|
قوم ڏسي پئي ته سندن قسمت جا فيصلا عوام جا چونڊيل نمائندا ۽ پارليامينٽ ڪري
رهي آهي، پهريون ڀيرو پرڏيهي پاليسي عوام جي خواهشن جي ترجماني ڪندي، حڪومتي فيصلن
جو عڪس پارليامينٽ جي اندر نظر اچي رهيو آهي: وزيراعظم سيد يوسف رضا گيلاني
اسلام آباد - 31 مارچ (اي
پي پي) وزيراعظم سيد يوسف رضا گيلاني چيو آهي ته اڄ قوم پاڻ ڏسي رهي آهي ته سندن
قسمت جا فيصلا عوام جا چونڊيل نمائندا ۽ پارليامينٽ ڪري رهي آهي، هي پهريون موقعو
آهي جو پرڏيهي پاليسي عوام جي خواهشن جي ترجماني ڪندي، پارلياماني ڪميٽي جون
سفارشون هڪ متفقه دستاويز هو ۽ اسان چاهيون ٿا ته ان تي گڏيل اجلاس ۾ پيش ڪيل
قرارداد پڻ متفقه طور تي منظور ٿئي، چين پاڪستان جو گهرو دوست آهي، چين جي دوري دوران
بائو فورم ۾ پاڪستان جي معيشت تي ڳالهه ٿيندي، پنجاب جي وڏي وزير پاران توانائي
ڪانفرنس جي ميزباني جي آڇ مثبت ۽ سٺوسنئوڻ آهي، پارليامينٽ عوام جي خواهشن ۽ امنگن
جي ترجماني ڪري ٿي، حڪومتي فيصلن جو عڪس پارليامينٽ جي اندر نظر اچي رهيو آهي.
ڪالهه ڇنڇر ڏينهن چين ۾ بائو فورم ۾ شرڪت لاءِ رواني ٿيڻ کان اڳ چڪلاله ايئربيس تي
صحافين سان ڳالهائيندي وزيراعظم چيو ته بائو فورم ايشيا جو اهم اقتصادي فورم آهي
ان ۾ شرڪت دوران جتي مختلف ڪمپنين جي چيف ايگزيڪيوٽو آفيسرن سان ملاقات ٿيندي اتي
اهم اڳواڻن سان پڻ ڳالهيون ٿينديون. بائو فورم مختلف اڳواڻن سان ملاقات جو اهم
موقعو ثابت ٿيندو. هن چيو ته مختلف ڪمپنين جي سربراهه مسٽر لي سان پڻ ملاقات
ٿيندي. هڪ سوال جي جواب ۾ وزيراعظم چيو ته بائو فورم هڪ اقتصادي فورم آهي، ان لاءِ
هتي ڳالهه ٻولهه جي بنياد معيشت هوندي. 9 اپريل تي طلب ڪيل توانائي ڪانفرنس جي
حوالي سان هڪ سوال جي جواب ۾ وزيراعظم چيو ته توانائي ڪانفرنس منعقد ڪرڻ لاءِ
پنهنجي عملي کي هدايت ڪئي آهي ته هو صوبائي وڏن وزيرن سان رابطي ۾ رهي، پنجاب ۾
توانائي ڪانفرنس منعقد ڪرڻ جو مقصد واپاري برادري طرفان ٿيندڙ احتجاج تي کين
اعتماد ۾ وٺڻ آهي. هن چيو ته توانائي جو بحران ڪنهن خاص علائقي يا صوبي جو نه پر
پوري ملڪ جو مسئلو آهي ۽ ان جي حل لاءِ توانائي ڪانفرنس ۾ سموريون ڌريون شرڪت
ڪنديون. اها قومي مفاد جي ڪانفرنس آهي. هن چيو ته پنجاب جي وڏي وزير پاران توانائي
ڪانفرنس جي ميزباني جي آڇ مثبت ۽ سٺوسنئوڻ آهي. قومي سلامتي ڪميٽي جي سفارشن تي
پارليامينٽ ۾ بحث جي حوالي سان هڪ سوال جي جواب ۾ وزيراعظم چيو ته پارليامينٽ عوام
جي خواهشن ۽ امنگن جي ترجماني ڪري ٿي. عوام جي ترجماني جو عڪس ان وقت پارليامينٽ ۾
نظر اچي رهيو هو،
|
|
|
صدر آصف علي زرداري پاران آزاد ڪشمير جي چيف سيڪريٽري جي ڀاءُ جي لاڏاڻي تي
ڏک جو اظهار
اسلام آباد - 31 مارچ (اي
پي پي) صدر آصف علي زرداري آزاد ڪشمير جي چيف سيڪريٽري ارباب شهزاد خان جي ڀاءُ
ارباب دوست محمد خان جي لاڏاڻي تي گهري ڏک ۽ افسوس جو اظهار ڪيو آهي. ڇنڇر ڏينهن
جاري ڪيل تعزيتي پيغام ۾ صدر مرحوم ارباب دوست محمد جي مغفرت لاءِ ۽ پونئيرن لاءِ
صبر ۽ جميل جي دعا ڪئي.
|
|
|
وزيراعظم سيد يوسف رضا گيلاني پاران ارباب دوست محمد خان جي لاڏاڻي تي تعزيت
جو اظهار
اسلام آباد - 31 مارچ (اي
پي پي) وزيراعظم سيد يوسف رضا گيلاني ارباب دوست محمد خان جي لاڏاڻي تي تعزيت جو
اظهار ڪيو آهي. ڪالهه ڇنڇر ڏينهن جاري ڪيل تعزيتي پيغام ۾ وزيراعظم سيد يوسف رضا
گيلاني ارباب دوست محمد خان مرحوم لاءِ مغفرت جي دعا ۽ پونئيرن لاءِ صبر ۽ جميل جي
دعا ڪئي آهي
|
|
|
وزيراعظم سيد يوسف رضا گيلاني بائو فورم ۾ شرڪت لاءِ چين جي شهر باؤ پهچي
ويو
باؤ) چين) - 31 مارچ (اي پي پي) وزيراعظم سيد يوسف رضا گيلاني
بائو فورم ۾ شرڪت لاءِ چين جي شهر باؤ پهچي ويو آهي، هو ايشيا سالياني ڪانفرنس
2012ع ۾ پاڪستان جي نمائندگي ڪندو، ڪالهه ڇنڇر ڏينهن وزيراعظم سيد يوسف رضا گيلاني
جڏهن سانيا فونڪس انٽرنيشنل ايئرپورٽ تي پهتو ته سانيا جي ميئر وانگ ينگ سندس
آجيان ڪئي، وزيراعظم سان گڏ اطلاعات ۽ نشريات جي وفاقي وزير ڊاڪٽر فردوس عاشق
اعواڻ، پاڻي ۽ بجلي وارو وفاقي وزير سيد نويد قمر ۽ ناڻي وارو وزير عبدالحفيظ شيخ
به آهي، پنهنجي ٽن ڏينهن جي دوري دوران وزيراعظم 2 اپريل تي فورم جي افتتاحي سيشن
کي خطاب ڪندو، ڪانفرنس جو موضوع "تبديل ٿيندڙ دنيا ۾ ايشياءَ پائيدار ۽
مستحڪم ترقي جي راهه تي" آهي
|
|
|
سينيٽ چيئرمين سيد نيئر حسين بخاري جي قيادت ۾ پارلياماني وفد يوگنڊا پارلياماني يونين جي اسيمبلي جي اجلاس ۾ شرڪت
لاءِ روانو
اسلام آباد - 31 مارچ (اي پي پي) سينيٽ چيئرمين سيد نيئر حسين
بخاري جي قيادت ۾ پارلياماني وفد يوگنڊا روانو ٿي ويو جتي هو 31 مارچ کان 6 اپريل
تائين جاري 126 هين پارلياماني يونين (آءِ پي يو) اسيمبلي ۾ شرڪت ڪندو، پاڪستاني
وفد سينيٽ ۽ قومي اسيمبلي جي ميمبرن تي ٻڌل آهي جيڪو سياسي، اقتصادي ۽ سماجي مسئلن
جي حوالي سان ٿيندڙ بحث مباحثن ۾ متحرڪ ۽ ڀرپور حصو وٺندو، سينيٽ چيئرمين سيد نيئر
حسين بخاري آءِ پي يو اسيمبلي کي خطاب ڪندو ۽ شرڪت ڪندڙن کي ايجنڊا جي نڪتن جي
باري ۾ آگاهه ڪندو، ان کانسواءِ پينل ڊسڪشن ۾ ننڍن ٻارڙن جي مسئلن، ايڊز جي روڪٿام
لاءِ قانونسازي ڪرڻ، ان جي مڪمل روڪٿام ۽ امتيازي سلوڪ جي خاتمي لاءِ پارلياماني
ڪردار تي خيالن جي ڏي وٺ ڪئي ويندي، ان کانسواءِ اسرائيل پاران 1967ع ۾ گولان جي
جبلن تي قبضو ڪرڻ، گڏيل قومن جي ڪوششن ۾ بين الاپارلياماني تعاون وڌائڻ، عرب ليگ،
خليج تعاون ڪائونسل ۽ عالمي قانونن جي احترام تي ٻڌل قدمن ۽ انساني حقن جي عالمي
قانونن، شام جي صورتحال، علائقائي تعاون جي فروغ لاءِ پارلياماني ڪردار ۽ تشدد جي
خاتمي لاءِ عالمي ڪوششن ۽ شام ۾ ماڻهن جو قتل عام روڪرائڻ لاءِ عرب ليگ منصوبي کي
ڪامياب بڻائڻ لاءِ تعاون ڪرڻ جهڙن قدمن کي به ايجنڊا ۾ هنگامي طور تي شامل ڪيو ويو
آهي
|
|
|
|
<< Start < Prev 1 2 3 4 5 6 7 8 9 10 Next > End >>
|
| Results 1 - 9 of 2823 |
