري سمنڊ پار پاڪستانين کي ٻاهرئين ملڪ
مان ووٽ وجهڻ جي سهولت ڏيڻ جي لاءِ وزيراعظم جي ايڊوائيس تي چونڊ قانون (ترميمي)
آرڊيننس 2013ع جي منظوري ڏيندي ان تي صحيحون ڪري ڇڏيون آهن. صدر جي ترجمان سينيٽر
فرحت الله بابر ٻڌايو ته هن آرڊيننس ۾ چيو ويو آهي ته اليڪشن ڪميشن آف پاڪستان
ٻاهرئين ملڪ پولنگ کان گهٽ ۾ گهٽ 14 ڏينهن اڳ سفارتخاني مشن يا قونصليٽ ۾ پولنگ
اسٽيشنز ۽ جيترو ضروري هجي اوترا پولنگ بوٿ قائم ڪندي. شرط اهو آهي ته پرڏيهي
وزارت پولنگ اسٽيشن قائم ڪرڻ جي لاءِ ميزبان ملڪ کان اجازت حاصل ڪئي هجي. آرڊيننس
۾ وڌيڪ چيو ويو آهي ته ٻاهرئين ملڪ پولنگ جي لاءِ مقرر ڏينهن کان 10 ڏينهن اڳ ان
سفارتخاني مشن يا قونصليٽ ۾ ووٽ ڏيندڙ جي حيثيت سان پنهنجي داخلا ڪرائيندا جتي هو
ووٽ وجهڻ جا خواهشمند هجن.
|
|
|
صدر آصف علي
زرداري کي الطاف حسين جي ٽيليفون، اڳوڻي وزيراعظم سيد يوسف رضا گيلاني جي فرزند
علي حيدر گيلاني جي اغوا تي ڳڻتي جو اظهار
ڪراچي
- 09 مئي (اي پي پي) صدر آصف علي زرداري کي ايم ڪيو ايم جي اڳواڻ الطاف حسين
ٽيليفون ڪئي ۽ اڳوڻي وزيراعظم سيد يوسف رضا گيلاني جي فرزند ۽ ملتان جي پي پي 200
تان اميدوار علي حيدر گيلاني جي اغوا تي ڳڻتي جو اظهار ڪيو. الطاف حسين ان واقعي
جي پرزور مذمت ڪندي لاڳاپيل ادارن تي زور ڏنو ته علي حيدر گيلاني جي باحفاظت
بازيابي کي يقيني بڻايو وڃي. ايم ڪيو ايم جي سربراهه ان ڳالهه تي به ڳڻتي جو اظهار
ڪيو ته جمهوري پارٽين طرفان کين برابر
موقعا فراهم نه ڪرڻ جي باري ۾ ڳڻتي جي اظهار تي ڌيان نه ڏنو ويو.
صدر آصف علي
زرداري پاران اڳوڻي وزيراعظم سيد يوسف رضا گيلاني کي فون، پٽ جي اغوا تي ڳڻتي
ظاهر، حڪومتي ايجنسين کي علي حيدر گيلاني جي باحفاظت بازيابي لاءِ فوري قدم کڻڻ جي
هدايت
اسلام آباد - 09 مئي (اي پي پي) صدر آصف علي زرداري اڳوڻي وزيراعظم ۽
پاڪستان پيپلزپارٽي جي مرڪزي اڳواڻ يوسف رضا گيلاني جي پٽ ۽ ملتان ۾ پي پي 200 تان
پيپلزپارٽي جي اميدوار علي حيدر گيلاني جي اغوا تي وڏي ڳڻتي جو اظهار ڪندي ان جي
پرزور مذمت ڪئي آهي. صدر جنهن يوسف رضا گيلاني کي فون ڪئي تنهن علي حيدر گيلاني جي
اغوا کي دشمنن جي بزدلاڻي ۽ انتهائي ڪڌي ڪارروائي قرار ڏنو. صدارتي ترجمان فرحت
الله بابر موجب صدر لاڳاپيل حڪومتي ايجنسين تي زور ڏنو آهي ته علي حيدر گيلاني جي
باحفاظت سان بازيابي لاءِ فوري قدم کنيا وڃن ۽ ڏوهاري کي انصاف جي ڪٽهڙي ۾ آندو
وڃي.
|
|
|
وزيراعظم پاران
چونڊ واري ڏينهن سيڪيورٽي خدشا رد، امن قائم ڪرڻ جي لاءِ سڄي ملڪ ۾ فوج، رينجرز ۽
قانون لاڳو ڪندڙ ادارا ۽ ر ضاڪار مقرر ڪيا ويا آهن: مير هزار خان کوسو
اسلام آباد - 09 مئي (اي پي پي) وزيراعظم مير هزار خان کوسو چونڊ واري ڏينهن
سيڪيورٽي خدشن کي رد ڪندي چيو آهي ته امن قائم ڪرڻ جي لاءِ سڄي ملڪ ۾ فوج، رينجرز
۽ قانون لاڳو ڪندڙ ادارا ۽ ر ضاڪار مقرر ڪيا ويا آهن. هو خميس ڏينهن وزيراعظم
هائوس ۾ يورپي يونين جي چيف چونڊ مبصر مائيڪل گيهلر جي سربراهي ۾ ملاقات ڪندڙ
يورپي يونين جي 5 رڪني وفد سان ڳالهائي رهيو هو. وزيراعظم وفد کي خاطري ڪرائي ته
ملڪ ۾ شفاف، پرامن، آزاداڻيون ۽ ڀروسي جوڳيون چونڊون ڪرائڻ لاءِ هر ممڪن انتظام
ڪيا ويا آهن. وزيراعظم وفد کي پاڪستان جي سياسي تاريخ جي باري ۾ آگاهه ڪندي چيو ته
بدقسمتي سان پاڪستان ٺهڻ جي هڪ سال جي اندر باباءِ قوم لاڏاڻو ڪري ويو. پهرين
وزيراعظم لياقت علي خان جو قتل نئين وجود ۾ آيل ملڪ جي لاءِ هڪ ٻيو وڏو ڌچڪو هو.
هن چيو ته بدقسمتي سان ملڪ ۾ اهڙيون حالتون ٿيون جيڪي پاڪستان جي جمهوري نظام لاءِ
نقصانڪار هيون. وزيراعظم چيو ته نگران حڪومت نه رڳو ڀروسي جوڳيون چونڊون ڪرائڻ پر
جمهوري چونڊيل حڪومت کي اقتدار جي منتقلي يقيني بڻائڻ وسيلي هڪ تاريخ لکي رهي آهي.
هن وفد کي ٻڌايو ته اليڪشن ڪميشن جو سربراهه اعليٰ عدالتن جو هڪ مشهور رٽائرڊ جج
آهي، جنهن جي مقرري اتفاق راءِ سان ٿي آهي. نگران حڪومت اليڪشن ڪميشن کي هر ممڪن
مدد فراهم ڪئي آهي، جنهن جي نگراني ۾ چونڊون ٿي رهيون آهن.
وزيراعظم پاران
چونڊ فهرستن جي تياري جي سلسلي ۾ نادرا جي ڪوششن تي اطمينان جو اظهار
اسلام آباد - 09 مئي (اي پي پي) وزيراعظم جسٽس (ر) مير هزار خان کوسو چونڊ
فهرستن جي تياري جي سلسلي ۾ نيشنل ڊيٽابيس اينڊ رجسٽريشن اٿارٽي (نادرا) جي ڪوششن
تي اطمينان جو اظهار ڪيو آهي، جنهن سان
ايندڙ چونڊن جي شفافيت يقيني ٿيندي. وزيراعظم اهڙن خيالن جو اظهار ڪالهه خميس
ڏينهن وزيراعظم هائوس ۾ چونڊ فهرستن جي تياري ۾ نادرا جي ڪردار جي حوالي سان
بريفنگ دوران ڪيو. نادرا چيئرمين طارق ملڪ چونڊ فهرستن جي تياري جي سلسلي ۾ اٿارٽي
جي ڪوششن جي حوالي سان تفصيلن کان آگاهه ڪيو ۽ اجلاس کي ٻڌايو ته نادرا اليڪشن
ڪميشن جو اهم سهارو بڻجي ويو آهي ۽ 2007ع جي چونڊ فهرستن جي حوالي سان هن موثر
ڪردار ادا ڪيو ۽ 3 ڪروڙ 70 لک غيرتصديق ٿيل ووٽرن کي فهرست مان ڪڍيو. طارق ملڪ
وزيراعظم کي چونڊ فهرستن جي نمايان رخن ۽ دستياب جديد ٽيڪنالاجي جي استعمال جي
حوالي سان آگاهه ڪيو ۽ چونڊ فهرستن بابت قانون 1974ع جي شقن تحت انهن فهرستن جي
تياري ڪئي وئي. ملڪ جي تاريخ ۾ پهريون ڀيرو گهر گهر وڃي ووٽرن جي تصديق جو
طريقيڪار به اختيار ڪيو ويو ته جيئن ڪو به شهري ووٽ جي حق کان محروم نه رهي.
فهرستن جي تياري کانپوءِ ايس ايم ايس وسيلي ان جي اشتهاري مهم هلائي وئي.
|
|
|
وزيراعظم مير هزار
خان کوسو جي اڳوڻي وزيراعظم سيد يوسف رضا گيلاني کي ٽيليفون، سندس پٽ علي حيدر
گيلاني جي اغوا تي ڳڻتي جو اظهار
اسلام
آباد - 09 مئي (اي پي پي) وزيراعظم مير هزار خان کوسو اڳوڻي وزيراعظم سيد يوسف رضا
گيلاني کي ڪالهه خميس ڏينهن ٽيليفون ڪئي ۽ سندس پٽ علي حيدر گيلاني تي فائرنگ ۽
اغوا تي وڏي ڳڻتي جو اظهار ڪيو. وزيراعظم مير هزار خان کوسو سيد يوسف رضا گيلاني
کي خاطري ڪرائي ته هو صوبائي حڪومت سان مسلسل رابطي ۾ آهي ۽ علي حيدر گيلاني جي
جلد بازيابي لاءِ قانون لاڳو ڪندڙ ادارن کي جامع ڪوششن جي لاءِ هدايت ڪئي آهي.
پاڪستان ووٽ جي
طاقت سان بڻيو هو ۽ ان جي ترقي، خوشحالي ۽ استحڪام به ووٽ سان لاڳاپيل آهي، عوام
11 مئي تي پنهنجي گهرن مان نڪري ۽ ووٽ جو حق استعمال ڪري: وفاقي وزير عارف نظامي
اسلام آباد - 09 مئي (اي پي پي) اطلاعات ۽ نشريات جي نگران وفاقي وزير عارف
نظامي چيو آهي ته پاڪستان ووٽ جي طاقت سان بڻيو هو ۽ ان جي ترقي، خوشحالي ۽
استحڪام به ووٽ سان لاڳاپيل آهي، عوام 11 مئي تي پنهنجي گهرن مان نڪري ۽ ووٽ جو حق
استعمال ڪري. ڪالهه خميس ڏينهن اي پي پي سان ڳالهائيندي اطلاعات واري وزير چيو ته
ڪجهه عنصر چونڊن جي التوا جون افواهون پکيڙيندا رهيا ۽ الله جي مهرباني سان هاڻي
اهڙي قسم جي منفي پروپئگنڊه دم ٽوڙي چڪي آهي. نگران حڪومتن آزاداڻيون، منصفاڻيون ۽
شفاف چونڊون منعقد ڪرائڻ لاءِ ڀرپور
ڪوششون ڪيون جن جا ثمر 11 مئي تي سامهون ايندا. هڪ سوال جي جواب ۾ هن چيو ته اها
ڳالهه مذمت جوڳي آهي ته قائداعظم ۽ علامه اقبال جي ملڪ ۾ ڪجهه غيررياستي عنصر
پنهنجو نظام مڙهڻ چاهين ٿا پر انهن غيررياستي عنصرن جي چونڊ عمل کي سبوتاز ڪرڻ جي
ڪوششن کي ناڪام بڻائڻ تي نگران حڪومت کي ڪريڊٽ ڏيڻ گهرجي.
|
|
|
وزيراعظم مير هزار
خان کوسو جيڪب آباد ۾ هڪ يادگار جي تعمير لاءِ خاڪي ۽ جاءِ جي اصولي منظوري ڏئي
ڇڏي
اسلام آباد – 08 مئي (اي پي پي) وزيراعظم مير هزار خان
کوسو جيڪب آباد ۾ هڪ يادگار جي تعمير لاءِ خاڪي ۽ جاءِ جي اصولي منظوري ڏئي ڇڏي
آهي، هن اها منظوري اربع ڏينهن وزيراعظم هائوس ۾ نيشنل ڪاليج آف آرٽس جي پرنسپل
ڊاڪٽر شبنم خان ۽ ڊائريڪٽر ڊاڪٽر نديم عمر تارڙ تي ٻڌل ماهرن پاران بريفنگ کانپوءِ
ڏني، هي يادگار جيڪب آباد سان تعلق رکندڙ انهن چئن شهيدن جي ياد ۾ تعمير ڪئي ويندي
جن آزادي جي جدوجهد جي دوران جانين جو نذرانو ڏنو، ان يادگار جي اوچائي 30 فوٽ
هوندي ۽ ان جا خرچ وفاقي حڪومت برداشت ڪندي.
پاڪستان ۽ اومان
جي وچ ۾ ويجها، گهرا ۽ تاريخي لاڳاپا آهن جيڪي گڏيل عقيدي، ثقافت ۽ روايتن تي ٻڌل
آهن: وزيراعظم
اسلام آباد – 08 مئي (اي پي پي) وزيراعظم مير هزار خان
کوسو چيو آهي ته پاڪستان ۽ اومان جي وچ ۾ ويجها، گهرا ۽ تاريخي لاڳاپا آهن جيڪي
گڏيل عقيدي، ثقافت ۽ روايتن تي ٻڌل آهن، هو ڪالهه اربع ڏينهن وزيراعظم هائوس ۾
اومان ۾ پاڪستاني سفير نوابزاده امين الله خان رئيساڻي سان ڳالهائي رهيو هو،
وزيراعظم سفير کي هدايت ڪئي ته هو اومان ۾ رهندڙ پاڪستانين سان رابطا رکي ۽ کين
سهولتون ڏي، هن ان يقين جو اظهار ڪيو ته اومان ۾ پاڪستاني سفارتخانو ٻنهي ملڪن جي
وچ ۾ واپاري لاڳاپا وڌائڻ لاءِ ڪوششون جاري رکندو
|
|
|
|
<< Start < Prev 1 2 3 4 5 6 7 8 9 10 Next > End >>
|
| Results 10 - 18 of 6874 |
