Home
 

Today is,

Wednesday, 03 September 2014

 

Home | About Us | News | User Login | Jobs | Contact Us | Tender Notices
Untitled Document
Main Menu
Home
News
Blog
Links
Search
Contacts
Seniority List
News Section
National
World
Sport
Business
Forex
Weather
Articles & Features
Sport News
SOA School Games
LAHORE, Sep 2 (APP)- Sindh Olympic Association (SOA) is organising the SOA School Games from October 13 to 16.
 
Lodhi off to Tehran for ECO Chess Cup
KARACHI, Sep 2 (APP): International Master Mahmood Lodhi left here on Tuesday to take part in ECO Cup Chess being held in Iranian capital Tehran from Sept 3 to 12.
 
Aisam to donate wheelchairs to Iraq
ISLAMABAD, Sep 2 (APP): Pakistan Tennis ace Aisam Qureshi will be donating wheelchairs to Iraq with an aim of his foundation which is to ‘Stop War, Start Tennis’ saying it is his desire that wheelchair tennis would give a ray hope to those people who have been disabled during war.
 
Youth Olympics was grand experience for Pakistan juniors: Razi
KARACHI, Sep 1 (APP): Participation in second Youth Olympics held in Chinese city of Nanjing was a grand exposure and experience for Pakistan juniors, Chef de Mission Raza Ahmed Khan said on Monday.
 
Inconsistent performance has led to loss: Miandad
ISLAMABAD, Sep 1 (APP): Legendary Batsman Javed Miandad feels the inconsistent performance of the green-shirts led to loss in the Test and ODI series against Sri Lanka.
 
Archive
Latest News
Govt accepted all constitutional demands of PTI, PAT: Saad - Pak-Malaysia meeting on defence cooperation commences - Rehman Malik optimist about end of political turmoil - A few thousand people cannot derail democracy: Women parliamentarian... - State institutions should not be dragged in politics: Abid Sher - SCBA urges politicians not to involve courts in political affairs
Sindhi News
> PDF Print E-mail

وزيراعظم پاران 2013ع جي چونڊن ۾ ڌانڌلي جي الزامن جي جاچ لاءِ سپريم ڪورٽ جي ٽن ججن تي ٻڌل ڪميشن قائم ڪرڻ جو اعلان

اسلام آباد 12 آگسٽ (اي پي پي) وزيراعظم محمد نواز شريف 2013ع جي چونڊن ۾ ڌانڌلي جي الزامن جي جاچ لاءِ سپريم ڪورٽ جي ٽن ججن تي ٻڌل ڪميشن قائم ڪرڻ جو اعلان ڪندي چيو آهي ته پارليامينٽ جي موجودگي ۾ فيصلا ٻاهر نه ٿا ڪري سگهجن، ريڊيو ۽ ٽيليويزن تي قوم کي خطاب ۾ وزيراعظم چيو ته آئون پاڪستان جي آزادي جي ڏهاڙي جي موقعي تي قوم کي دل جي گهراين سان اڳواٽ مبارڪباد ڏيان ٿو، آزادي جي تقريبن جي شروعات پهرين آگسٽ کان ٿي چڪي آهي، هن سال آزادي جي تقريبن ۾ آپريشن ضرب عضب سان يڪجهتي ۽ وزيرستان مان بي گهر ٿيندڙ ماڻهن کي هر ممڪن مدد جو عهد ڪرڻ جا خصوصي حوالا آهن. هن چيو ته آزادي جي هڪ اهم گهرج اها به آهي ته ملڪ سياسي استحڪام ۽ پرسڪون ماحول ۾ تعمير ۽ ترقي جي روشن منزلن طرف وڌندو رهي، بدقسمتي سان اسان جو ماضي اهڙي طرح جي عدم استحڪام ۽ سياسي انتشار جو شڪار رهيو جنهن جي اسان وڏي قيمت ادا ڪري چڪا آهيون، اسان جون هم عمر قومون اسان کان ڪيتريون وڌيڪ طاقتور، ترقي يافته ۽ خوشحال ٿي ويون آهن، حڪومت فيصلو ڪيو آهي ته 2013ع جي چونڊن جي باري ۾ هنيل الزامن جي آزاداڻي ۽ شفاف جاچ جي لاءِ سپريم ڪورٽ آف پاڪستان جي هڪ ڪميشن قائم ڪئي وڃي، ان مقصد جي لاءِ حڪومت سپريم ڪورٽ جي چيف جسٽس کي هڪ درخواست ڪري ٿي ته هو سپريم ڪورٽ جي ٽن ججن تي ٻڌل هڪ ڪميشن جوڙي جيڪا الزامن جي مڪمل ڇنڊڇاڻ کانپوءِ پنهنجي حتمي راءِ ڏي ۽ مون کي يقين آهي ته ان قدم کانپوءِ هاڻي ڪنهن به احتجاج جي هاڻي ڪا گنجائش نه ٿي رهي، آئون قوم کي هڪ ڀيرو ٻيهر آزادي جي اڳواٽ مبارڪباد ڏيان ٿو.

 

قومي يڪجهتي ۽ معاشري ۾ رواداري کي فروغ ڏئي: صدر

اسلام آباد 12 آگسٽ (اي پي پي) صدر ممنون حسين قومي يڪجهتي ۽ معاشري ۾ رواداري کي فروغ ڏئي پاڪستان کي امن جو گهوارو بڻائڻ جي سخت ضرورت تي زور ڏيندي چيو آهي ته رڳو اتحاد، تنظيم ۽ يقين محڪم جي قوت سان اسان هر مشڪل تي ضابطو ۽ چئلينج جو مقابلو ڪري سگهون ٿا ۽ ملڪ کي قائداعظم جي امنگن موجب آڻي سگهون ٿا، 68 هين آزادي جي ڏهاڙي جي مناسبت سان پاڪستان ٽيليويزن جي خصوصي شو سلام پاڪستان تقريب کي خطاب ڪندي صدر ان ڳالهه تي زور ڏنو ته اسان کي علائقائي، صوبائي، مذهبي، لساني، نسلي ۽ ٻين اهڙن حوالن کان مٿانهون ٿي هڪ متحد قوم جي صورت دنيا ۾ پاڪستان جي ساک کي بحال رکڻ آهي.

 
> PDF Print E-mail

قومي اسيمبلي پاران جمهوريت جي بالادستي لاءِ ڀرپور ڪردار ادا ڪرڻ جي قرارداد متقفه طور تي منظور

اسلام آباد 12 آگسٽ (اي پي پي) قومي اسيمبلي جمهوريت جي بالادستي لاءِ ڀرپور ڪردار ادا ڪرڻ جي قرارداد متقفه طور تي منظور ڪري ورتي آهي، جنهن ۾ چيو ويو آهي ته پاڪستان جي بقا، ترقي، سلامتي صرف ۽ صرف جمهوريت سان ٻڌل آهي. ڪالهه اڱاري ڏينهن احسن اقبال ايوان مان اجازت ملڻ تي قرارداد پيش ڪئي ته هي ايوان 68هين آزادي جي  ڏهاڙي جي موقعي تي قوم کي مبارڪباد پيش ڪري ٿو، قرارداد ۾ چيو ويو آهي ته پاڪستان جي بقاءُ، ترقي، سلامتي صرف ۽ صرف جمهوريت سان ٻڌل آهي، اسان وچن ڪريون ٿا ته جمهوريت پارليامينٽ جي بالادستي لاءِ ڀرپور ڪردار ادا ڪندا رهنداسين، ايوان قرارداد جي متقفه طور تي منظوري ڏئي ڇڏي

 

آئون جمهوريت لاءِ وزيراعظم سان گڏ آهيان: محمود خان اچڪزئي

اسلام آباد 12 آگسٽ (اي پي پي) پختونخواهه ملي عوامي پارٽي جي سربراهه محمود خان اچڪزئي چيو آهي ته جيڪو به آئين، پارليامينٽ جي بالادستي ۽ جمهوريت کي نقصان پهچائيندو ان خلاف بغاوت جائز آهي، نواز شريف پنهنجي تجربي سان هي نتيجو ڪڍيو آهي ته ملڪ ۾ قانون جي حڪمراني هجي، پارليامينٽ جي بالادستي هجي جيڪڏهن پورو ملڪ به کيس ڇڏي ڏي آئون جمهوريت لاءِ ساڻس سان گڏ آهيان، 14 آگسٽ تي بلوچستان ۾ جمهوريت جي حق ۾ وڏو اجتماع منقعد ڪنداسين.

 

پارليامينٽ جا ميمبر 14 آگسٽ تي شهيد پاڪ فوج، رينجرز ۽ پوليس جي جوانن کي خراج عقيدت پيش ڪرڻ جي لاءِ انهن جي گهر وڃن: اسپيڪر

اسلام آباد 12 آگسٽ (اي پي پي) قومي اسيمبلي جي اسپيڪر سردار اياز صادق پارليامينٽ جي ميمبرن کي چيو آهي ته هو 14 آگسٽ تي گذريل ٽن سالن ۾ دهشتگردي جي خلاف وڙهندي شهيد ٿيندڙ پاڪ فوج، رينجرز ۽ پوليس جي جوانن کي خراج عقيدت پيش ڪرڻ جي لاءِ انهن جي گهرن ۾ وڃي ڪري اظهار يڪجهتي ڪئي وڃي.

 

عمران خان ۽ طاهرالقادري جو مقصد آئين ۽ جمهوريت جي خلاف آهي : ماروي ميمڻ

اسلام آباد 12 آگسٽ (اي پي پي) مسلم ليگ (ن) جي ميمبر ماروي ميمڻ چيو آهي ته تحريڪ انصاف جيتريون به ڪوششون ڪري هو پنهنجو پاڻ کي طاهرالقادري جي ايجنڊا کان جدا نه ٿي ڪري سگهي، هڪ طرف دهشتگردي خلاف جنگ آهي ته ٻئي خلاف آئين ۽ جمهوريت جي خلاف جنگ ٿي رهي آهي. اڱاري ڏينهن قومي اسيمبلي ۾ موجوده سياسي صورتحال تي بحث ۾ حصو وٺندي ماروي ميمڻ چيو ته آءِ ڊي پيز کي 85 سيڪڙو کان وڌيڪ جي رقم جي ادائيگي ڪئي وئي آهي، هن چيو ته هڪ طرف دهشتگردي خلاف جنگ جڏهن ته ٻئي طرف آئيني ۽ جمهوريت جي خلاف جنگ جاري آهي. پي ٽي آءِ پاڻ کي قادري کان جيترو مرضي جدا ڪرڻ جي ڪوشش ڪري هاڻي ممڪن نه آهي، ٻنهي جو مقصد آئين ۽ جمهوريت جي ابتڙ آهي

 

اسان سڀني کي گڏ وٺي هلڻ چاهيون ٿا: شيخ آفتاب احمد

اسلام آباد 12 آگسٽ (اي پي پي) پارلياماني معاملن واري مملڪتي وزير شيخ آفتاب احمد چيو آهي ته اسان سڀني کي گڏ وٺي هلڻ چاهيون ٿا، عمران خان کي دعوت ڏيون ٿا ته ايوان جي اندر آئين ۽ جمهوريت جي سربلندي جي لاءِ اسان سان گڏجي ڪم ڪن ۽ پارليامينٽ ۾ ئي سڀني مسئلن کي حل ڪيو وڃي. ڪينيڊا جي شهري جي دل ۾ پاڪستاني قوم جو ايترو ئي ڏک آهي ته هو ڪينيڊين شهريت ڇڏي ڏي.

 

سموريون سياسي پارٽيون آئين ۽ قانون ۽ پارليامينٽ جي بالادستي تي متفق آهن: شيخ آفتاب احمد

اسلام آباد 12 آگسٽ (اي پي پي) پارلياماني معاملن جي مملڪتي وزير شيخ آفتاب احمد چيو آهي ته سموريون سياسي پارٽيون آئين ۽ قانون ۽ پارليامينٽ جي بالادستي ۽ عدليه جي آزادي تي متفق آهن، اسلام آباد ۾ آرٽيڪل 245 عمران خان جو لانگ مارچ روڪڻ لاءِ لاڳو ناهي ڪيو ويو، اسان جي فوج دهشتگردن جو مقابلو ڪري رهي آهي ۽ اسان پنهنجي ملڪ اندر مشڪلاتون پيدا ڪري رهيا آهيون.

 

حڪومت ڪنهن کي پاڪستان کي عراق ۽ شام بڻائڻ جي اجازت نه ٿي ڏئي سگهي: احسن اقبال

اسلام آباد 12 آگسٽ (اي پي پي) منصوبابندي، ترقي ۽ سڌارن واري وفاقي وزير احسن اقبال چيو آهي ته حڪومت ڪنهن کي اجازت نه ٿي ڏئي سگهي ته هو پاڪستان کي عراق ۽ شام بڻائي، موجوده صورتحال ۾ اسٽاڪ مارڪيٽ ڪريش ٿيڻ سان 3 ارب ڊالر جو نقصان ٿي چڪو آهي، عمران خان ۽ طاهرالقادري جو لانگ مارچ آئين جي خاتمي لاءِ آهي. هو اڱاري ڏينهن هتي پارليامينٽ هائوس ۾ پريس ڪانفرنس کي خطاب ڪري رهيو هو.

 

پاڪستان تحريڪ انصاف 14 آگسٽ تي سياسي خودڪشي ڪرڻ وڃي رهي آهي: مشاهد الله خان

اسلام آباد 12 آگسٽ (اي پي پي) پاڪستان مسلم ليگ (ن) جي اطلاعات واري سيڪريٽري سينيٽر مشاهد الله خان چيو آهي ته پاڪستان تحريڪ انصاف 14 آگسٽ تي سياسي خودڪشي ڪرڻ وڃي رهي آهي، عمران خان دنيا جو واحد سياستدان آهي جيڪو چوي ٿو ته ڳالهيون نه ٿيون ٿي سگهن، آزادي جي ڏهاڙي تي صرف پاڪستان جو جهنڊو ڦڙڪائڻ گهرجي، ڪنهن پارٽي جو جهنڊو ڦڙڪائيندڙ انتشار پکيڙيندڙ تصور ڪيا ويندا. هو اڱاري ڏينهن پارليامينٽ هائوس ٻاهران صحافين سان ڳالهائي رهيو هو. هن چيو ته پاڪستان خلاف سازشون ٿينديون رهيون آهن ۽ ڪجهه ماڻهن کي پاڪستان جي ترقي پسند نه آهي، ان لاءِ هو غيرملڪن جي ايجنڊا کڻي ملڪ جي امن ۽ سڪون کي برباد ڪرڻ اچي ويندا آهن.

 

 
> PDF Print E-mail

صدر پاران ريڊيو پاڪستان جي نئين ايف ايم چينل جو افتتاح

اسلام آباد 11 آگسٽ (اي پي پي) صدر ممنون حسين ريڊيو پاڪستان جي نئين ايف ايم چينل ورثي لاءِ پنهنجي نيڪ خواهشن جو اظهار ڪندي چيو آهي ته نئون چينل پاڪستان جي ميڊيا جي صنعت ۾ هڪ ڀرپور اثاثو ثابت ٿيندو. ڪالهه سومر ڏينهن هتي ورثي چينل جي افتتاحي تقريب کي خطاب ڪندي هن چيو ته پاڪستان قائم ٿيڻ کانپوءِ هيستائين ريڊيو پاڪستان جي خدمتن کي ساراهيو ۽ ان اميد جو اظهار ڪيو ته ريڊيو پاڪستان پنهنجي قدرن موجب ورثي چينل کي پڻ ڪامياب بڻائيندو جيڪو پاڪستاني سڃاڻپ کي اجاگر ڪرڻ جي لاءِ اهم ڪردار ادا ڪندو.

 

جمهوريت ۽ ووٽ وسيلي اقتدار جي منتقلي ئي حقيقي انقلاب آهي: وزيراعظم

اسلام آباد 11 آگسٽ (اي پي پي) وزيراعظم محمد نواز شريف جمهوريت ۽ ووٽ وسيلي اقتدار جي منتقلي کي حقيقي انقلاب قرار ڏيندي چيو آهي ته ڪنهن کي ترقي جي ايجنڊا کي سبوتاز ڪرڻ جي اجازت نه ڏني ويندي، اهڙن خيالن جو اطهار هن ڪالهه هتي جناح ڪنوينشن سينٽر  ۾ ويزن 2025ع جاري ڪرڻ جي موقعي تي تقريب کي خطاب ڪندي ڪيو. تقريب کي وفاقي وزير سينيٽر اسحاق ڊار، منصوبابندي ۽ ترقي جي وفاقي وزير احسن اقبال ۽ ٻين به خطاب ڪيو. وزيراعظم نواز شريف چيو ته پاڪستاني معيشت ۾ گذريل هڪ سال ۾ نمايان بهتري آئي آهي ۽ دستور موجب اچي رهي آهي، ملڪ جي اندر اونداهي ۽  دهشتگردي جي خاتمي ۽ معاشي بهتري جي لاءِ ٺوس قدم کنيا ويندا. جيتوڻيڪ ان کي تيزي سان بدلڻ ممڪن نه آهي، تنهن هوندي به هڪ سال ۾ نمايان بهتري آئي آهي.

 

ڪجهه هزار ماڻهن کي 18 ڪروڙ عوام جي مينڊيٽ تي ڌاڙو هڻڻ نه ڏينداسين: پرويز رشيد

لاهور 11 آگسٽ (اي پي پي) اطلاعات ۽ نشريات جي وفاقي وزير سينيٽر پرويز رشيد ۽ منصوبابندي، ترقي ۽ سڌارن جي وفاقي وزير پروفيسر احسن اقبال چيو آهي  ته ڪجهه هزار ماڻهن کي 18 ڪروڙ عوام جي مينڊيٽ تي ڌاڙو هڻڻ نه ڏينداسين. گڏيل پريس ڪانفرنس کي خطاب ڪندي پرويز رشيد چيو ته تحريڪ انصاف پاران 11 مئي جي چونڊن ۾ شڪست کانپوءِ فيڪٽ فائنڊنگ ڪميٽي ٺاهي وئي، جنهن جي رپورٽ ۾ چيو ويو آهي ته تحريڪ انصاف چونڊن ۾ پنهنجي حڪمت عملي جي ڪري شڪست کاڌي ۽ هن پئسا وٺي ماڻهن کي ٽڪيٽ ڏنا، عمران خان ٻين تي الزام هڻڻ بدران آئيني ۾ پنهنجو پاڻ کي ڏسي ۽ شيشي جي گهر ۾ ويهي پٿر نه هڻي. پرويز رشيد چيو ته عمران خان لاهور، گوجرانوالا، شيخوپوره سميت جتي به ڌانڌلي جو ذڪر ڪري ٿو هو پنجاب ۾ ڪري ٿو پر نه ڄاڻي ڇو هو ٻين اسيمبلين کي ٽوڙڻ چاهي ٿو. هن چيو ته عمران خان انصاف جي ته وڏي ڳالهه ڪري ٿو پر گذريل ڏينهن هن انصاف جي ڪا به ڳالهه نه ڪئي، جڏهن طاهرالقادري ماڻهن کي قتل ڪرڻ جي پرمٽ جاري ڪري رهيو هو،

 

وزيراعظم پاران ايران ۾ جهاز جي حادثي ۾ قيمتي جانيون ضايع ٿيڻ تي ڏک جو اظهار

اسلام آباد 11 آگسٽ (اي پي پي) وزيراعظم محمد نواز شريف ايران ۾ جهاز جي حادثي ۾ قيمتي جانين جي زيان تي گهري ڏک ۽ افسوس جو اظهار ڪيو آهي. وزيراعظم ايراني صدر ڊاڪٽر حسن روحاني جي نالي تعزيتي پيغام ۾ پاڪستان جي حڪومت ۽ پنهنجي پاران 10 آگسٽ تي تهران ۾ جهاز جي افسوسناڪ حادثي تي دلي ڏک جو اظهار ڪيو.

 

صدر پاران رجب طيب اردوان کي صدارتي چونڊن ۾ ڪاميابي تي مبارڪون

اسلام آباد 11 آگسٽ (اي پي پي) صدر ممنون حسين رجب طيب اردوان کي صدارتي چونڊن ۾ شاندار ڪاميابي تي مبارڪباد تي پيش ڪئي آهي. ڪالهه سومر ڏينهن طيب اردوان جي نالي پنهنجي مبارڪباد واري پيغام ۾ صدر چيو ته سندس قيادت ۾ گذريل ڏهاڪي دوران ترڪيءَ ۾ تبديلي صدارتي چونڊن ۾ سندس شاندار ڪاميابي جي عڪاس آهي.

 

وزيراعظم پاران رجب طيب اردوان کي ترڪيءَ جو صدر چونڊجڻ تي مبارڪون

اسلام آباد 11 آگسٽ (اي پي پي) وزيراعظم محمد نواز شريف رجب طيب اردوان کي ترڪيءَ جو صدر چونڊجڻ تي مبارڪباد ڏني آهي، ملڪ جي 12 هين صدر جي حيثيت سان چونڊجڻ تي رجب طيب اردوان ۽ اي ڪي پارٽي جي ميمبرن جي نالي پنهنجي مبارڪباد واري پيغام ۾ هن چيو ته هن اعليٰ ترين عهدي تي توهان جي چونڊ ترڪ قوم طرفان توهان جي فعال قيادت تي اعتماد جو اظهار آهي.

 

ويزن 2025ع تحت ايندڙ 11 سالن ۾ 150 ارب ڊالرن جو روانگي واپار وارو حدف حاصل ڪرڻ چاهيون ٿا: احسن اقبال

اسلام آباد 11 آگسٽ (اي پي پي) رٿابندي ۽ ترقي واري وفاقي وزير احسن اقبال چيو آهي ته دنيا جي ڪنهن ملڪ ۾ سياسي استحڪام کانسواءِ ترقي ممڪن نه آهي، ويزن 2025ع ڳالهين جو نه پر ترقي واري عمل جو پروگرام آهي، توانائي جو بحران 1999ع کان وٺي 2013ع تائين منصوبابندي جي نه هجڻ جو نتيجو آهي، پنهنجي مستقبل کي تبديل ڪرڻ لاءِ پاڻ کي تبديل ڪرڻو پوندو، ملڪي مفاد ۾ ادارن اندر سياسي مداخلت هاڻي بند ٿيڻ گهرجي. سومر ڏينهن ڪنوينشن سينٽر اسلام آباد ۾ پاڪستان ويزن 2025ع جي تقريب کي خطاب ڪندي وفاقي وزير احسن اقبال چيوته 1998ع ۾ اسان وٽ هڪ جامع منصوبابندي هئي، جنهن تي آمريت واري دور ۾ عمل نه ڪيو ويو ۽ ان جي نتيجي ۾ اڄ اسان بجلي ۽ گيس جي بحران کي منهن ڏئي رهيا آهيون.

 

 
> PDF Print E-mail

وزيراعظم اڄ ويزن 2025ع جو باضابطه آغاز ڪندو

اسلام آباد – 10 آگسٽ (اي پي پي) وزيراعظم محمد نواز شريف اڄ سومر ڏينهن ويزن 2025ع جو باضابطه آغاز ڪندو. ان ڏس ۾ پلاننگ ڪميشن جي اهتمام هيٺ ڪنويشن سينٽر ۾ تقريب منعقد ٿيندي جنهن جا سمورا انتظام مڪمل ڪيا ويا آهن. تقريب ۾ مختلف شعبن سان تعلق رکندڙ ماڻهو به شرڪت ڪندا

 

حڪومت قائداعظم محمد علي جناح جي پاڪستان کي ورهائڻ جي اجازت نه ڏيندي: سينيٽر پرويز رشيد

اسلام آباد – 10 آگسٽ (اي پي پي) اطلاعات ، نشريات ۽ قومي ورثي واري وفاقي وزير سينيٽر پرويز رشيد چيو آهي ته حڪومت قائداعظم محمد علي جناح جي پاڪستان کي ورهائڻ جي اجازت نه ڏيندي. ڪالهه آچر ڏينهن هتي جماعت اسلامي جي اهتمام هيٺ “لبيڪ قبله اول ريلي” کي خطاب ڪندي هن چيو ته اسان ڪنهن کي ملڪ ورهائڻ جي اجازت نه ڏينداسين جيڪو باباءِ قوم قائداعظم محمد علي جناح قائم ڪيو هو. هن چيو ته قائداعظم سڀ کان پهرين معصوم فلسطينن لاءِ آواز اٿاريو. وفاقي وزير پرويز رشيد جماعت اسلامي جي اهتمام هيٺ ريلي جي انعقاد جي واکاڻ ڪئي.

 

طاهر القادري احتجاج کان پاسو ۽ ملڪ جي آئين ۽ قانون جي پابندي ڪري: سينيٽر پرويز رشيد

اسلام آباد – 10 آگسٽ (اي پي پي) اطلاعات ۽ نشريات ۽ قومي ورثي واري وفاقي وزير سينيٽر پرويز رشيد پاڪستان عوامي تحريڪ جي سربراهه طاهر القادري تي زور ڏنو آهي ته هو احتجاج کان پاسو ڪري ۽ ملڪ جي آئين ۽ قانون جي پابندي ڪري. نجي ٽي وي چينل سان ڳالهائيندي هن ڳالهين جي ذريعي مسئلا حل ڪرڻ لاءِ سياسي پارٽين جي ڪوششن جي واکاڻ ڪئي ۽ چيو ته جيڪڏهن متحده قومي موومينٽ عوامي تحريڪ جي سربراهه کي احتجاج کان روڪڻ لاءِ ڪردار ادا ڪري ٿي ته ان سان خوشي ٿيندي. هن چيو ته پي اي ٽي جي ڪارڪنن بشمول عورتن وٽ ڪل لڳل ڏنڊا هئا جنهن سان هنن پوليس اهلڪارن تي حملا ڪيا جڏهن ته طاهر القادري اشتعال انگيز تقرير ڪري رهيو هو ۽ پنهنجي ڪارڪنن کي احتجاج تي ڀڙڪائي رهيو هو. هن چيو ته قانوني ۽ آئيني طريقي سان احتجاج هر ڪنهن جو حق آهي پر حڪومت ڪنهن کي رياست جي رٽ چئلينج ڪرڻ جي اجازت نه ڏيندي.

 

 

پاڪستان مسلم ليگ (ن) پنهنجي ڪارڪنن کي ڪڏهن به تشدد، بدامني تي ناهي اڪسايو: ماروي ميمڻ

اسلام آباد – 10 آگسٽ (اي پي پي) قومي اسيمبلي جي اطلاعات ۽ نشريات بابت اسٽينڊنگ ڪميٽي جي چيئرپرسن ماروي ميمڻ چيو آهي ته پاڪستان مسلم ليگ (ن) هڪ باشعور سياسي پارٽي آهي، جنهن پنهنجي ڪارڪنن کي ڪڏهن به تشدد، بدامني تي نه اڪسايو. نجي ٽي وي چينل سان ڳالهائيندي هن چيو ته سياسي اشوز کي حل ڪرڻ جي سلسلي ۾ مسلم ليگ (ن) ۽ پاڪستان عوامي تحريڪ جي وچ ۾ وڏو فرق آهي، ماروي ميمڻ چيو ته 2009ع ۾ عدليه جي بحالي لاءِ پاڪستان مسلم ليگ (ن) جي اڳواڻ نواز شريف لاهور کان اسلام آباد ڏانهن هڪ پرامن مارچ جي قيادت ڪئي تنهن هوندي به هاڻي پاڪستان عوامي تحريڪ پرتشدد احتجاج ڪري رهي آهي ۽ پوليس تي ڏنڊن سان حملا ڪري رهي آهي ملڪ ۾ بدامني پيدا ڪري رهي آهي.

 
> PDF Print E-mail

مريم نواز شريف کي وزيراعظم پاران يوٿ بزنس لون اسڪيم لاءِ 100 ارب روپيا خصوصي طور ناهن ڏنا ويا آهن: ماروي ميمڻ

اسلام آباد 10 آگسٽ (اي پي پي) وزيراعظم يوٿ پروگرام جي چيئرپرسن جي صلاحڪار ۽ ترجمان تحريڪ انصاف جي چيئرمين عمران خان جي انهن الزامن جي سختي سان ترديد ڪئي آهي ته  مريم نواز شريف کي وزيراعظم پاڪستان پاران يوٿ بزنس لون اسڪيم لاءِ 100 ارب روپيا خصوصي طور تي ڏنا ويا آهن. عمران خان يوٿ پروگرام جي مالياتي منتظمين، انتظاميه ۽ عملدرآمد حصيدارن جي خودمختياري جي حوالي سان قطعي علم نه آهي، پوائنٽ اسڪورنگ کان اڳ عمران خان وزيراعظم يوٿ پروگرام جي ساخت ۽ هيت جو مطالعو ڪري وٺي. عمران خان جي الزامن تي پنهنجي رد عمل ۾ ماروي ميمڻ چيو ته وزيراعظم يوٿ بزنس لون اسڪيم نيشنل بئنڪ آف پاڪستان ۽ فرسٽ ويمن بئنڪ پاران شفافيت سان عملدرآمد ٿي رهيو آهي ۽ هي ادارا پنهنجي وسيلن مان هوشيار نوجوانن کي قرض فراهم ڪري رهيا آهن.

 

قومي اسيمبلي جو اجلاس ٻن ڏينهن جي وقفي کانپوءِ اڄ ٿيندو

اسلام آباد – 10 آگسٽ (اي پي پي) قومي اسيمبلي جو اجلاس ٻن ڏينهن جي وقفي کانپوءِ اڄ سومر ڏينهن سردار اياز صادق جي صدارت ۾ ٻيهر شروع ٿيندو، اجلاس ۾ صدر ممنون حسين جي پارليامينٽ جي گڏيل اجلاس کي خطاب تي بحث جاري رهندو

 

چونڊ سڌارن بابت پارليامينٽ جي خصوصي ڪميٽي جو اجلاس اڄ ٿيندو

اسلام آباد – 10 آگسٽ (اي پي پي) چونڊ سڌارن بابت جوڙيل پارلياماني خصوصي ڪميٽي جو اجلاس چيئرمين سينيٽر اسحاق ڊار جي صدارت ۾ اڄ سومر ڏينهن 11 وڳي پارليامينٽ هائوس ۾ منعقد ٿيندو. اجلاس جي دوران ڪميٽي جا قاعدا ۽ ضابطا طئي ڪيا ويندا. ان کانسواءِ سينيٽ جي چونڊ سڌارن جي حوالي جوڙيل خصوصي ڪميٽي جي سفارشن ۽ پراسيس کي به غور هيٺ آندو ويندو، 33 رڪني ڪميٽي اتفاق راءِ سان پنهنجي پهرين اجلاس ۾ اسحاق ڊار کي چيئرمين چونڊيو هو ان جو هي ٻيو اجلاس آهي.

 

 

وفاقي حڪومت اتر وزيرستان جي بي گهر ٿيل ماڻهن ۾ هڪ ارب 76 ڪروڙ روپيا ورهايا

اسلام آباد – 10 آگسٽ (اي پي پي) وفاقي حڪومت اتر وزيرستان جي بي گهر ٿيل ماڻهن ۾ هڪ ارب 76 ڪروڙ روپيا ورهايا آهن. فاٽا جي قدرتي آفتن کي منهن ڏيڻ جي اداري جي مطابق 52 هزار 8 سئو 63 خاندانن ۾ هي رقم ورهائي وئي آهي جڏهن ته نادرا پاران تصديق ڪيل 3 هزار 783 خاندانن ۾ رقم جي ورڇ جو ڪم جاري آهي. عملدارن جي مطابق لڏپلاڻ ڪندڙن هڪ هزار 686 خاندانن جا ڪاغذ تصديق لاءِ نادرا کي موڪليا ويا آهن ۽ تصديقي عمل مڪمل ٿيڻ کانپوءِ انهن خاندانن کي روڪ امداد ڏني ويندي.

 
More...
<< Start < Prev 1 2 3 4 5 6 7 8 9 10 Next > End >>

Results 28 - 36 of 7369

     

Budget 2014-2015
Federal Budget
Highlights 2014-2015
Punjab Budget
Sindh Budget
KPK Budget
Balochistan Budget
A.J.K Budget
Gilgit Baltistan Budget
Elections 2013
Elections 2013 News
Code of Conduct
Code of Conduct
Manifestos of Parties
Manifestos of Political Parties
Independence Day News
Independence Day News
Economic Survey
Economic Survey 2013-2014
Presidential address to the joint sitting of parliament
Presidential address to the joint sitting of parliament
Parlimentary Proceedings
National Assembly
Senate