صدر پاران لوئر دير خيبرپختونخواه ۾ بم ڌماڪي جي مذمت

صدر آصف علي زرداري پاران پاڪستان تحريڪ انصاف جي سربراهه عمران خان جي جلد صحتيابي لاءِ دعا

اسلام آباد – 07 مئي (اي پي پي) صدر آصف علي زرداري پاڪستان تحريڪ انصاف جي سربراهه عمران خان کي غالب مارڪيٽ لاهور ۾ جلسي عام دوران ڌڪ لڳڻ تي گهري ڳڻتي جو اظهار ڪيو آهي، صدر عمران خان جي لاءِ نيڪ تنمائن جو اظهار ڪندي سندس جلد صحتيابي لاءِ دعا ڪئي آهي

سينيٽ چيئرمين سيد نيئر حسين بخاري پاران مشهور صحافي ۽ ڪالم نگار اطهر عباس جي لاڏاڻي تي ڏک جو اظهار

اسلام آباد - 06 مئي (اي پي پي) سينيٽ چيئرمين سيد نيئر حسين بخاري مشهور صحافي ۽ ڪالم نگار اطهر عباس جي لاڏاڻي تي گهري ڏک ۽ افسوس جو اظهار ڪندي مرحوم جي صحافتي خدمتن کي ساراهيو آهي. ڪالهه سومر ڏينهن پنهنجي تعزيتي پيغام ۾ سيد نيئر حسين بخاري دعا ڪئي ته الله تعاليٰ مرحوم کي جنت ۾ جاءِ ڏي ۽ سندس پونئيرن کي اهو صدمو برداشت ڪرڻ جي توفيق عطا فرمائي.

پاڪستان ۾ مضبوط جمهوريت لاءِ پارليامينٽ ميمبرن ۽ انهن جي لاڳاپيل اسٽاف جي ٽريننگ تمام گهڻي ضروري آهي: سيد نيئر حسين بخاري

اسلام آباد – 06 مئي (اي پي پي) سينيٽ چيئرمين سيد نيئر حسين بخاري چيو آهي ته پاڪستان ۾ مضبوط جمهوريت لاءِ پارليامينٽ ميمبرن ۽ انهن جي لاڳاپيل اسٽاف جي ٽريننگ تمام گهڻي ضروري آهي. يورپي يونين جي تعاون مان ڀرپور فائدو حاصل ڪنداسين. اهڙن خيالن جو اظهار هن يورپي يونين جي وفد سان ڳالهائيندي ڪيو. سينيٽ چيئرمين يورپي يونين پارليامينٽرينز سپورٽ پروگرام جي پاڪستان ۾ امداد تي ٿورا مڃيندي چيو ته هن پروگرام تحت يورپي يونين جا سياسي محرڪات پاڪستان جي جمهوري ادارن ۾ تمام گهڻو فائديمند ثابت ٿيندا ۽ پارليامينٽرينز جي پرفارمنس بهتر بڻائڻ جو پروگرام پاڪستان جي قانونسازي جي اداري ۾ مدد ڪندو ۽ يورپي يونين پاڪستان ۾ جمهوريت جي فروغ ۾ اهم مدد پڻ ڪندي. هن چيو ته پارليامينٽرينز ۽ لاڳاپيل اسٽاف جي  ٽريننگ هڪ تسلسل ۾ هجڻ گهرجي. هن چيو ته نئين سال جي بجيٽ بڻائڻ جو وقت آهي ۽ ٽريننگ جا شارٽ ڪورس پارليامينٽرينز لاءِ انتهائي ضروري آهن. سينيٽ چيئرمين چيو ته قانونسازي لاءِ ڊرافٽنگ اسان جي ڪمزور ايريا آهي ۽ ان لاءِ تربيت انتهائي ضروري آهي. سينيٽ چيئرمين ۽ يورپي يونين جي وفد ان ڳالهه کي ورجايو ته ڪجهه ماڻهن کي ٻاهر موڪلڻ بدران مقامي سطح تي تمام گهڻن ماڻهن کي ٽرينگ ڏني وڃي جيڪا تمام گهڻي موثر ثابت ٿيندي

اطلاعات ۽ نشريات جي وفاقي وزير عارف نظامي پاران سينيئر صحافي، ڪالم نگار عباس اطهر جي لاڏاڻي تي ڏک جو اظهار

اسلام آباد – 06 مئي (اي پي پي) اطلاعات ۽ نشريات جي وفاقي وزير عارف نظامي سينيئر صحافي، ڪالم نگار عباس اطهر جي لاڏاڻي تي گهري ڏک ۽ افسوس جو اظهار ڪندي چيو ته عباس اطهر جي لاڏاڻي سان صحافت ۾ هڪ وڏو خال ٿي ويو آهي ۽ سندس صحافتي خدمتن کي ڊگهي عرصي تائين ياد رکيو ويندو. ڪالهه سومر ڏينهن پنهنجي تعزيتي پيغام ۾ اطلاعات واري وزير عارف نظامي چيو ته عباس اطهر صحافت ۽ ملڪي سياسي تاريخ جي هڪ وڏي نالي طور تي سڃاتو ويندو هو ۽ هڪ منفرد ڪالم نگار هو. هن دعا ڪئي ته الله تعاليٰ مرحوم کي جنت ۾ جاءِ ڏي ۽ پونئيرن کي صبر ۽ جميل عطا فرمائي. ياد رهي ته عباس اطهر ڊگهي عرصي کان ڪينسر جي مرض ۾ مبتلا هو ۽ علاج هيٺ هو.

وزيراعظم پاران ناليواري صحافي سيد عباس اطهر جي لاڏاڻي تي ڏک جو اظهار

اسلام آباد – 06 مئي (اي پي پي) وزيراعظم جسٽس (ر) مير هزار خان کوسو ناليواري صحافي سيد عباس اطهر جي لاڏاڻي تي گهري ڏک ۽ افسوس جو اظهار ڪيو  آهي. وزيراعظم مرحوم جي سوڳوار خاندان جي نالي تعزيتي پيغام ۾ چيو ته پاڪستان ۾ صحافت جي فروغ لاءِ مرحوم جي خدمتن کي ڊگهي عرصي تائين ياد رکيو ويندو. هن دعا ڪئي ته الله تعاليٰ مرحوم کي جنت ۾ جاءِ ڏي ۽ پونئيرن کي صبر ۽ جميل عطا فرمائي

وزيراعظم پاران ڪرم ايجنسي ۾ جمعيت علماءُ اسلام (ف) جي اميدوار منير اوڪرزئي جي سياسي جلسي ۾ ڌماڪي جي مذمت

اسلام آباد – 06 مئي (اي پي پي) وزيراعظم مير هزار خان کوسو ڪرم ايجنسي ۾ جمعيت علماءُ اسلام (ف) جي اميدوار منير اوڪرزئي جي سياسي جلسي ۾ ڌماڪي جي شديد مذمت ڪئي آهي جنهن جي نتيجي ۾ قيمتي جانيون ضايع ٿيون ۽ اين اي 37 مان هڪ اميدوار عين الدين شاڪر به زخمي ٿيو، وزيراعظم ڪالهه سومر ڏينهن پنهنجي بيان ۾ جاني زيان تي ڏک ۽ افسوس جو اظهار ڪندي خيبرپختونخواه جي گورنر کي هدايت ڪئي ته زخمين کي بهترين هر ممڪن امداد فراهم ڪئي وڃي، هن گورنر کي سڀني اميدوارن جي سيڪيورٽي سخت ڪرڻ جي به هدايت ڪئي، وزيراعظم فوت ٿيندڙن جي مغفرت ۽ سوڳوار خاندانن جي لاءِ صبر ۽ جميل جي دعا ڪئي آهي