د سېنټ غونډه به (سباله) پېل كيږي۔
اسلام آباد 30 نومبر﴿اے پي پي﴾ دسېنټ غونډه به (سباله) د جمعې په ورځ پارلېمنټ هاؤس كښې پېل كيږي۔ دا غونډه د مخالفې ډلې په غوښتنه رابللې شوې ده۔ دې غونډه كښې به د مخالفو ګوندونو غړي په بېلو چارو غور كوي۔
دناټو د بريد څخه وروستو د وفاقي حكومت ګامونه د ستائلو دي۔ د خېبر پختونخوا سپيكر۔
پېښور 30 نومبر﴿اے پي پي﴾ د خېبر پختونخوا سپيكرې كرامت الله چغرمټۍ وئيلي دي د مومند ايجنسۍ د پیښې څخه وروستو وفاقي حكومت په سخت موقف خپلولو د اولس د جذباتو چې څنګه په نرۍ ترجماني كړې ده هغه ګامونه د ستائلو دي۔ د شورؤ په ورځ خبريالانو ته ده ووئيل د ناټو په پوځي پوسته بريد د هېواد په ضد ښكاره جارحيت دے او د ناټو دغه پاكستان په خپلو پالېسيو بيا نظر اچولو ته جوړ كړې دې۔ ده په دې پېښه كښې د شهيد شويو ځوانانو او افسرانو او ژوبل شويو له دعا اوغوښتله او غمجنيو كورنيو سره ئې غمرازي ښكاره كړه۔
د مېمو سكېنډل په اړه به د پارلمان پرېكړې تسليموؤ۔ د ناټو بريد په ضد مو په هر كچ احتجاج كړې۔ سباؤن كښې به داسې بريدونه كله هم و نه زغمو۔ كه حاجت پېښ شو نو د ناټو ٬ ايساف او امريكا سره په لوظنامو به بيا نظر اچوؤ۔ د بهرنيو چارو وزيرې حنا رباني كھر د سېنټ خارجه چارو كمېټۍ غونډې ته بريفېنګ
اسلام آباد 30 نومبر﴿اے پي پي﴾ د بهرنيو چارو وزيرې حنا رباني كھر وئيلي دي د مېمو سكېنډل په اړه به د پارلمان پرېكړې تسليموؤ۔ د ناټو بريد په ضد مو په هر كچ احتجاج كړې۔ سباؤن كښې به داسې بريدونه كله هم و نه زغمو۔ كه حاجت پېښ شو نو د ناټو ٬ ايساف او امريكا سره په لوظنامو به بيا نظر اچوؤ۔ قائمه كمېټۍ د شاه محمود قرېشي د اتومي پروګرام په اړه بيان د قامي ګټې په ضد ګرځولو سره وئيلي دي چې د دغسې خبرو څخه ډډه كول پكار دي۔ د شورؤ په ورځ د سېنټ خارجه كمېټۍ غونډه د سېناتور سليم سېف الله په مشرۍ كښې پېل شوه۔ غونډه كښې د كمېټۍ غړو سېناتور جهانګير بدر٬ سيد نيئر حسېن بخاري٬ پروفېسر خورشيد احمد او عباس خان سره خارجه وزيرې حنا رباني كھر او وفاقي سېكتر ګډون وكړو۔ حنا رباني كھر غونډې ته د مېمو سېكنډل او د ناټو بريد په اړه بريفينګ وركړې شو۔ دې ووئيل چې د حسېن حقاني څخه وزيراعظم د قامي ګټې ترمخه استعفی اغستې ده او د حسېن حقاني ميډيا ټرائيل روان دے۔ هغه له به په دې اړه د خپلې صفائۍ بشپړه موقع وركولې شي۔ دې ووئيل د خارجه وزارت په ريكارډ داسې هېڅ خط نشته كوم چې امريكائي چارواكو ته ليكلې شوې ؤ او نه كله امريكا د داسې خط ذكر كړې۔ دې ووئيل وزيراعظم د دې پلټنې د قامي سلامتيا پارلماني كمېټۍ ته سپارلي دي۔ پارلمان خپلواكه دې او چې كومه پرېكړه هم كوي د منلو وړ به وي۔ دې ووئيل ناټو ته ښكاره وئيلي شوي دي چی په دې بريد يوازې بخښنه غوښتل د منلو وړ نه ده۔ دې ووئيل كه حاجت پېښ شو نو د ناټو ٬ ايساف او امريكا سره په لوظنامو به بيا نظر اچوؤ۔ او په قامي سلامتيا به هېڅ سودا نه كوؤ۔ د يوې پوښتنې په ځواب كښې دې ووئيل چې د ترهه ګرۍ ښكار شوې وي هغه كه عام وګړے وي يا پوځي زمونږ قيمتي اثاثه ده۔ په خپله خاوره به اوس د چا د وينې دغسې بيولو اجازه ورنكړو څنګه چې ناټو كاروائي كړې۔ كمېټۍ په دې مهال د ناټو د بريد سخته غندنه وكړه۔ دوئي ووئيل حكومت له په دې اړه څرګنده پالېسي خپلول پكار دي۔
طالبعلمان دے هېواد كښې دامن او معيشت مضبوطولو له خپل كردار ترسره كړي۔ ډاكټر پال بھټي
اسلام آباد 30 نومبر﴿اے پي پي﴾ د وزيراعظم د قامي يووالي سلاكار ډاكټر پال بھټي وئيلي دي طالبعلمان دے د خوارۍ او د زړه نه زده كړې كولو سره هېواد كښې امن ٬ ورورولۍ او معيشت مضبوطولو له خپل كردار ترسره كړي۔ تاسو د قام هيله ئې او هېواد ستاسو څخه ډېرې هيلې لري۔ ده تېره ورځ سېنټ مېري اكېډمي لاله زار كښې د طالبعلمانو د سوګند پورته كولو دستورې ته وېنا كوله۔ ده په زده كوؤنكو زور راوړو چی د قام مقدر بدلولو او د ترقۍ ٬ سوكالۍ لپاره هېواد د قائد اعظم او علامه اقبال د وېنا ترمخه جوړولو له خپل كردار ته چمتو وسي۔ ده ووئيل د هېواد پرمختګ له امن راوستلو ته اړتيا ده د كوم لپاره چې مونږ ټولو له خپل كردار ترسره كول دي۔ په دې مهال د پنډۍ بشپ ٬ د اسلام آباد بشپ روفېن انتھوني هم دستورې ته وېنا وكړه۔
د نوموړي شاعر الطاف پروز انهم تلين (نن) لمانځلې شي۔
اسلام آباد 30 نومبر﴿اے پي پي﴾ د اردو او پنجابۍ نوموړي شاعر الطاف پروز انهم تلين (نن) د زيارت په ورځ لمانځلې شي۔ په حقله به ادبي تنظيمونه بېلې دستورې كوي۔ د الطاف پرواز د 75 نه زيات تصانيف چاپ شوي دي چې په كښی د پښتو د لوئې صوفي شاعر رحمان بابا د كلام ترجمې هم شامل دي۔ ده د بلوچۍ ژبې شاعر مست توكلي او خليل جبران د نظمونو پنجابۍ ترجمه هم كړې ده۔ تېرو ورځو كښې د الطاف حسېن د نعتونو كتاب نور حنا چاپ شوې ؤ۔
